اولا اشكركِ ياقلبو على الاستضافه

ويعطيكِ الف عافيه على الموضوع الروعه



س1/ هل لنا ان نعرف ماهي طقوسك في هذا الشهر الفضيل ؟

والله اكثر شئ اقوم به هو اني احاول بشتى الطرق

اني اختم القران الكريم واسأل الله ان يعيننا على ذكره وشكره




س2/ هل تذكرين متى صمتي أول مره .. وكيف كان شعورك وقتها ؟

صراحه مأذكر متى اول مره بس ممكن خامس او سادس ابتدائي




س3/ هل صدف وان صمتي شهر رمضان خارج البلاد؟

لا الحمد لله لأن رمضان مايحلى الا باقرب من مكه




س4/ ما الطبق المفضل لديك في رمضان ؟ وتحرصين كل الحرص أن يكون موجودا على مائدة الافطار؟

صراحه انا مأفطر الا الفطور الأول تمر وقهوه وماء

وبعد التراويح اتعشى يعني مافي شئ مميز عندي او احرص انه يكون فيه

بس ممكن اقول السمبوسه والشوربه

س5/ هل حدث وان وجهت لك أحدى صديقاتك دعوة للإفطار وتفاجأتي بأن الطبق الرئيسي

على المائدة طبق انتي لا تحبينه ولا تستسيغينه ؟؟ ما الذي حدث حينها وكيف تصرفتي ؟

لا ماقد صادفني مثل ذلك


س6/ ما العادات الاجتماعية التي تشعرين بانها مرتبطه بالشهر الفضيل ؟

جمعت خوالي والذبايح اللي اربع وعشرين ساعه

كله عشان اللي يجون يعتمرون ويمرون علينا

هذي عاده لازم منها

مع ان احنا في الطائف لكن ايش نقول

بس الله يحييهم ضيوف الرحمن



س7/ هل تدخلين المطبخ في رمضان .. إذا كان جوابك نعم فما هو ذلك الطبق وهل لنا أن

نعرف طريقة إعداده منك؟

طبعا انا في المطبخ في رمضان وغير رمضان والحمد لله

والله فيه اكلات كثيره اسويها

بس بعطيكم اسهل شئ

وهو طريقة حلا السنكرس

المقادير:

ثلاثه سنكرس

زبده

كيك العائله (اللي يجي في قصدير)

علبتين قشطه

4 جبن كيري

3ملاعق سكر

3ملاعق حليب بودره

الطريقه:

يقطع الكيك الى قطع متساويه

ويرص في الصينيه

ويوضع في الخلاط

واحد قشطه - و3ملاعق سكر -و3ملاعق حليب

وتوضع فوق الكيك

وتوضع في الثلاجه حتى تبرد او في الفريزر

وبعدين

نحط في قدر زبده والسنكرس ونذوبها

وبعد مانشيلها من النار نحط القشطه

ونحطها في الصينيه ونرجعها الثلاجه

وراح تاكلون اصابعكم وراها يمي يمي

(بس فيه ملاحظه لايفوتكم الوصف حق الحلى يكرهكم فيه)


س8/ لو قلتلك أختاري ثلاثة أعضاء فقط ووجهي لهم دعوة على الإفطار من تختــــارين ؟؟

صراحه ودي انكم كلكم تجون

بس من غير مجامله

tiqre..90

فخ فخ فخامة كبرياي

وضحوكه ضحكه تخفي انكسار


س9/ كلمة توجهينها لجميع اعضاء هيبة ملكـ في هذا الشهر الفضيل ؟

هي ليست كلمه هي دعوه

اسأل الله العلي القدير ان يبارك فيكم وينور دروبكم

ويجمعني فيكم في جنات النعيم


س10/ لا يخلو شهر رمضان المبارك من مواقف طريفه ،، اذكري لنا موقفا حصل لك ؟؟

والله فيه كثير

وهذا الموقف يوم 22 رحت انا واخواتي مكه مع خالي

المهم قلت انا ماني ماخذه عمره روحوا انتو خذوا العمره وانا بصلي التراويح

واكلمكم قال خالي طيب واخذ البنات وزوجته وراحوا

وشوي وبعد ماخلصت الصلاه كانت قدامي وحده مغربيه

على كرسي تصلي انا الله يكرمكم نزلت شرابي تحت الكرسي

وقلت بعد الصلاه بلبسه واروح وشوي اطالع مافي الا فرده

واطالع الا وحده مصريه تقول شوفي هذي اخذت الشراب

واطالع فيها وقلت طيب خذي الثاني ولا اتركي ذا مع اخوه

ليش تحرمينهم من بعض

وخليتها تاخذ الثاني(الله يغفر لي ولها)


س11/ هناك ساعات في ايام رمضان تشعرين فيها بروحانيه خاصه ،، متى وقتها وكيف تقضين هذه الساعات ؟؟

بصراحه قبل الفجر بساعه اصلي فيها واقراء قران


اشكرك اختي

ولاهنتِ

ودمتي بخير