تخوفني مشاوير الطريق المظلم المهجور
وانا لا من ذكرتك قلت طولي يامشاويري
عزاي انك رجاي العذب لو كل الدروب عثور
وصلت اوما وصلت اعرفك ما انته منتظر غيري
حبيبي ..وكّل الله لاتحسبني بليد شعور
لو انت المستحيل الصعب ماابدي لك معاذيري
احبك .. لو يموت الحب وتصير القلوب قبور
اشوف الجرح يكبر وانت تكبر وسط تفكيري
احبك من هنا حتى طلوع الفجر حتى النور
صحيح انك قدر محتوم بس اجمل مقاديري
احد ربي يحطك له حبيب ومايجيه غرور ؟
انا ليه التفت للناس وعيونك جماهيري
هلا بك من قِدْمَك ... لغرتك لي شعرك المنثور
هلا في كل شيٍ فيك وانت اغلي مساييري
ترى صدق الغلا يجبر حطام الخاطر المكسور
وانا مهما منحتك من غلاي اشعر بتقصيري
ولو طالت مشاوير الطريق المظلم المهجور
انا لا من ذكرتك قلت طولي يامشاويري
|