العين تضمى بغيبتك والضما شاب
طال الغياب وشوفتك تقتل الضيـم

لاني قدرت انسى ولا جابك عتـاب
لقمة غلا صارت عظـم بالبلاعيـم

على أمل في جيتك والامـل خـاب
وكثر الهقاوي ضيّعـت بالمفاهيـم

ان كان راكبْك الزعل للرضا بـاب
أشره وانـا والله لأسـد الملازيـم

تعال عجّل ما بقا فينـي أعصـاب
أرجع لعينٍ دمعهـا ماطـر الغيـم

أرضك عيوني .. والجفن دونك حجاب
مخفيك عن حسد العيون المعاديـم

ومعلمْك ان الهنا قـرب الاحبـاب
مير انت خالفت الهوى والتعاليـم

ماكنت أحْسب لفعلتك هذي حسـاب
حطمت قلبي في سوايـاك تحطيـم

عفيا عليك تغيب ماتعلـن أسبـاب
ماتدري انها بحق مغليـك تجريـم