منتديات هيبة ملك منبع إبداع لاينضب - عرض مشاركة واحدة

اوسمتي · 08-03-2009, 01:33 AM

::
::

قالوا مريض وقلت فيني ولا فيه
ياعزة الله كيف ذاك المرض جاه
كيف الألم يدمي فواده ويدميه
ليت الألم ياناس شخص اترجاه
برجيه رجوة بخير حاله يخليـه
وان كان وده علتي قلت محلاه
لاجله بشيل العوق عنّه واراعيه
واصير من بد الخلايق أنـا دواه
لانه عضيد الروح والقلب يغليه
ما ودي انه لحظةِ يشكـي الآه
لو كان بيدي في عيوني أداريـه
واتشيله اجفوني وتغمض وتنساه
ياذا المرض عجل دخيلك تعديه
خل التعب لا يهد حيله ويصلاه
ماجور يامن بالنواظر نساويـه
يالله عسى من الشر يسلم محياه

::
::

ليت الوجع بعروق
قلبي ولا فيك
وليت التعب غلطان
ساهي ولا جاك
لو الشفا بضلوع
صدري لداويك
واطحن جميع ضلوع
صدري فداياك

::
::

الله من شر
المقادير يحميك
والله يحفظك
ياعيوني ويرعاك

::
::

خطاك الشر ياعمري خطاك
عسى عمرك تفاريح وربيع
وتصحبك السلامة في خطاك
وقـال السعـد دايم ربـيـع

::
::

سلامتك ياغالي مليون سلامه
افرح الناس وما على العاشق ملامه
شفاك الله وعفاك وسررنا لاجل روياك
لوبيدي ازيل الالم واصنع الفرحة لعيونك
واشتري راحتك بعمري وانتظر اني اشوفك

::
::

لا بأس
انا يالغالي(ن) قلتها لك
من قلب
يخلص لك..!
يحبك ويغليك
ياليتني كنت المنوم
بدالك!
وليت المرض
يا (فلان )
فيني ولا فيك !!

::
::

ليت المرض شخص وأباريه بسلاح
وأقطع له راسه قبل يصيبك
انت الذي ترخص له عيون وأرواح
وانت الذي ترى قلبي من نصيبك
أغلى أمنياتي كلها واللي راح
إني مثل ما أبتدي أنتهي بك

::

ليت المرض فيني حبيبي ولافيـك
ياليت انا اللي رحت يـم الدكاتـر

::

ياليت جرحك وسط قلبي اضمـه
ذي حكمة الله وماعلى الرب قادر

::

لو المرض سم عنك يازين سمـه
ولو المرض حرمان والله لخاطـر

::

ماشفت من دنياي غيـر المطمـه
والمشكله من ما حصلـي اكابـر

::

قول لـم الـهـم والله للـمـه
لوكـان اخرهـا زيـارة مقابـر

::

حبيبي يا حبيبي قول يـارب حبيبي
ان المرض فيني ولافيـك صايـر

::
::

سلامت قلبك ياجعلني فدوه لعيونك

ياجعل يومي قبل يومك

تحيـاتـي للجميــع ..