منتديات هيبة ملك منبع إبداع لاينضب

http://4.bp.blogspot.com/_wMeQ0Qks51...9%88%D9%86.png

أدرك غلاك إن كان يمديك تدرك

وإن فاتت الفرصه ترى الحب ماراح

لالا تفكر في تفاصيل هجرك

إنت اعقد النيه ترى الهم ينزاح

ولا تقنع احساسك في طول صبرك

ولاتقتنع في هم قاتل وذبّاح

ياصاحبي مديت جسري لجسرك
متى تواصلني ترى الحب فضّاح

كل من يعرفك شم بستان عطرك

شفها عيونك في مرايات الأرواح

خذها نصيحة من عرف دوم قدرك

ولاتنزعج خلك سموح ودمّاح

يامحرقٍ قلبي بآهات جمرك

ناظر فؤادٍ من محبتك منزاح

عذرك معك وإن ماتعذرت عذرك

إن الغلا لك راكز بجوفي رماح

والله لو تدري بنسمات فجرك

وكيف إن ورودك خلت الجو فواح

تجي مع طيف ضواني بشكرك

واهداني الصورة من دون مفتاح

يعرف بإن وصالكم بعض قطرك

والبعض ماضنيت صارعه ملاح

أخلاق مع طيبه تسمو بفخرك

وقلب حليم لاهي دوم مزّاح

بكتب جنوني فيك ببدا بسطرك

وبنهاية الموضوع بكتبك جراح

إما تداويني وتكسب لك اجرك

ولا تموتني وتهنا وترتاح