|
مزحة ثقيلة أنهت حياتها الزوجية واعتبرت غلطة لا تغتفر
السلام عليكم ورحمة الله وبركاته "سعودية" تصفع زوجها على وجهه أمام أمه فطلقها في الحال سبق – الرياض: كلفت مزحة ثقيلة, زوجة سعودية ثمناً غالياً, بأن رمى عليها زوجها يمين الطلاق, وطردها من البيت مقسماً أنها محرمة عليه إلى يوم القيامة. القصة بدأت عندما أرادت زوجة في بداية الثلاثينات من العمر, تمازح زوجها أمام والدته التي كانت تزورهم في منزلهم بشرق الرياض, فصفعته على وجهه, ما اعتبرها إهانة لا تغتفر, فقام بتطليقها, وطردها من المنزل, ورفض الزوج الغاضب العدول عن قراره تحت أي ظرف من الظروف, خصوصاً أنه طلق زوجته وهو في حالة غضب شديد ورد فعل عن مزحة ثقيلة, رافضاً توسلات زوجته. المصدر / صحيفة سبق الإلكترونية |
يقول الرسول -صلى الله عليه وسلم - ( ليس الشديد بالصرعه وإنما الشديد الذي يمسك نفسه عند الغضب )
صحيح المزحه مالها داعي .. وخاصة بعض الرجال .. يكره أن يكون موقفه ضعيف أمام أحد أقاربه ومن الغضب .. طلقها .. وأتوقع .. لو كانت هالمزحه بينهم لحالهم وبدون أحد يشوفهم .. كان ما حصل اللي حصل لازم نعرف جميعاً .. أن المزح ولو حتى بالكلام .. يكون بين الزوجين وما يطلع لأي أحد إلا اذا كان شيء عادي وبسيط ولازم الواحد يثمن كلامه قبل ما يتكلم به .. وفوق كل هذا .. الشخص لازم يتقبل ويتغاضى لأننا جميعاً نخطئ .. وتجي علينا غلطات كثيره ونندم عليها ولكن لازم نمشي وما نهتم كثير .. مره نشد ومره نرخي .. وهكذا ,,, ,,, الله يستر علينا وعلى جميع عباده وعسى الله يهديهم ويألف بين قلوبهم ,,, لآ هنت ياخوي ويعطيك العافيه |
صحيح الي سوته قوي ومهما وصلت درجة المزح ماتوصل للضرب وخاصه الرسول صلى الله عليه وسلم نهى عن الضرب في الوجه
ومن رأي الي سوته شي غير عقلاني والي سواه الرجل ردة فعل قويه وموجات غضب عارمه خرجت منه برمي الطلاق عليها ماينلام ابد بس انه خلاها توصل للطلاق وانه ((حرمها عليه ليوم الدين)) شي مبالغ منه بسبب العصبيه والناس يختلفون منهم من لايغفر ابد ويرضى بسهوله لامن اخطأ عليه واضن انو هذا الزوج اهو من هالنوعيه من الناس الله يصلح الي بينهم ويكتب الي فيه خر لهم |
مثل ماقال اخوي اسامه :
يقول الرسول -صلى الله عليه وسلم - ( ليس الشديد بالصرعه وإنما الشديد الذي يمسك نفسه عند الغضب ) بعض المزح شين ويقلب على صاحبه فجأإة .. وفعلاً أن زوجتي تصفعني قدام امي أو اقاربي والله قوية ..} عـــوآآفـــي .. ع الـخبريــة تحيتـــي |
يعطيك العافيه اخوووي ع الخبريه
بصررراحه الزوج ثقيل ددددددم لوأنه طيب وحبوب كان خل الموقف يعدي يعني وشفيها لوعطته كف مسكينه الحرمه على باااله تستخف دمهاا كاااان كبر عقله وهالحرمه صح أن مزحتها بااالحيييييييييل قوووويه بس كل شي ولا الطلاق مااا أقووول الا الله يصلح مااابينهم |
احس ان الموقف عادي لو صار بين شخصيين متزوجين وبينهم عشرة عمر ....
|
اما عاد طيب و حبوب يخليها تصفقه كف ويسكت
هي سوت هالحركه قدام امها يعني شوفي تراني اقدر عليه وظنت ان زوجها يبي يمشيها لها من باب الميانه صحيح ان كيدهن لعظيم وانا مستغرب من ردة فعلكم ليه تحاولون تبررون موقفها وتطلعون الزوج هو المخطىء بسرعة غضبه مشكله بعض الحريم مو فاهمين الحياه الزوجيه وفي حديث للرسول عليه الصلاة والسلام ماني حافظ نصه بظبط لو كنت آمرا أحدا أن يسجد لأحد لأمرت المرأة أن تسجد لزوجها وتقولون ليس الشديد بالصرعه والغضب وانه غلطان ! ! ! تقدر تطق ابوك كف ؟؟؟ |
الله يهديها ما ينمزح مع الرجال كذا
الرجال ما يتحمل اضعف حركه من الحرمة قدام اهله مو كف الاطفال وهم اطفال ويحتاج لهم تربيه نتحاشى نضربهم قدام الناس عشان لا ينكسرون عاد هذا رجاااال مصيبه وهو كمان على طول طلاق والله ملاحظه هالايام صاير الطلاق عند الرجال شربة مويا طالع نازل يطلق .. زمااان ما نسمع بالطلاق ابد الواحد يصبر على زوجته لو فيها العيوب السبع .. الله يصلح الجميع ويعطيك العافيه على الموضوع .. |
هههههههههههههههههه
وين الآنوثه .؟ صراحه الرجال غلطان وغلطان كان المفروض يلعب ع وجهـها تايكوندو عشان مره ثانيه لو تبي تمزح تعرف وشلون تمزح :e1: هههههههههههه عوافي |
لا إله إلا الله وش هل المزحه شكلها تسمع ببساط احمدي هههههه
شي مضحك ومحزن اتمنى اني اعرف هل الشخص وربي ماادري شنهو اقول اكثر من ماقال اخوي اسامه صحيح الشديد من يملك نفسه عن الغضب في اكثر من حل بس هل الوقت وهل الشباب مايعرفون إلا هل الكلمه طالق شي مايسوى التفرقه عشانه بس وش اقول اتمنى لو اني اخوه يعطيك العافيه اخوي كبرياء تسسسسسسسسسلم من كل ظالم تقبل مروري ووجودي تحياتي لك .. |
| الساعة الآن 04:19 AM. |
Powered by vBulletin Version 3.8.7
Copyright ©2000 - 2025, Jelsoft Enterprises Ltd
دعم وحماية
مرسانا لخدمات الويب
HêĽм √ 3.1 BY: ! ωαнαм ! © 2010