أمبيــــه هالموقف ما أنســـــاه ابد



كنت نايمه ببيت خالتي وشوي الا تقعدني خالتي وتقولي شوفي جدك تحت بالمجلس روحي سلمي عليه


طبعاً جدي هذا يصير خال أمي وبعده شاب ، وما شفته من كنت صغنونه يعني ما اذكر شكله


وكنت متحمسه حيل اني أشوفه ،


وانا نازله شفت بنت خالتي الصغيره ( يعني اللي كبري ) وقالت لي وين جدي ،

وقالت لي بعد لا أوصيك الله الله بالسنع


مو عشانه شاب تفلينها وياااه وتنسي السنع لازم تحبين راسه ويده ،


ولا تستغربين إذا تم ساكت لأنه خجول ،


عاد انا حفظت اللي قالته ، ودشيت المجلس وأول ماشفته حبية راسه ويده


وشلونك جدي ومن هالحكي ، عاد انا ابربر عليه يمكن عشر دقايق وهو ساكت بس يسمع


شوي اللي تتدش بنت خالتي الكبيرة وأول ماشافتني صرخة علي انتي وش مدخلك هنا


اطلعي برا


انا استغربت وش فيها البنت قلت هذا وانا ضيفه عندهم ،


وبنفس الوقت انقهرت انها أحرجتني ،


وبدا العناد قلت ماني طالعه يعني وش فيها اذا جلسة وياااه عادي


قالت شنو اللي عادي ...!!!!!!!!!!


تقعدين مع خطيبي وتقولين عاااااادي :a2a1145:


أمبيه لحظتها تمنيت الأرض تنشق وتبلعني


وأول ماطلعت من المجلس إلا بنت خالتي الصغيره تضحك علي لانها هي مسويتها فيني


وما بقى احد بالعائلة الا عرف اني حبية راس الولد ويده والله قهر .

"