هذه مقدمه بسيطه لراحله الشاعره الكبيره التي اعجبت بقصائدها
% عابـــــــــــرة سبيـــــــل %
وهي تستحق اكثر من هذه المقدمه المتواضعه
بخـط قلمي ......
العبور الاجمل في تاريخ الشعر النسائي
نعم هذه الشاعره التي بكل تلقائيتها تكتب عن متاعب هذه الحياة
وها نحن نستكشفها من خلال قصائدها
أنها شاعره تتعامل مع الشعر بسمو فتصل الي القلب مباشره
تبحث عن المفرده الدارجه في احاديثنا اليوميه لتوظيفها بشكل جميل في
الكتابه .. هي تحكي عن هم حقيقي فالبنت
كانت الله يرحمها لم تكن تشبه جيلها
بل كانت اقرب الي جيل الشاعره
% نوره الحوشان البرازيه %
وعابرة سبيل هي خير مثال للشاعره المتزنه
واخـيرآآ .. اللهم تقبلها بواسع رحمتك واسكنها فسيح جناتك
وأقدم لكم بعض من قصائدها الرائعه
رساله من بدويه ..
تعال بشـرح لـك أنـا كـل مغلـوق
تعـال شاهـدنـي مــع ذكريـاتـي
لا لا يغرك لبس موضـه ومسحـوق
انفض غبـار الوقـت تلقـي صفاتـي
قرب وطالع معّـن الشـوف بحـدوق
وزيف التطـور جـرده مـن حياتـي
بتشوف في وجهي من الماضي اطروق
أخذت من بطن الصحـاري صفاتـي
طفلـة بثـوب مخيطينـه ومفـتـوق
تنطـر جديـد الثـوب بالعيـد ياتـي
سمعت طرف اخبار عن كلمةالسـوق
وتاخذ وتسـأل هـو وجـوده ثباتـي
طفلـه سحبهـا الوقـت للهم برفـوق
حتي انهـا صـارت مـن العاشقاتـي
وجار الزمن وعرض الحـب للعـوق
شـرق ركايبهـا وهــم مشمـلاتـي
واتلا عهدها فيـه يركـض ورا نـوق
مسرود جيب وفـي يدينـه عصاتـي
ويصد لكن يلتفـت لـي مـن الشـوق
عجـلان يلخصنـي بعيـنٍ تحـاتـي
وقفـي وخطواتـه يتـلـن معـلـوق
وخلانـي ماتنقـل عظامـي عبـاتـي
ودار الزمان ولا مشي الحظ بوفـوق
ومازلـت أخفـي بالظـلام اعبراتـي
ولا زلت أنا العب له علي كل طاروق
حتـي يجيـب الله مـوعـد وفـاتـي
بريال عارضته ...
بريال عارضته على السوق بريال
من باعني برخيص والله لأبيعـه
من يشتري رجّال قصّر بالافعـال
باع العهـود الماضيـه للخديعـه
رجّال يسوى له ثمانيـن رجّـال
كل الصفات اللي ملكها فضيعـه
له ضحكةٍ تشبه لضحكات الأطفال
ذيبٍ ونظراتـه حنونـه وديعـه
وله فزعةٍ منها المجانيـن عقّـال
وفجوج لا ضاقت عليّ الوسيعـه
ياما عدل عوجا ثقيلات وطـوال
وأنامعاقبتـه غيـورٌ صريـعـه
والله يسوى لـه ثمانيـن رجّـال
والخبل مثلي لا زعل يبـ يبيعـه
يسألونـــــــــي...
يسألوني عابـره ويـن الجديد؟
والاجابـه ضايقـه فينـي ملـل
راحت ايام السعـاده والقصيـد
عشتهـا بيـن التكانـه والجهـل
كنت اروض شارد الحرف لعنيد
ماعسرني لو بغيته فـي عجل
فيه اصور لوعة الحـب الاكيـد
ومنّه(اشكل) ماحوى قلبي غـزل
ومعه (اسافر) عن معاناتي عيـد
ولأجل حبه ماشحنّي من زعـل
احضنه (فرحة) طفل في يوم عيد
واسكنه (روض) الخزاما والنفل
واحتويته ليت لي (قلـب)بليـد
ماعرف (فرق) الجزاله والهزل
والنهايه مابقـى عنـدي جديـد
واعذروني صارت ايامـي ملـل
الوصــــــيه.....
تـــرى الـذبـايـح وأهـلـهــا ماتسّـلـيـنـي
أنـا أدري إن الـمـرض لا يمـكـن عـلاجـه
أدري تـبـي راحـتــي لا يـابـعـد عـيـنـي
حــرام مــا قـصّـرت يـديـك فــي حـاجــه
أخــــذ وصــاتــي وأمــانـــه لاتـبّـكـيـنـي
لــو كــان لــك خـاطـرٍ مــا ودي أزعـاجـه
أبيـك فـي يديـك تشهدنـي وتسقينـي
أمـانـتـك لا يـجــي جـسـمـي بـثـلاجــه
لـف الكفـن فـي يديـك وضـف رجليـنـي
ما غيرك أحـدٍ كشـف حسنـاه واحراجـه
أبــيــك بـالـخـيـر تـذكـرنــي وتـطـريـنــي
يجيـرنـي خـالـقـي مـــن نـــار وهـاجــه
سامح على اللي جرى ما بينك وبيني
أيــام نمـشـي عـــدل وأيـــام منـعـاجـه
همـي عيالـي وأنـا اللـي فـيْ كافينـي
علـمـهـم الـديــن تفـسـيـره ومنـهـاجـه
مالعـــــــــــبوا أهل المغازل عليه ويخسون
ماشيه في حشـمه اللي مشى في حشمتي
* * *
من تربى مثلي فـ بيت عز مايخـــــــــــــــون
غاليــــــه بالحيل بالحــــــيل عندي سمعــــــــتــي
لكم مني حبي وتقديري
....
