منتديات هيبة ملك منبع إبداع لاينضب - ليش نزلتي عيونك؟؟إرفعيــها..

ليش نزلتي عيونك ؟؟ إرفعيها وطالعيني..
وإلا يعني إنحرجتي يوم جاوبتي سؤالي؟؟

ليش قلتي لي أحبك ليش كنتي تخدعيني؟؟
ليش قلتي لي حبيبي ليش قلتي لي يا غالي؟؟

كان ممكن ما أحبك كان ممكن تتركيني..
كان ممكن من البدايه تخدعيني..

ليش أنا بالذات يعني ليش قولي جاوبيني..
بعد غدرك خبريني قولي بس شلي بقالي؟؟

والله إني ماجرحتك ليش إنتي تجرحيني؟؟
هنت على قلبك حسافه وإنقضت أجمل ليالي..

والقهر للحين أحبك وأدري إنك ما تبيني..
والمحبه من طرف واحد نهايتها زوالي..

كان عمري في يدينك.. قولي وش كان بيديني؟؟
أذكر إنه من غلاتك كان قدرك فوق عالي..

كنت أتجاهل وأطنش يوم نغزاتك تجيني..
وكنت أقول الحب أكبر من تصرف لا مثالي..

أبغى من وقتك دقيقه وليت إنك تمنحيني..
بس أبغى أقول ثلاث أشياء وأروح لحالي..

أولآ_فعلا أحبك كنتي قلبي وكنتي عيني..
وكانت الدنيا بوجودك شي روعه شي خيالي..

ثانيآ_ عاللي بدر مني دخيلك سامحيني..
يمكن إنه زل لساني وقلت إنك راس مالي..

ثالثآ_أسألك بالله وأطلبك لا تذكريني..
وإحرقي كل القصايد وإنسي أشواقي ووصالي..

المهم إني أببعد وإنتي روحي وإتركيني..
إرجعي له ومثلي دور(البريئه) إللي تبالي..

وفي النهايه قبل أنسى بقولك كلمتيني..
ترا هذا إللي تحبينه هو محمد ولد خالي..