منتديات هيبة ملك منبع إبداع لاينضب

ضاعت حروفي وانطفى ضي الاقلام
والصمـت جـارح والمـواجـع كثـيـره

والـهــم وجـــروح اللـيـالـي والايـــام
وحـلـمٍ غــدى مابـيـن يــاسٍ وحـيـره

وحــبٍ مــوادع لـلاسـف راح مــادام
واقول في نفسـي عسـى الامـر خيـره

ماهـي غريـبـة لــو فقـدتـك يـالاحـلام
مـاهـي غريـبـة دام نـفـسـك كـسـيـره

هـذا الزمـن عشـتـة معـانـاة واوهــام
قـصـة عـذابـي فــي زمـانـي مـريـره

اضحك على نفسٍ تعانـي مـن اعـوام
واقــــول قــدامــي امــانــي كـثــيــره

ارسم فرح عمري على ضحكة ايتـام
ودمــعٍ تـبــدد مـــن عـيـونـي نـثـيـره

كـم كنـت انـا ملتـاع مكبـوت منضـام
دربــي وحـيـد ولا حـصـلـي بـغـيـره

عــزاي اردد قـولـة الـحــظ واقـســام
مكـتـوب ربــي لــو تعـيـسٍ مصـيـره

وادري لـو إن الـحـظ لـوطـاح مـاقـام
.وادري عــن اقـــدامٍ تـعـنـت لـديــره

يادنـيـتـي طــــال الـعـنــا كــلّــي الآم
مـحـدٍ يـحـس بـنــار فـيـنـي سـعـيـره

يادنيـتـي قـلــت الامـــل كـــان قـــدام
مــع الاســف طــول عـلـيّـه مـسـيـره

يادنيـتـي ويــن السـعـادة والاحـــلام؟
يادنـيـتـي رحــلــة حـيـاتــي مـثـيــره

ماتـت حروفـي وانطفـا ضـي الاقـلام
والـبـوح بـاقــي بـــة عـلــومٍ كـثـيـره

اتمنى نتال على اعجابكم