الطعنه اللي من ورا الظهر تنهيك
قصيده اعجبتني فنقلتها
اتمنى تحوز على اعجابكم
بعض البشر لامن حشمته طمع فيك
وبعض البشر لامن جفيته يودك
وبعض البشر يتعب علشان يرضيك
واغلى من اخوانه بقلبه يعـــــــــــــدك
وياصاحبي هالحين بانت خوافيك
علقتني مابين مزحـك وجـدك
وش جاك مني ياعشيري وانا اخيك
قبل امس انا صاحبك واليوم ندّك
لاضاق صدري من عنا الوقت انا اجيك
واشوف دمعات الغلا فوق خدك
والحين تظلمني وانا منك وفيك
بكل احترام اقول ياخوي حدك
ثمن كلامك ياعسى الله يهديك
لاصار ماي الوجه يعجز يردك
ثوب الردى ياصاحبي مايقديك
الثوب ماهوب لك ولا القد قدك
وانا خلاص اليوم والله مابيك
النفس طابت سوّ ماهو بودك
الطعنه اللي من ورا الظهر تنهيك
وشلون لاجاتك من اللي يودك
لاواهني يوم انا اموت بييديك
ذابح وتبكي من ذبحته بيدك
|