منتديات هيبة ملك منبع إبداع لاينضب

منتديات هيبة ملك منبع إبداع لاينضب (http://forum.hebat-malek.com/index.php)
-   مـدخنة القوافي (http://forum.hebat-malek.com/forumdisplay.php?f=42)
-   -   وصاتي لـك تحفّظها سور وآيات قراني ** وتخبرها عن الميت رحل لايمكنه بيعود (http://forum.hebat-malek.com/showthread.php?t=1343)

أنا وبس 08-22-2007 05:49 PM

وصاتي لـك تحفّظها سور وآيات قراني ** وتخبرها عن الميت رحل لايمكنه بيعود
 
[align=center]




السلام عليكم ورحمة الله وبركاته




مرحبااااااااااااا ياعرب ..:a2a1415:




جبت لكم قصيدة قصتها قصة : <<<< بكتها القصيدة :a2a1182:





الي هي ياطويلين العمر ان واحد اسمة خالد بعد ماعرف ان مابقى من عمرة الا ايام




لانة تعباااااااان حيل ومريض ومدري وش فية بعد ..:a2a1433:




الموووووووووهيم انة وصّى أخوة يتزوج حبيبتة لأنو ظامن أخوة بيهتم فيها ..






وصاتي لك من بعدي تموت فيهـا علشاني ** أبيها تعيش وتحيا بك وأظـل بالذاكـرة مفقـود


وصاتي لك تنسيها ملامح وجهي وتنساني ** وتعزفها قصيدة حب على عكس اللي عزفته بعود


وصاتـي لك تبعدهـا عـن أشعـــاري وقيفــانـي** تراها مغرمه بالحيل ويشهد لي عـدد الـردود


وصاتي لك تسايرها ترى فيهـا مـن أحــزانـي ** طلبتك لا يضيق بالك طلبتـك والطلـب مـردود


وصاتي لك تناديها حياتي .. عمري ..أزمانـي ** أنـا عودتهـا دايـم ادلعهـا وانـا مـوجـود


وصاتي لك تعاملهـا بطيـبـه قلـب واحـسانـي ** تراها تـذرف الدمعـة ودمعتهـا بليـا حـدود


وصاتي لـك تحــفظهــا سـور وآيـــات قرانـــي ** وتخبرها عـن الميـت رحـل لايمكنـه بيعـود


وصاتي لـك ترسمهـا علـى قبـــري وأكفانـي ** أبيها لوحة تبقى علـى طـول الزمـن محـدود


وصاتي لك تمازحها وتشوف الضحك بأسناني ** سعيتك ياصحك هالكون طلبتك لا تصير جلمـود


وصاتي لـك تقهـويهـا مـن دلالـي و فنـجالـي ** تراها تعشق السمـرا ويكفيهـا دخـون العـود


وصاتي لك تركبها على خيلي وعلى حصاني ** وربي فارسة من قبل شهادة مـا هـي لشهـود


وصاتي لـك تسفرهـا بـــلاد الشـام ولبنـانـي ** ترى يحلالها تقطف وردة ورده من بلد الـورود


وصاتي لك تراقــصهـا علـى الحـان رحبانـي ** ترى فيها عرق خالة وفيها من جنون السـود


وصاتي لك تحببهـا فأبـو نـــورة بعـد هانـــي ** وتنسيها ندم غلطة أنـا فيهـا تـرى المقصـود


وصاتي لك تكرههـا فـي تاريخـي وعنوانـي ** أبيها تلعن اللحظة وتلعـن كـل فـرح موعـود


وصاتي لك تكلمها عن المجني وعـن الجانـي ** وتخليني انا الظالم وانـا مـن حـرق الأخـدود


وصاتـي لـك تشبهنـي بـدم أحمـر قـانـي ** وانا هالقاتل السفاح مجرم من عصـر نمـرود


وصاتـي لـك تحلفهـا تتـوب تحبنـي ثانـي ** ترى يكفيها ما عانـت ويكفـي حيلهـا مهـدود


وصاتي لـك تنسيهـا وصيـة قالهـا لسانـي ** انا اخبرك رجل موقـف وانـت قدهـا وقـدود


ياخوي ما لقيت غيرك يعرفها وشلون تنسانـي *** أمانه ضمها بقلبك وقولها خالد رحل ما يعود






م.ن











[/align]

الامير 08-22-2007 06:43 PM

مشكوره موضوع ممييز وابداع والقصيده مؤثره كثيييييير ولاتحرمينا من كذا مواضيع



تقبلي مروري الامير

أنا وبس 08-22-2007 08:20 PM

اقتباس:

المشاركة الأصلية كتبت بواسطة الامير (المشاركة 13491)
مشكوره موضوع ممييز وابداع والقصيده مؤثره كثيييييير ولاتحرمينا من كذا مواضيع



تقبلي مروري الامير


تسلم أخوي الأمير ..

وأشكرك ع مرورك الطيب ..

$$الامبراطور$$ 08-23-2007 02:34 AM

انا وبس


مشكوره على القصيده وصح السان قايلها


بالحيل موثره وتعتبر وصيه محزنه للغايه


تشكرين وتقبلي مروري

أنا وبس 08-23-2007 02:56 AM

اقتباس:

المشاركة الأصلية كتبت بواسطة $$الامبراطور$$ (المشاركة 13717)
انا وبس


مشكوره على القصيده وصح السان قايلها


بالحيل موثره وتعتبر وصيه محزنه للغايه


تشكرين وتقبلي مروري


أشكرك ع مرورك الطيب أخوي الأمبراطور..

يسلمووووووووووووو ..


الساعة الآن 12:47 PM.

Powered by vBulletin Version 3.8.7
Copyright ©2000 - 2025, Jelsoft Enterprises Ltd
دعم وحماية مرسانا لخدمات الويب
HêĽм √ 3.1 BY: ! ωαнαм ! © 2010

a.d - i.s.s.w