|
صور البنات في البلاك بيري والفيس بوك
السلام عليكم ورحمة الله وبركاته
صباحكم عسل يا ال هيبه حبيت ان نناقش سويآ موضوع صور البنات اللي في البلاك بيري والفيس بوك ومع صديقاتهم! ( اتوقع الموضوع منتشر انتشاار كلي ) بس انا ملاحظه في الفتره الاخيره جرأة البنات على وضع صورهم في البي بي والفيس بوك ماادري ما الحكمه من وضع صورهن !!! طرحي للموضوع لنقاش هذا الوضع المحزن و لنفيد ونستفيد يمكن البعض يراودة السؤال هذا معقول فيه بنت تحط صورتها!!!! ) وللأسف الأجابة>> نعم ! والشيء الذي يحتاج لنقاش وحل هو( التساهل ) تتساهل بتنزيل الصورة وماهو قولها : إيه عادي بنات بس ,محد شايف او تراني ما احلل من يقوم يتسريب صورتي ! > يا اختي وياعزيزتي حافظي على نفسك وندمك ماراح يفيدك شيء بعدين, لما تلاقي صورتك منتشره صدقيني , وترى جمال البنت بحيائها وسترها ,, الوجه المصون بالحياء، كالجوهر المكنون في الوعاء. )))<<< ,, والله يهدي ويستر على بنات المسلمين ويردهن لعقلهن ودينهن يااارب .. |
لا اله الا الله
|
http://www.addemoticons.com/emoticon...icons09776.gif
يً سلمووا عً طرح الموضوع || فعلاً منتشررهـ كثيير الحركــهـ هذي وسببهآآ زي ماقلتي ( التسسآآهل ) وأضيف لهـ (ضعف الوازع الديني ) || بسس اللي تقول ما أحلل من يسرب صورتي <-- هذي قوويهـ || ودي وجنآآئن وردي http://www.addemoticons.com/emoticon...icons09714.gif |
هذيُ سخافـَه وسذاجَه لأبعد الحدودُ ولن تكونُ غير ذلِك إطلاقَا
والله مشكله لاصاروا الكبار يحتاجون رعايه ومتابعَه ! أقصد العقد الثاني وبدايه الثالث من العمر .. والبلاك بيري برنامج محادثات لاغيُر جابولنا اجهزهـ بين اليدين وحنا جالسين وطقطقه .. طيب وبعدين وش بينفعنا فيه .. تسليه مثلا؟ طيب اخوانك واخواتك ليش ماتتسلى وياهم وين راحت العاب زمان اللي كلها ألفه ومحبَه وتجمعك وياهم على طول كل واحد في ركن واغلب وقته ساكت ومنزل راسه .. بالله وش يحسون فيه ؟ ميخالف اجمع فيه اقاربي واصحاب المدرسه واخليه تواصل بيني وبينهم وقت الحاجه أما كل وقتي امسك فيه .. ياخي مشكلتنا لانزل شي جديد لعبنا فيه لعب وهذا أكبر خطأ الواحد مايصدق يالله لك الحمد الحمدلله لابلاك ولاخرابيط الحمدلله والشكر .. والبنات اللي تطرقتيلهم بالموضوع هذولي ناقصات عقل ويحسون بنقص بشخصيتهم ولايملكون الثقه بأنفسهم والموضوع لفت انتباهـ ويبون راي الناس فيهم وهم والله وثم والله إنهم بهالطريقه يرخصون انفسهم ولاعندهم حشمه ولافيهم بركه الحين ابوك واخوك وجماعتك يحافظون على بركة عفتك يدرون انك ماحولك احد ولاتفهمين بهالقيمه وانتي تضربين كل اهتمامهم عرض الحائط الصراحَه بنات هالايام مدري وش قصتهم ؟ يازين ايام زمان بس الوحده من تشوف طرف ثوب رجال راحت ركض وتغطت وتخبت ياقلبي عليها حياء وخجل وإحترام هذي والله الي تستاهل كنوز الدنيا اما بنات الوقت (الاغلبيه ) لو ماتوخر عن طريقها صدمتك وعينها ماتروح عنك يادافع البلا حتى غالبيه شباب الوقت مافيه خير .. الجيل بأكمله مايبشر بخير أبد نسال الله السلامه والعالم أشغلت انفسها بهالدنيا ماكأن فيه آخرهـ استغفر الله سواقه حريم وحقوق هنا وهنا والقلم يكتب وهذا يصدر وهذا يؤلف ياعالم اعملوا لآخرتكم الدنيا مابها خير مشكورهـ ملكه وموضوعك مهم جدا واهنيك عليه فـ مان الله |
مشكورين على التواجد وعلى الكلمات العذبه ,,
يعطيكم العافيه جميعآ شاكره لكم ,, لاهنتوا ,, .. |
عليكم السلام ورحمة الله
طبعاً موضوع مهم ويحتاج نقاش هادف وتوجيه من الأشاخاص والواعين والمدركين لمخاطر الأمر , ياسر ذكرت نقطة جداً مهمه وهيَ (القيمه) واللاتي لا يفهمنها البعض ولا يدركنها .. أتعلمْ لماذا؟ لأنها لمْ تُغرس فيهن من منشأهن ،لن نقل بأن هذا عذر واهي ليتمادوا في فعلتهم ،لكن سنأخذ الأمر بطريقه علميه سليمة ،لو أنَّ الفرد المُربِّي يحمل قيمة معينه ولتكن هنا(الحفاظ على النفس) أو صونها أو الخوف عليهاوحمايتها، حملها المُربي وظهرت في تصرفاته وتوجيهاته لهذهِ الإبنه ,ستنشأ وهيَ تحملها داخلها وتعمل بها كم رأته يعمل،سيظهر لنا في طريقها رُفقاء السوء أو التقنيه واستخدامها..سأقل لك بأنك لو أعددت هذه الابنه للتمسك بقيمها ,وصبغت الفرشه الداخليه لذاتها بعدم القبول بقيم أفراد غيرها عوضاً عن قيمها ،ستصدر سلوكياتها تبعاً لذكلك، بالتالي لن يؤثر فيها لا تقنيه و لا أصدقاء،أعتقد بأننا سنظلم كامل الجيل ان رمينا عليهم بالتهم دونَ النظر إلى منشأهم ومنبع تصرفاتهم ، والتقنية ليست ملومة أيضاً البلاك بيري وغيره يحمل من الفوائد ما يحمل من مضار والأدله على ذلك كثيره أبسطها اجتماعات العلماء بطلاب الشريعه كمثال ايجابي .تُعقد مؤتمرات ترسل الدروس والواجبات والفائده تعم ،لكن سوء استخدام التقنيه يعد على قدر ما نحمل نحن من قيم ,ما الذي يردعنا عن ارتكاب الخطأ ومالذي يدفعنا لفعل الصواب وكل نشئ يحمل قيم غرسها فيه مربيه ,ذلك لا يمنع أن نحكم عقلنا في فعل الصواب أو الخطأ, لكن أن نفقد الأمل في البقيه ونلقي باللائمه على الشباب بأنفسهم دونَ غرس القيم في دواخلهم هذا الأمر محبط ولن يوصلنا لأي طريق فعال . : طبعاً الله يهيدهم ولا يبتلينا .. لاحظت من معارفي يسوو هذي الحركه وحاولت انصح لكن حجتهم انو خلينا نعيش وماحد بيشوفها كل اللسته بنات (رغم انو اخويا يطقطق بجوالي,واعتقد كثير غيري) انا لمن اطالع فيهم أحس انو نقص بالقيم يعني نفس هذي اللي تحط صورتها مع صحبتها كمان بالمسن الاقيها أصلا حجابها مش ولابد لو يطيح الغطا وهيا بالشارع جداً عادي ترفعوا ع اقل من مهلها ,ترفع صوتها وتحرك ايدها وهيا تسولف بالشارع كأنها ببيتهم يعني لين الكوع اضمن انك تشوف .! فقيمة صون النفس والخوف عليها والحفاظ ع الجسم انو ما يبان لأحد (مفقوده عندهم) وعلينا احنا كمربيين بالنسبه لو كنا مدرسين أو كنا آباء وأمهات ,واجبنا اننا نغرس فيهم هذي القيم عشان بكره يتصدو لللتطور والانفتاح بقيمهم اللي يحملوها مو بالانسلاخ والتخلي عنها , هذا رأيي وربنا اللي خلقنا أعلم .. شكراً ملكه ربي يوفقك |
صدقتي كادي , هذا هو الأهم ,,
ربي يسلمك ويحميك من كل شر ,, نسأل الله ان يهديهم ,, لكِ جزيل الشكر ,, |
| الساعة الآن 10:06 PM. |
Powered by vBulletin Version 3.8.7
Copyright ©2000 - 2025, Jelsoft Enterprises Ltd
دعم وحماية
مرسانا لخدمات الويب
HêĽм √ 3.1 BY: ! ωαнαм ! © 2010