منتديات هيبة ملك منبع إبداع لاينضب

السلامـ عليكمـ ورحمــة اللهـ وبركــاته ..

اطرح بين ايدكم .. قصيـــدهـ .. و التي .. كان لهاا الحظ الاكبر بعد ان
تزينت بحروف من قلب شاعرها العذب فيصل العدواني و اتمنى ان اكون قد وفقت

فيما عملـــت ..

http://faisalaladwani.com/sound/6wari.ram

الضيقه اللي تقلبني واقلبها
يالله عساها طواري ليل وتعدي

لي يوم ثالث تجاذبني واجاذبها
الين شدت بيديها على يدي

ما كني الا قريب من قرايبها
وماكنها الا سليله من نمى جدي

يا كثر ما هي لفتني وكيف أحسبها
بس الوكاد بغثاها بيحت سدي :Sad:

اطرت لي ليل الثلاثه وامسية ابها
ذاك المساء البغيض الحالك الندي

قوم تفتل من الضيقه شواربها
والحق معهم وانا اللي جاوزا حدي

[OVERLINE]اضعفني [/OVERLINE]وضعي وانا للي كنت غالبها
وثوب الشجاعه غدى وماهو على قدي

مابين قصر نعم وش قلت واسحبها
كان الحديث الطويل المرهق الجدي

حدوني ابعد ولا اقرب يم مضاربها
والحق يركب من اللي كان متعدي

اذكر حلفت وقسمت ارحل ولا [OVERLINE]اقربها[/OVERLINE]
وشلون مدري ولكن كان ذا ردي

قفيت عنها اغاصب الرجل واسحبها
كنه بودي وانا والله ما ودي

ادري خذلت الهنوف وكنت مغضبها
ماهو بكيفي زماني واقف ضدي

غلبي وقتي كثر ماهو مغلبها
لاهو تهيا ولا هو قابل يهدي

لو هي دموعي ترد الوصل بسكبها
الين تجرح وتأسمني على خدي

مير البلا ما تفيد وحظ صاحبها
ما طاب لحظه ولمن طاب متردي

خلها على الله وانا من وقت كاتبها
بصبر وبرجي عزومي واعتزي شدي

الضيقه اللي تقلبني واقلبها
[grade="000000 FF0000 000000 FF0000 000000"]يالله عساها طواري ليل وتعدي[/grade]

اتمنــى تنــأل اعجــابكـم ....

محمـــــــــــد عبــدهـ .. :a2a1424: