تعبت أنا أنثر هم قلبي علـى النـاس ..
وتعبت أدور للحقيقـة \ حقيقـة !
يلعن ابوه شعور ,لابوه إحساس ..
لاجيت أسوي من جراحـي / حديقـة
شف لي طريقة لاغدى دربنا يـاس
تعبت أنا ترديد [شف لي طريقـة ]!
ماعاد ياسع للحزن أي كرّاس
وماعاد قلبـي يحتمـل أي ضيقـة !
شفني رشفت من الغرابيل كـم كـاس ؟!
والصبر مابلّت أمانيه .... / .. ريقـه !!
أكبر مصيبة طيحة إنسان حسّـاس
تسوى بعيني مـوت كـل الخليقه
أكذب على نفسى إذا قلـت " لابـاس "
و " الباس " أصلا ً من زهوري رحيقـة !
ياما تعبت أشحذ من عيوني انعـاس
مامر بـ عيني ..ولو.. دقيقـة !
صعبه تشوف بعينك الحلم / ينـداس !
تطفي .. من دموعـك / حريقـة !
الموت ماهو لاانحنى للتعـب/ راس
الموت نفسك لانحنـت / للخليقـة !
كل الدروب أشوفها / ياس فـي يـاس !
سايق عليك الله [شف لـي طريقـة ]!
|