منتديات هيبة ملك منبع إبداع لاينضب - اضرب على google وعطني علومه

http://www.hebat-malek.com/up//uploa...4ae383fde4.gif

قصــــــــيدهـ لشـــاعر / سلطان بن وسام الهاجري

اضرب على google وعطني علومه
مالك ومال مجمعين الكلامي
وليا غدى لاسمى الرجاجيل حومه
فالمعمعه مثل الجراد التهامي
أحد يبيع رخيص وأحد يسومه
اتحصل اسمي مع اكبار الأسامي
وشعري اليا مر بخشوم معرومه
يطيح من عوج الخشوم العرامي
وقل للمغفل لا يواصل هجومه
ترى نظامه يختلف عن نظامي
ما بيني وبينه نقاش و خصومه
مخاصم الجهال عيب وحرامي
لعل جسمه يسترّنه هدومه
ويجوز عن طرد الهوى والغرامي
شعره يغذيه الترف والنعومه
أرهف من النسمه وريش النعامي
وشعري بحر ما كل رجل يعومه
انشد خلف ونشد رشيد الزلامي
قل من هو اللي ما تثنّى عزومه
اليا احتمى الميقاف والشعر حامي
مثل السحاب اللي ترادم غيومه
ومن لا حتمى دوره عليه الملامي
في موقف محد يخلي لزومه
كل تلفت للفشق والحزامي
أحد تفاخر به ربوعه وقومه
وأحد مع الزحمه عليه السلامي
هذي رساله مبهمه ومختومه
معها جزيل الشكر ولاحترامي

http://www.hebat-malek.com/up//uploa...e94b6c5a8b.gif