|
قصه وقصيده
السلام عليكم ورحمه الله وبركاته
أسعد الله اوقاتكم اخواني اخواتي بكل خير أتمنى ان يكون الجميع بأتم الصحه والعافيـه هي فكره طرأت على بالي وأتيت اقدمها لكم اتمنى ان تنال اعجابكم وإستحسانكم لآتخرج القصيده غالبا من احد أمرين غيض × فيض في هذا الموضوع لآيسمح للمنقول وأرجو ان نجد التعاون منكم أحبتي :) انه لشي رائع وشعور جميل وإحساس بالمتعه عندما تحاول ان تبرمج زفرات روحك من موقف ما الى قصيده تحاول بها أن تفيض بمشاعرك إتجاهـه او ان تغتاض من أمر ما بأحد المواقف فتلقي على إثر ذلك بقصيده تحكي عن نواح صدرك اتجاهـه ومعاناته الموهبه هي الوحيده اللتي لآيستطيع احد ان يسرقها منـا اذا وهبك الله الشجاعه الوفآء الكرم لآيستطيع احد ان يسرقها منك والشعر موهبه تكمن في التعبير عن مافي جوف المشاعر بشكل موسيقي عذب يمتع السامع والقاري معـا موصلآ المرآد اليه بكل يسر وسهوله وإمتاع تنفطر قلوبنا وعقولنا من أشياء ومواقف تذوب له مشاعرنا وربما تحترق نلقي بذلك قصيده من أعماق مشاعرنا وبوح أحاسيسنا هنـا أرجو ان يحظى الموضوع بإعجابكم تمنياتي لكم بالتوفيق والسداد كونوا على الدوام بخير أحبتي [warning]هذا الموضوع خآص بـبـوح أعضآء هيبة ملكـ يمنع النقل [/warning] |
تشكر أخوي ياسر على طرحك للموضوع ولكن ترا أخوك فهمه ثقيل شوي بس حبيت افهم أن المقصود هو كتابة القصه ثم القصيده التي بنيت عليها الابيات . |
اخوي ياسر فكره جميله ......... بس ابي اعرف نكتب اشعارنا الخاصه احنا مو اشعار غيـــــــــــرنا .......................؟؟؟؟؟؟!!
ولازم قصه .............؟؟؟ ماظن الشاعر اذا كتب قصيده لازم تكون لها قصه او حدث ......... فالشاعر يقول مالا يفعل بعض الاحيااااان... تقبل مروري ورايي........... |
اقتباس:
وشاح الذكريات صدقيني الشاعر لا يكتب قصيدة الا ولها مناسبه أو قصه قد حصلت له أو سمعها من غيره وأتوقع ان كاني فاهم أن القصيده حتى ولو كان بها خلل في الوزن أو القافيه أ و نقص شرط من شروط الشعر الموزون فهي في وجهة نظري أفضل بكثير من المنقول (( ويشكر الأخ ياسر على طرح هذا الموضوع )) مع التحايا ,,, الشاعر أل أغر |
اهلا بكم أحبتي
اعطيكم مثال اخواني مثلآ الاخ آل آغـر واجه موقف (( مرئي او مسموع او محسوس )) المحسوس انك مثلا تشعر بتأنيب الضمير على ماقترفته يداك في شئ ما او في شي فعلته وندمت عليه وتقول في ذلك قصيده ماتنزل عن اربع ابيات والزياده مافيها مشكله أهم شي ماتكون اقل من اربع ابيـآت هدف هذا الموضوع هو ان كثيرا من الناس يظنون ان الشعر يجب ان يكون موهبه وهو بالفعل كذلك لكن لايعني ذلك ان من لا موهبه لديه لايستطيع ان يكتب الشعر !! بل يستطيع ويستطيع وهذا مااسعى اليه من خلال هذا الطرح يمنع منعا باتا كتابه ابيات منقوله لآآ للمنقوووووووووول سآتي بمثال على ذلك الأخ آل آغــر واجه احد المواقف القاسيه بظروف عصيبه وحاول ان يعبر لنا عن تلك الظروف المتعايش بها بقصيده لنقل انه ذهب بعيدا عن الضوضاء والناس الى ذلك التل وأخذ ينظر الى القمر فعشق سكونه وهدوئه فحاول ان يعبر عن مشاعره تلك للحاله اللتي هو بها يأتي ويطرح ذلك البيتين مثلآ كبدايه للقصيده على هذا النحـو متى على الله تنجلي سود الليالي والايام × ويزول هم(ن) بقلبي مثل الوديعـه مهموم ومتضايق وعيني ماتريد المنام × وظروق وقت(ن) جبرني سدوده منيعه طبعا الان الابيات من عندي هكذا أحبتي مسار الموضوع يكون من العضو نفسه ويذكر الموقف اللذي جعل من مشاعره تفيض بأبيآت سوآء عاطفيه ام حزينه ام ذكرى حبيب ام إستياء من حال الدينا .. الــخ أرجو اني أوصلت مضمون الفكره اليكم على اكمل وجـه وأوضح صوره دمتم كما تحبون وكما تريدون ان تكونوا كونوا بخير :) |
أستاذ اخر سؤال ........http://www.hebat-malek.com/up//uploa...165a44ddd9.gif
القصايد الي كتبنها بالقسم نفسوه عادي نرد نكتبها هنا ونقول قصتها ........ سوري على الازعاج |
ايه يا اختي عادي .. بس اهم شي تكون القصيدة منك انتي ........................... الف الف شكر لك اخوي ياسر .. على حسن اختيارك .. فكرة خطرت لي وكنت على وشك طرحها لكن سبقتني .. وربي يعطيك الف عافية .. على جميل اختيارك .. لي عودة بإذن الله .. كــــل الـــود والإحتـــرام [mark=#332d1d]ـآلـوِفآ طَبعِيے[/mark] |
الله عليك..فكره مجنونه..وماهي غريبه عليك اخوي ياســر
بانتظار ابداعاتكم,,وبانتظار اخوي الوفاء طبعي,,وانشالله لي بواااك^_^ يسعدكم ربي,, |
صراحه اول ما قرأت الموضوع تشجعت ورحت ابي اكتب وكتبت لكن الله لا يفضحنا فرحمتكم من هبالتي خفت لا احد تجيه جلطه او صدمه يجلس من بعدها في المستشفى
تشكر اخوي ياسر ع الموضوع تقبل خااالص احترامي |
الله يعافيكم ومشكورين على التفاعل والإبدااع منكم وفيكم فديتكم لا احد يحس بخجل ولاشي بالعكس هذا الموضوع لكم انتم بس ولمشاعركم مو لازم قصيده محترفه بالعكس عادي لو البيوت مكسوره المهم نستفيد من بعضنا ونحاول قدر المستطاع اننا نكسب جرأه في سرد مايدعو الى التسميه بقصه وقصيده وإهم شي التفاعل والردود على كل قصه وقصيده عشان نشجع بعضنا http://upload.traidnt.net/upfiles/CT002684.gif انا راح أبدأ عشان تتشجعون والله يقويكم هذا سلمكم الله كنت انا وصديق لي قريب الى قلبي جدا جدا وبسبب انقطاعي المجبور عنه بسبب انتقالي الى العمل خارج منطقتي ولبعد المسافه شعرت حينها بالحنين الى ايامي معاه وزاد إشتياقي بصديقي الى حد الجنون لقيت فرصه واجازه قصيره من العمل وسافرت لصديقي وطلعت انا وياه (( كشته بالبر )) نعيد بها ماضينا الجميل وشبة نار وقهوه وعلوم رجال شروا من يسمع كانت الكشته بين طريق حايل القصيم بأحد الاوديـه وكانت اجواء مررره رائعه دخل علينا الليل وإزداد الجو جمالا ومتعه ومنظر مبهر ورائع حيث النار وأغراض القهوه والشوآء الـخ ... من دون لآ أشعر قمت بإلقآء هذه الشيله بالتسلسل حتى أتيت بماأتى به حماسي وإشتياقي فخرجت لنا هذه الشيله الرائعه ورددناها سويا ذلك الليل على فكره انا أعشق جـر الصوت والربابـه خصوصا بالبـر :) صديقي يدعى (( ابو مقبل )) نترككم مع الشيله على شبة النار والذيب صاحي ,, انا وابو مقبل علوم الرجالي انا وابو مقبل والنار حيـه ,, رفيق(ن) على القلب بالحيل غالي رفيق(ن) على اليمنى دوم مخاويني ,, مايخيُب الظـن لآشآن حالـي قطعنا المسافه لأجل وصآله ,, حيث من شانه نسوق الغوآلي ليآ جات فالصدر غـتسه وضيقـه ,, نصيت ابو مقبل كريم السبال أحـبـكـم |
http://www.hebat-malek.com/up//uploa...6e05125ba2.gif
ياحــــــــبي للبر انــــــــــــــا... صح لسانك خيو كلمات سلسه اتمنى لك التوفيق نتظر جديدك ياشاعـــــــــــــــرنا........ |
مبدع والله مبدع...
يسلم لنا حسك وفكرك,,خاصه انها بالخوه والبر..ماقدر اشرح لك.. الله لايهينك ويعطيك العافيه.. اسمحلي اني اكون من اكثر زوار ركنك المجنون.. كل التقدير ويسبقه الاعجاب.. |
الـقـصـه شاب يعشق بنت عمه الى حد الجنون منذ كانوا صغارا كان بينهم اتفاقيات وترتيبات للزواج في المستقبل وانهم ماراح ياخذون غير بعض ومهما كانت ظروفهم ماراح يرضون بغير بعض ومهما كانت آرآء آبآئهم كانوا يتراسلون بالسر طبعا كل واحد يعطي اخوه الصغير ورقه ويقول عطها فلانه وكذا مرت الايام وكبر الشاب وتـوظـف بعيد عن دياره إنقطعت الرسايل وماصاروا يتراسلون وكانت ظروف التواصل للشاب جدا صعبـه بحكم عمله المهم مرت الايآم هو كان يتجهز ويجمع مهر من مرتبه وكذا صدفه كان بالطريق مر في احد الاسوآق لما رجع للديره قبل احد يدري انه وصل دخل في احد المحلآت بيشتري هديه لبنت عمه وكان يدور على هديه مميزه تعبر عن حبه لها وإخلآصه وانه لآيمكن ينساها المهم شافه واحد من اقاربه وسلم عليه وسوالف طويله وكيف كنت وكيف ايامك وقاله ليش ماحضرت زواجي والله زعلان عليك قال اي زواج؟ قال زواجي على فلانـه <اللي هي بنت عمـه !! انصدم الرجال وماقدر يمسك نفسه وقال مو صحيح هالكلام قاله الا صحيح ونص شفها معي بالسياره ليه مابلغوك اهلك؟ الرجال ماقدر يمسك نفسه ورجع الهديـه للبآئع وركب السياره ورجع من حيث أتى وقال القصيده واللتي ربما نستطيع ان نرددها شيله على لحن اغنيه خالد عبدالرحمن (( سلام ياللي عليه الدمع مسفوحي )) سلامي للي قطع عني مواصيله .. اقفى وروح به الوقت وتناساني أقفى وقفت سنينِ كانت بيني وبينه ,, رسايل كلها شوق وحب وآماني أبعدني الوقت عنه وأتعب متوني ,,حيل أشقاه حبي و بالحيل حبه أشقاني أرخصتله بالغلا ماتملك إيديـُه ,, ومن شان عينه أضميت كل روياني أبطا به الوقت ماجتني مراسيلـه!! ,, واليـوم أشوفه مخاوي واحد(ن) ثـآني أحيييـه ياحيــف حـب(ن) وافين دينـه ,, عفيف طاهر ماعشق غيره إنساني يامنيف صويحبك ملزوم تأويـلـه ,, عجٌل كان الوقت عناك وعنانـي القصه والقصيده من تأليفي :a2a134: ارجو ان تحوز على رضاكم وإستحسانكم كل الآمآني لكم بحياه سعيده يملأهآ الحب والآمـآن |
قصه وقصيده رووعهـ
حقيقيه هالقصـه ولا؟؟؟؟ لبى عمررررررك ياشاعرناااااااااااااا كلمات اعجبتني وحمستني اكتب قصيده ناوو صح السانك والله يوووووفقك تقبل مرورري ....... |
مشكوره وشاح الذكريات على هذا التفاعـل باقه ورد معطره بعبير الريحان لحضورك القصه والقصيده من تأليفي وليست حقيقيه فقط اختلقت القصه وحاولت جاهدا ان ابني عليها ابيات وماهمي الا تقديم مايسمو لذآئقتكم عسى ان اقدم ماهو جيد ويستحق التقديـم لكم |
هذه قصه حدثت معي الوقـت : الساعه السادسه والنص مساء المكان : أسواق الجبيل العالميه سبب قدومي للسوق : إشتراء بطاقه ون كارد من احد المحلات :a2a1354: طبعا مايخفى عليكم الاسواق عاده تصير فيها مواقف مخزيه للأسف من قبل الشباب والفتيات وهذا احد المواقف تعرضت لـه من قبل فتاه حاولت التقرب لي حتى وصل بها الامـر ان تطرق زجاج باب سيارتي للأسف موقف آلمني جـداااا فكتبت هذه الأبيات المتشقلبه :( الا يابنت روحي عن طريقي وخري عني مثلي ماتهمـه أشكالك اوكـ جمييييله وحسنك يهببببل وعيونك وسيعه لكن أخلاقك منحطه ودنـيئـه وش فايدة هالانوثه لآصارت مستعمره مستعمله كل الشباب قاطفين ثمارها !! دوري على بني جنسك ماني بحاجه سقيمـه شوفي هنا وهناك دوريهم مآيصلح للئيـم الا اللئيمـه أنتي؟ وخير ياطير لاصرتي دلال وجمال ؟! وإلآ كـوول ومن كل موضه لابسه شي(ن) جديد شوفي الذهب مستحيل تروح قيمته تدرين ليــه؟! لأنه أصيل مستحيل يقلب نحآس !! صدقيني يابنت ماينفع الندم ولا الصياح لآطاحت قيمه الشخص ماحد(ن) مشتريـه لآتغرك الدنيا على ماحطته لك وافرشتلك ورد وحرير صوني نفسك لاتضيعي جوهر كيآنك صدقيني في عيون كل من شافك ولبى نداك وفي عيون كل من سمع صوتـك وحاكاك لو تملكين الكون كله لو تملكين الحسن كله تبقين في عيونهم إنثى رخيصه رخيصه رخيصه هذا مانطق به قلبي كل الاحترام والتقديـر |
يسلم لنا قلبك وفكرك..
وصح الســانك..قصيده قويه..واعجبتني ردة فعلك اللي قليل يسويها..>>يتخيل نفسه بنفس الموقف..!_! الله لايجيبنا لهالمواقف اللي تكسر الظهر.. يعطيك الف عافيه اخوي..وبانتظارك دائماً.. |
هذا ياطويلين العمر اخوي يرسل لي رسايل وارد عليه..
قبل تقريبا شهرين ارسل لي هالرساله وكان بالشرقيه..واللي يقول فيها.. ولو ان مابي في الحصى فلق الحصى ... او الرياح لم تسمع لهن هبوب ولو انني استغفر الله كلما ... ذكرتك لم تبق علي ذنوب ورديت عليه.. علمت بأني شاغل فيك ناضري. ... ولو كنت في بلد عليه غروب فان لم تكن انت الذي احببته..... فواعجباه من قلبي الذي سيذوب مجاراتك الفصحى تثير حماقتي... ولكن لاتعودها تجيك كعوب ومره ارسل لي رساله..كلماتها حلوه..بس مضمونها نرفزني شوي..وانا عارف انه مايقصد شي..ويقول فيها.. لايغرك وقتي الحالي عجاج... مايجي بعد العجاج الا مطر المحبه يالغلا ماهي مزاج... لاعجزت انك تحلى بالصبر يعني اصبروالا ياوسع الفجاج.. وابو نايف قالها تقوى الهجر ورديت عليه... النسيم ان حصل للريغات هاج... وانتم ارض من الغضب صارت قفر انتبه للحرف لايصير اعوجاج... ولأنعوجتم نعدل العوج بكسر راجع الابيات لاترسل هماج... لايغرك منظر القاف العسر ومرت فتره وارسل لي.. رزيت نفسي واتظاهر قوي... يعني كأني ماتأثرت بفراق وانا عذاب الكون صوت علي ... اضحك ولكن اختم الضحك بشهاق المهم ورديت عليه.. بشهاق..عاد ياهو المنظر قوي... تصوير حال اللي تعذب من فراق وانا اللي فيني ذيب يادوب يعوي... من بعدكم مبحوح صوته الاضاق وارسل لي رساله بجد اعجبتني.. الصاحب اللي ينتهض لانخيته.... ياحظ منهو ياصحيبي له حزام وشرواك يالطيب يكفيه صيته.... ولا الردي ماينفعه مدح الاقلام ودرب تبي تاطاه رجلك وطيته... ماني محسب للخساره والايام وانا معك بمشي طريق(ن) مشيته.... سوا سوا لاقلت قدام قدام ورديت عليه... رسالتي ياللي معي لانصيته... يمكن يعشينا على تالي ايدام ماهو ردى هذي مفاطيح بيته... الصاحب اللي ينتخي فيه صدام لامن طرالي بعدهم قلت ليته.. عندي او اني عندهم يم دمام الوكاد ومرره ارسل لي هذي... استكثرك وقتي علي وغدا بك... عادة زماني كل ماطاب هون شرق مشيت وغرب وقتي مشى بك.. والقلب ماله لايم فيك لو ون عقب الهنا بك ذاق لوعة عذابك.. تلونت دنياه ولا تلون طويتني طي الورق في كتابك.. حتى معاليق الحشى لك تطون عود ترى داعي الهوى عند بابك.. وارو القلوب اللي بعد ماترون غنيت لك عمري ولا جا جوابك.. وشوف عقبك كيف الايام سون عاد هنا انا رحت ملح..وقلت شوقتني والشعر جاني ايتدابك... يامرحبا باللي كتابه معنون لوحه وابرسمها على قاف بابك... بس الصعيب القاف الآخر ملون ياللي تدور شوفنا ويش مابك..؟؟ فيني ذيابه بالهوى لك يعاوون وسلامتكم.. اتمنى انها تنال اعجابكم.. تقديري.. |
يالله !! ماشاء الله عليك الين اليووووم شاعر (( رد )) درجه أولى تملك ميزه الرد المباشر لكل مناسبه اخوي أعجبتني كل رسايلكم وياحظك عندك واحد يراددك بالرسايل < أخوياه موب فاضينله أهنيك على هالميزه العبقريه في مخيلتك اخوي على كذا نبي نظغط عليك لازم تتحفنا بكل جديدك انا احب شعار المحاوره ( القلطه ) وهؤلآء بنظري هم الشعار الحقيقيون واللذي يجمع مابين المحاوره والنظم هو شاعر بحق وحقيقي ولآغبآر عليـه ألين اليوم انت تمتلك ميزه واتوقع انك مثلي فيها <<< واللي هي يمكن ماتقدر تنظملك أبيآت قصيده طويله لكن تقدر تطلع بيت بيتين او اربعه على شي معين او مناسبه سريعه مثل رد الرسايل بالجوال او بالجلسه انا مالي بالشعر بس اني أحب المحاوره واتابع الثنائي منصور الرياحي ( الله يرحمه )وتركي الميزاني كثير لأن المحاوره لها طعم آخر لهالثنائي شكرا على هذه الروآئع أيهآ الشاعر الجـزل :) لآتحرمنا ولاتستحي هات الجديد لو فيه مليون كسر وجد هذا الموضوع لكي نستفيد من بعضنا البعض جل تقديري لذآتك الطيب يا أخي |
ألين اليوم شاعر محاوره
والله كلمات رائعه ....استمر على هذا الابداع النسيم ان حصل للريغات هاج... وانتم ارض من الغضب صارت قفر انتبه للحرف لايصير اعوجاج... ولأنعوجتم نعدل العوج بكسر راجع الابيات لاترسل هماج... لايغرك منظر القاف العسر صـــــــــــــح الله الســـــــــــــــــــــــــانكـ ولا تبخل علينا ياشاعرنا...... والله يوفقك....... |
ياسر..
وشاح.. الله يعطيكم العافيه على كلامكم العسل..وانشالله اني اكون قده.. ومن ناحيتي انشالله لاجيب لكم كل جديد..وشرف لي انه يعجبكم.. لاعدمت روعة تواجدكم.. ود بلا حد.. |
سلام,,
هذي بيتين لي لما كنت ادخن.. المهم اخوي اللي اكبر مني "فايز" ارسل لي رساله ينصحني فيها عن الدخان..عاد هو يدخن ويقولي انه مافيه خير,,وهيك كلام.. ورديت عليه ببيتين.. يقولك.. ياليته من عمس راسي ياليته.. بلاي انه عمس قلبي يافايز.. ابي اتهرب من همومي وجيته.. وحيا بي وقلت الوضع عايز.. وبعدها بفتره تركته ولله الحمد.. >>ترى ادري ان كلامي غلط..*_* عاد هو غسل يده ومارد علي ..^_^ تقديري,,وودي |
الله الله
أشهد انك شاعر صـ لسانك ـح ننتظر جديدك الاجمل لاعدمناك يارب ........ |
يسلمو خيتووه هذا من ذووقك والله... والله وتجيني هذيك الرساله>>ماهو عارف كيف يبدا..*_^ المهم من اخوي اللي اول يرسل لي.. يقول فيها.. من ضيقة الصدر مستانس.. ومن الونس ضايقن صدري..! اقولها والزمن كانس.. لأحلامي,,وراضي بقدري.. ويابارد القلب مت عانس.. ويادافي الشوق من بدري.. مبطي وقلبي يقول آآنس.. وماتدري,,ولاكنك ابتدري.. ايجابي الحب ياآنس.. والغدر مابيننا جدري..! المهم رديت عليه >>اي حاقه واقول.. رديت,,يمكن اني اآنس.. واحد(ن) من ضيقته يهذري.. اشوف بعينه,,وهو يداسس.. الهم بصدره من صغري.. تحاول,,مير حظك ناحس.. تمد يدك,,ويقولك(سررري).. جعلك فدا اللي يداحس.. دنفوس,,ومسوي مايدري..! خلنا من هالفسافس.. ودي سبب ضيقتك من بدري.. علني المس واحاسس.. والقى جروحك واقولها وخرري.. كل التقدير.. |
تصدق وبدون مجامله عجزت اقتبس لي بيت
القصيده كلها را ئعه كلمات جزله صح الله الســـــانك ياشاعر ننتظر جديدك الاجمل لاعدمناك ولاعدمنا هالقصيد الجزل دمت بكل خير لك احترامي وتقديري......... http://www.hebat-malek.com/up//uploa...7fbbf4a725.gif |
ماشاء الله عليك
تملك فن الرد بوقته الله لايحرمنا جديدك ابد يابعدهم حلوه القصيده لاعرفنا مغزاها ومقصدها وانت كلك حلآ |
الله يعطيكم العافية>>>الاخ توه صحى
والله ابداع الي قريت سلمت اياديكم جميع(ن) وبحاول اسوي شاعر واجيب شي |
وحيآكم الله من جديُد اخوآني :)
حبيت اعيد ذكرى هذا المنبر الجميل واللي اشتقتله هذي ابيات كتبتهآ بالمدونُه ولأن لها قصه حبيت اطرحهآ بهالمكآن الغالي علي بذكرياته الحلوهـ طبعآ مفهوم القصه واضحه بالقصيدهـ البسيطه واللي تتضمن كرسآله روحيُه لــ .. !! اتمنى تعجبكم أبمشٍي على هُوى المجمول ليآمن تزوجـُت وأبـُذيـُله دروب صعآب بالحيـُل مشقيتـُه مآقد خبرت اني سويت حآجه وتنًدمٌت ولآأذكر إنكسر بآسِي على شي وتمنيتـُه لآينشغل بآلك حيآتي أنآ فرعٌون لآتفرعًنت يآمآ دٍست في رجلي على رآي تافه وتوطيتُه شفتي هالدنيـُآ بسيرهآ على كيفـُك وآآبفوُت أمور دنيآ صغيُره بعيـُُن عآقل في ذآتي بنٍيتُه تأكدي وتأملي خير وطمنٍي الرُوح يآ بنُت رجلك فطيـُنِ فالموآقٍف ذآيعِ صيتُه وسسسسلآمتُكم |
وهذي طبعآ ياطويلين العمر في موضوع اهدي للي بعدك بيت شعر
صار بيني وبين الغالي على قلبي شي للذكرى همس وبوح وكانت من اروع المهامسات بصراحه وتجربه اعتبرها غاليه بالنسبه لي واللي قلت فيهـآ أقضيت ليلي بعد فرقاك صويبن ومجروح .. متبعثرن مابين نفسي وذاتي ينوح بأقفاص صدري خالد وممدوح .. خوتهم صفحه أيآمي واحلى ذكرياتي عجل ترا مالي فالدنيا من بعدك صلوح .. ناظر في قرارك كان همك نجاتي انا دخيل عينيك ياسلوة الروح .. ترجع قبل مالناس تعلن وفاتي شرواك الطيب ياطاهر الذكر والروح .. النخوهـ .. والوفآ . صفآتك صفآتي يروقلي شعرك كان جا للشعر بوح .. ويروقلي مظهرك لآجيت آتي قرم وفطين فالمرجله بانيلك صروح .. التراب في وجه من يشنآك فقير الصفاتي للضيم ري وللهوى بلسم جروح .. الوشايه والغدر ماهن سوآتي الرجال النشاما تفداهم الروح .. هذي هي سلومي وأدنى سمآتي كان الليالي إغدرتبك وأصبحت مجروح .. عندك خبر لأجلك ترخص حيآتي ندآء لأهل الشعر ومتذوقيُه أن يبثو مافي صدورهم بنغمات شعريُه ننثرهآ هنآ دون خجُل آتي بمآ عندك ولن تجد سوى الدعم والتفاعل والمساندهـ القصه : اي شي ممكن انه يستدرج مشاعرك ويخليك تتكلم :) كل الــود |
. ما شاء الله تبآرك الله ..
,,, أولآ : موضوع في غآيه الرروعه أحسنت الطرح .. بآرك الله فيك ثآنيآ : صح الله لسآن كل من طرح هنآ .. ,,, شي لذكرى / يآسر ~~> راق لي ندى أقلامكمـ العذبهـ .. .. . ..أستآذنكمـ بأن أسجل نفسي متآبعه دآئمه لهذآ الصرح .. .. فآنآ من متذوقي الشعر فقط .. . .. لله دركمـ .. دآمت سعآدتكمـ .. لك مني أرقى تحيه * تققييم لــ .. شي لذكرى & يآسر |
الهدووء السآحر
شكرآ جزيلآ وكم أنآ ممنون لهذا الثناء والتقييُم لم نقدم سوى مآتحاكيه مشاعرنآ من موآقف وحكآيآت ودومآ نحاول ان نصل الى مانصبو اليه في مواضيع كهذهـ والى كل من راودهـ الشعور في ان يرى بنفسه متمتمآ لابيآت تتردد في اذهانه محاولآ استقطآبهآ على نحو قصيدهـ يسيرهـ هنآ انت تصنع بنفسك ماقد تستشعرهـ وتحاول تطويرهـ :) لطألما كان حضورك مشمسآ سيدتي كوني على أحسن مايرآم دائمآ ودي وإمتنآني |
وهنا
للأبداع معنى ـآ آخر رآآآآآئع فعلا تابعوآ يافرسان القوافي |
مـطـُر
لست بمن يمتطي جوآد الشعر وبحورهـ عسى أن نجد جميعآ ماتستلطفه مشاعرنآ ونهذي به على نحو أبيآت قد تصوغ مابغايتنآ ان نأتي به .. ومن ذلك نطور ونساعد في تطويُُر من يحتآج لى ان يصقل موهبُته دون خجُل .. أهلآ بك مرهـ اخرى .. وكلنآ شُوق .. |
الهدـوء..
مطر.. العفو وهذا من طيبكم..وذووكم.. لكم..:e41:>تقاسموها:e49: ، |
هذا ياطويلين العمر ..واحد اسمه راحلة فكر وماهو بمقتنع بالشعر..فأقوله..: ، اللآم شيلها.. وخلها:راحه! لـ فكرك وريح خافقك بالقاف..! الشعر خلا لكل شي ساحه.. حرف نشيله يختلف معنى وينعاف!! ، >انشالله انه يقتنع بعد هالبيت.. ود بلا حد.. |
يختلف معنى وينعاف .. صح إلسآآآآآنـــِك لبى روحِك :)
زمان عن هالمساحَه .. مريت وجذبتني ريحتها والشعر شئ ثانيِ .. له كآريزما خاصَه يعطيك العافيه ياعازف القافُ ودي ووافر تقديري وإحترآميُ :) |
| الساعة الآن 06:30 PM. |
Powered by vBulletin Version 3.8.7
Copyright ©2000 - 2025, Jelsoft Enterprises Ltd
دعم وحماية
مرسانا لخدمات الويب
HêĽм √ 3.1 BY: ! ωαнαм ! © 2010