منتديات هيبة ملك منبع إبداع لاينضب - اضيفيني بايميلك وخلينا نصير اثنين ......

هذه القصيده عن الشباب والشبابات
واول ما يتعارفون طبعاً دائماً التمساح هو اللي يروح للبنت ويحاول يشبكه <<<العن ام اسلوب الشوارع
المهم هذه هي ××××× مع ××××× في المنتدى اتمنى ان تحوز على اعجابكم :

أضيفينـي بايميلـك وخلينـا نصيـر اثنيـن
كلام يقوله محشـش عشـان يشبـك بنّيـه

أضيفيني وأنا بقبل بسرعـه طالبـك تكفيـن
بسولف لك وبحكي لك سوالف حيـل سريّـه

تقوم البنت تتغلى ورا مـا تقولهـا هالحيـن
هنا بالمنتـدى بالخـاص الأوضـاع حريّـه

يجاوبها الولد ويقول شكلك صايـره تنسيـن
أبو حاتم خصيم الوقت نص ونـص ياوخيّـه

يشوفـون الرسايـل كلهـا وإلا مـا تدريـن
وأنا مآبي يشوفونـي وأنـا بعطيـك حنّيـه

تجيه البنت وتضيفه وتتكبـر عليـه شويـن
تفضل هاه وش عندك تراني حيـل رسميّـه

وهي دجه ولا تدري تجيه يسـار وإلا يميـن
يا شين البنت تتفلسف وهي برحـه عليميّـه

يجيها جايب الطبلون يجيها مطفـي النوريـن
أنا مملوح وش زيني أنـا كلـي رومانسيّـه

أنا أسوي وأنا أفعل أنا احبـك ليـوم الديـن
تعالي قربـي منـي تـراي مصفـي النيّـه

وهو توه و ما كمل معاهـا يـوم أو يوميـن
يقول أنتي ملكتيني يا أحلـى بنـت سحليّـه

تقول البنت منحرجه ورا ما تستحي ياعفيّـن
أنا ما اعرف وش تقصد أنا مبغى رومانسيّـه

وكانك زين وش ملحك تراني كاملـه بالزيـن
أنا أمي تقول أنتـي جمـال وطـول حوريّـه

يشب محشش الصاروخ ويمخمخ على موشين
اجل أمك تقول أنتي جمـال وطـول حوريّـه

أنا أتوقع ولا ادري أحس انك كمـال الشيـن
ولونك لون سوداني وخشمك خشـم كوريّـه

وتبدى الحرب بين اثنين كله سب مع تلعيـن
وكلـن يحظـر الثانـي وبأخـلاقٍ تجاريّـه

وهذي تجربة حشاش وترجمها لكـم قافيـن
وهـذا حالنـا هالحيـن تمسـاحٍ وسحلـيّـه

.

.
.
.
للشـاعر : محشش في عصر الديناصورات /تاجير منتهي بالتمليك

اذا اعجبك رد واذا مااعجبك ايضاً رد

باانتظار تعليقاتكم