مكسبي يا مسندي حفظ العباده
و الدروب الكايده حدرا وطاتي
خوتي للذيب ماتطلب شهاده
و أنت يا ذيب الفيافي صرت ذاتي
أنت يابن أعبيد شيخ(ن) سيد ساده
قرم أبن قروم يا عز اللجاتي
أنتم أهل الشور يا نعم الأفاده
مكرمين الضيف حيل(ن) مبركاتي
وش على العقبان من دبي الجراده
مايروع الذيب من ترعى النباتي
و البهم عرض الغنم يعتاش زاده
و العصا في يد راعيها سواتي
بعض نبت الأرض مايدفي رماده
هش لو انه جموع محزماتي
و بعض نبت الأرض يستوجب حصاده
يحرص الفلاح في حشه بتاتي
كل فارس لي تعثر به جواده
مايخونه ساعده ضد الأعدادي
و الردي قرب له فراش وساده
مايشب الضو في ليله يباتي
صبينا صبين عزومي في جهاده
صبينا فكاك ترفات البناتي
صبينا وقت اللقى يقدح زناده
الدواسر مطعمين الجايعتي
طيرنا قرناس لا تخشى زهاده
طيرنا وقت الهدد طلعه ثباتي
..
|