منتديات هيبة ملك منبع إبداع لاينضب

منتديات هيبة ملك منبع إبداع لاينضب (http://forum.hebat-malek.com//index.php)
-   مـدخنة القوافي (http://forum.hebat-malek.com//forumdisplay.php?f=42)
-   -   الآخــرين ~ (http://forum.hebat-malek.com//showthread.php?t=19643)

رحــآل.. 06-02-2012 02:55 PM

الآخــرين ~
 

*مع كوفي .. وفكرك رآيـق ~
خذه كـذآ ،، بلآ مقـدمـآت :




دايم نحط اللوم على الآخرين //
وننسى اننا لـ الآخرين الآخرين !

الانسان دايم يرمي أخطائه الغير
والغير يرمي الغير الين الين الين~

البـاحثين عن الحقيقة يلتقون
فيهم وهم عن الحقيقة باحثين

الدائرة من أنشط أنظمة الحياة
و[الحين] مدري ليه يطلع بعد حين !

عندي يقين ان كل فعل وله رديف
حتى بديت أشك ان عندي يقين !

لا شفت لي بسمة أقول فـ خاطري
هـذي قبل أنين / أو بعد أنين!

ما فيه شيء إلا بـ شيء يقابله
ولو كان مابه غيب ، مابه مؤمنين !

أحيان أحس انه محد يشبه أحد
وأحيان أحس ان لنا مكـررين

حنا الغريبين فـ دواخلنا وأنا
مستغرب ان حنا محن مستغربين !

ما نلتقي فينا سـوا فـي ضعفنا
لحظة مرض / أو خوف / أو لوعة ظنين

نستحقر اللحظات وحنا نعيشها
أحياء لـو نفهم شعور الميتين

اليوم دايم ننتظر بكره عليه
واليوم كان لـ بكره المملي حنين

مجهول بكرة أجمل من المعرفة
السحر دايم من ورى متى وً وين ؟

وكل شيء فيه بكرة يجوز أصدقه
في يوم من الأيـام كنت أنا جنين

وً الـ [ كنت ] رابط قبلها مع بعدها
الـ [ كنت ] أحيانا تسوي شيء زين

أنا القديم / وً أنا الجديد فـ معركة
وأنا اللي من بين الثنين http://almshaari.com/vb/images/smilies/7.gif يعين

تعبت حيل أشوف نفسي من خلال نفسي
، ونفسي مالها في نفسي عين !

المؤمن مـرآية أخيه وناصـحه
وأنا ما بين العالم المتأرجحين

اليآ فرحوا خذوا الحياة بـ طولهـا
وإن مرضوا صاروا تقاة وديـنين

الفاشلين الليا تحـدوا بينهم
أولهم أول بـس بين الفـاشـلين !

تطفوا على سطح الحياة عقولهم
العمق فارغ .. من عقول الفارغين

يا رب أنا متعب ومتعبني أنا
يارب ليتك خالقٍ مني اثنين

واحد يجـازي السيئين بـ سوئهم
والثاني يعفو عن مسـاوء السيئين

لله حكمة ، والردى يوم انخلق
يمكن عشـان نعرف قدر الطيبين !

مظاهر الأشياء مثل بطونها
يا كم صرخة في شفاه الساكتين

عين الطموح تشوف فـ العثرة فرص
وعين اليؤوس تشوف في الفرصة كمين

أحلم ، وأعزي نفسي اليا ذكرت
ان أكثر اللي فـ السجون الحـالمين

وأنا مع اللي يختزلني ذكرهـا
أفرد يديني بـس مآ عندي يدين

لها بـ صدري من مكان ومن زمان
مايدمع المحجر وما يندي الجبين

أحبها ، ينقذني http://almshaari.com/vb/images/smilies/7.gif منّهـا
أخاف أموت وعادلي حق مدين

هو الزعل والا والا الظروف مدري
ولكن أدري ان وضعي مشـين

لاني بـ ناسيها ، ولا واصل لهـا
وأنا اللي متعلق فـ كل الحالتين

من كثر ماهي ذروة الموت الأخير
أنا معي كل شيء بي متنافسين

أحلامي خلتني وغدت تحلم بهـا
شف حتى أحلامي معاها خاينين !

الياسمين الياسمين الياسمين
الياسمين الياسمين الياسمين

ترديد اسم الورد حولكم إلى مستنـ / شقين وأنتوا أصلا سامعين !

وشلون أنا اللي كل يوم أردده
أنا أعيش فـ حقل من نور وً حنين

وكأن تساميها على باقي البنات
تسامي النخبة على المستشعرين

يا كيف يعمل من وجه حبيبته
كانه صباح العيد عند المسلمين

من ينحرم منّه حـرم عيديته
ومن شافه من العايدين / الفايزيين

مافيه شمس إلا ويسألهـآ الفجر
أنا اليوم أشرق ، أو أنتي تشرقين

أحبها وحبي من النوع القديم
اللي يبين ، ونصف عمره مـا يبين

ياكم وياكم من شفوف ومن حقوق
عاشت / وماتت في صدور المستحين

ويا كم ويا كم من كروب ومن دروب
تذوب لـ أقدام الناس الشاسعين

اعلم اللي يحسب انهـا بـ العمر
ما كبرت بعض الرياجيل السنين

رباه ،والدنيا صحيح مربّية
لكنّهـا مهيب مثل الوالدين

كان العطا هديك ، والآخذ بـ ملتك
عسانا معطين ، وعسانا ماخذين

وعسانا لامن كلّحت واستغضبت
على فواه جياعها مـتوزعـين

وعسانا لا من ايسوا سمارها
حنا بما تقسم لنا متفائلين

وما الحياة إلا علامات وحدود
ما تعب التالين عقب الأولين

مهما وصلت من الشعور أبقا بها
وش فايدة حريتي وأنا سجين

اللي أبيه أكبر من انه ينشعر
ما أعرفه لكني أدري انه ثمين !

فما يعتب مثلي ليا منه حزن
الحزن من أنعام رب العالمين

الحزن انسانية في عصر الجمود
لذا أنا سعيد لـ أنـي حزين ..


*ظـآهرة الشعر / سـعد علـوش ..


كـادي 06-02-2012 03:22 PM

رغم اني سمعتها منه كثير , بس قراءتها تعطيك فكرة أشمل
اختزلت انسان كامل .
يسلم شعور شعرك رحال :f3:

شيخة السعوديه 06-02-2012 11:29 PM

صح لسان شاعرها

مشكور ع الاختيار المميز

والله يعطيك العافيه

أسير 06-03-2012 11:49 AM

اللي أبيه أكبر من انه ينشعر
ما أعرفه لكني أدري انه ثمين !


يجي من مخك يا ولد:e31: خخخخخخخخخخخخ

أحسنت الاختيار:e10:

]ǁ[يـآإْسُـرٍ]ǁ[ 06-03-2012 02:42 PM

ياكم وياكم من شفوف ومن حقوق
عاشت / وماتت في صدور المستحين



فيلسوف الشعر ونعم الانتقاء


الساعة الآن 11:40 AM.

Powered by vBulletin Version 3.8.7
Copyright ©2000 - 2024, Jelsoft Enterprises Ltd
دعم وحماية مرسانا لخدمات الويب
HêĽм √ 3.1 BY: ! ωαнαм ! © 2010

a.d - i.s.s.w