|
ليه دمر لي الطفوله ؟ وعالمي اصـبـح خرابـه .. !
في داخلي طفل تربى على يديك وكبر
وصار شوقك وحبك عنده أجمل ألعابه
طفل صغير ماعرف وشهي صواديف الدهر
وماعرف غير اللّعب وكل طلباته مجابه
كان يعشقك بجنون وانت له كل العمر
وانت انفاسه وهواه وانت راحاته وعذابه
أنت له كل مايملك..سمعه..وكل النظر
وانت له ماما وبابا وانت اخوانه وأصحابه
كان يلعب معك لعبه تحتاج لشوية صبر
لجل تعرف وش المجهول واسمها"لعبة غرابه"
كان يفرح وهو مغمض ويتلمس للزّهر
لجل يتعرف عليها ويصرخ"آآآه تعوور يابابه"
ولافتح عينه تعجب انها حلوه..وريحتها عطر!!!
كيف يكون لها شوك تجرحت يدي بأسبابه
تبتسم له ثم تشيله:"ماله داعي تفتكر"
خلها تبقى كذا ..وهي تعيش وسط غابه
عاش وهو يحمل سؤال"ليه بالذات الزهر"!
ومن حبه لك وعشقه نسى يسأل عن الإجابه
عاش هو والحب فتره جاهل حكم القدر
وجاهل انك تكون غير "سيـــّــد أحبابه"
عاش حبك في خفوقه مايعرف وشهو الغدر
ومايعرف وشهي الخيانه مالها اسم بكتابه
وكان دايم يتعجب من السحاب لاجاء يمر!
وماحسب في يوم انك في حياته تكون سحابه!!
رحت جرحته..ثم طعنته تحت زخات المطر
لجل تغسل له جروحه..وتعلن لحبه اغترابه
وتاركه على الطريق يلفظ انفاس ويحتضر
حاضن الزهر بيدينه وأعلن الدم إنسكابه
رحت وتركت طفل يتيم بس يدوّر بين البشر
عن عيونك.. عن طيوفك .. عن مكانك عند بابه
تايه يبكي بسكــــــوت ودمعته تحفر قــبر
يصرخ في العالم..هو وينه!..ادفنوني في ترابه
وينه انا بسأله .... ليــــه يتشبه بالزهر
ليه جرّحني وتركني جالسٍ أشكي غيابه
ليه ماتركني أفكّر حتى لو اني بصغر!!
لجل ما انصدم انا لاكبــــــرت بالإجابه!!
صار يصرخ..ليه تركني!وليه قلبه صارحجر!
ليه..دمر لي طفوله.. وعالمي أصبح خرابه!
مسكين قلبي هالطفل صار مرهون لقهر
يوم قسيت انت عليه وكسّرت له أجمل ألعابه!!
مع حبي
|