احبكـــ " <آخر اخباري>
"احبكــ" وابعد حدودي سلام واقربه نظره..
"احبكــ" بأول احساس داعب مهجتي ماكف
"احبكــ"
ايه انا "احبكــ" بقلب ماعرف يكره
هذي سلة اشواقي ابعثرها قصيد وحرف
اجيك ململم جروحي وصوتي تخنقه العبره
اجيك بخاطر <مكسور> وعين ماتغض الطرف
جيك بلهفتي وينك فؤادي ماحمل صبره
ابيك تسابق شمسي بعد من الصفر للالف
بحط ايدي على خدي وقول امتى يجي بكره..؟
بكحل ناظري بشعة جبينك يالغرام العف..
ويسعد لي صباح اللي تصبح بك على الفطره
انا ادري ماعرفتني تشابه في سماك الصنف
صوابع ايدك بكفك واذا هي تختلف قدره..
انا ادري في البشر عمله رخيصه في بنوك الصرف
وانا اعرف فالبشر "معدن" ثقيل يرجح الصخره..
سألتك بالذي زانك انا ويني بذاك الصنف؟؟
اشوف المعجبين كثار واخاف تطول النطره
رجيتك لاتجيب بدافع مايسمى؛؛العطف؛؛
تراي ممسك احساسي اذا قلبي بدا يشره
<"هذي آخر اخباري">
وانت وشهي اخبارك؟؟
عقب اللي سبق ذكره..؟؟!
|