منتديات هيبة ملك منبع إبداع لاينضب

منتديات هيبة ملك منبع إبداع لاينضب (http://forum.hebat-malek.com/index.php)
-   مـدخنة القوافي (http://forum.hebat-malek.com/forumdisplay.php?f=42)
-   -   على صدرها بشويش يامشرط الجراح....... (http://forum.hebat-malek.com/showthread.php?t=16843)

صعبه المنال 03-17-2011 04:41 AM

على صدرها بشويش يامشرط الجراح.......
 
عيوني تباكا كنـّـها مارد الميـّـاح
تصب العباير عبرةً ترّدف العبره




على أمي .. عسى مجري المباكير والارياح
يعافي بدنها بيده الأمر والدبره




على صدرها بشويش يامشرط الجراح
لاصار إنه يتـعـِب جسمها غزة الإبره




يادكتور بيدك روح ماهي مثل الارواح
محاكيك ماعنده جلاده .. ولا صِبّره




ترى وده إنـّـه قبل ماتجرح أمه راح
على المقبره من ساعته ويـّــحفِـر قبـّره




عساني فدى ماطا تعبها وهي ترتاح
واخذ ضيمها... هداجة الصوت والنبـّره




غدى بيتها من بعـّدها كن فيه أشباح
خواطر هله مكسورتن به ومنجبـّره




عسى الله يردك فيه وتعـِمـّـه الأفراح
ويرّجع على خبري وانا أرّجع على خـُبـّره




وعسى اللي مابر بوالدينه وقام وطاح
على شانهم بين العرب ينقـّـصِـر شـِـبره




ما ألوم المـِفارِق لا أشتحن والجريح إن صاح
ولا قول ياصُغره عليها وياكـُبـره




اقول ان عيوني دمعها مارد المياح
تصب العباير عبرةً من ورى عبره

//


مما لامس الاحســــــــــــــاس

كـادي 03-17-2011 05:30 AM

ولامس إحساسي بعمق والله

الله لا يحرمنا نور دنيانا كلنا يااارب

شكراً لإنتقائك صعبة المنال ..دايما روعه

لقلبكْ قُرب أحبابك ْ~

●¦[ أجوآإآإن ~» 03-17-2011 02:32 PM


"صعبة المنآل "
أبيآآآت رآئعه مثلكِ
كل آلشكر واكثرر

ناطره جديدك بشوق

تحيتي
جوجو :$

صعبه المنال 03-17-2011 02:39 PM

شاكره لكم على مروركم الاكثر من راااقي

//

مروركم اسعدني

>* ملكة الإبداع *< 03-18-2011 05:57 AM

تحــفة ابياااات رائعة وجميلة



الله لا يخلينااا من نووور دارناااا


سلمتي .


الساعة الآن 11:54 PM.

Powered by vBulletin Version 3.8.7
Copyright ©2000 - 2025, Jelsoft Enterprises Ltd
دعم وحماية مرسانا لخدمات الويب
HêĽм √ 3.1 BY: ! ωαнαм ! © 2010

a.d - i.s.s.w