أكــــبر من النسيان لاقلت بانســـاك
اقســــى من العذاب إن قلت مابـغاك


حـــــار الفكر وأنشغل البال ويــــاك
وأخر طموحاتي واولها لقيـــــــــاك


وين أنت عني؟وين ارضك وسماك؟
وين أنت قلي؟ ياجعل عمري يفداك


حتىأجيك يا(غذى الروح)وترجاك
ترد لعيني نورها ابحــــــــــــــــــلاك


أنـــت غلا دنيتي مالي ســـــــــــواك
انــــت الرفيق وداخل القلب عطـــاك


عقبــــــك حبيبي ماترس عيني ملاك
عقـــــــبك حياتي ..مابي هذا وذاك


يــــــــهز وجداني على الفرقا ذكراك
هز الخفوق اليا وصـــــــــــله خطاك


ووالله لولا الحياء واخشى الهــــــلاك
لابيح مكنوني وأقول من مني خــذاك؟!


وأصيح باعلى الصوت يااخلي أهواك
لكن نصيب هالقلب هو فرقــــــــــــــاك


يالله عسى يرعاك وترتاح بدنــــــــياك
وعساك تقرا ماكتبته في خــــــــــفاك

وسلامــــــــــــتكم ...

وسامحونا على القصور .....


الشاعره/ملح القصيد ....>>>