|
بيت للبيع بسعر مغري للظروف الابتعاث ...}
السلام عليكم
بعض الناس انهبلت.. والا هي منهبله خلقه طلعت من هايبرماركت قبل شوي وانا بركب موتري الا اشوف هاك الاعلان على قزاز الهايبر ماركت بيت للبيع وقريه كامله للبيع لظروف السفر والابتعاث وبسعر مغري بـ ترافيان وحاط رقم جواله...!!! المهم وانا ادق عليه قلت.. يمكن بيبيع ومحتاج ونستفيد كم قرش بعد ترميم البيت؛ وجلست افكر.. وين هالحي فيه اللي اسمه ترافيان!؟ مايهم يمكن من الاحياء الجديده وطقتها؛ وانا اللي ادق.... حاط صدى اغنية طلال مداح كنغمة رنين (مقادير ياقلب العناء) قلت.. شكله عنده ظروف قاهره والرجال غرقان لشوشته ويبي يبيع باسرع وقت؛ وارجع ريوس واشق الاعلان قلت.. لاحد يشوفه ويخرب علينا البيع ويسبقنا.. المهم رد: مرحبا قلت.. السلام عليكم وعليكم السلام كيف حالك اخوي؟ ان شاء الله تمام؟ قال.. الحمد لله قلت.. شفت اعلانك لبيع البيت.. البيت جديد والا قديم؟ قال.. جديد من بدايات 2009 قلت.. كم سيم؟ وحدك يالغالي؟ قال.. منيب طماع، وتراي سمح وانا اللي اقول بقلبي.. غدي الدّرَج مفصول أرغب له وفيه مسبح وبايكه وبيت شعر ومكيفات اسبيلت والبويه فيلفت المهم قلت.. وش المواصفات؟ وهو اللي يقول: اخوي من جد فرصه لاتفوتك...؟؟ قال.. اسم الولد الله يسلمك؟ قلت.. محمد قال.. هذي الموصفات يابو محمد قريتي في ترافيان وانا اللي اهوجس واقول.. شكله مطنوخ راعي قرى وشاليهات ومنتزهات قلت.. الله يزيدك من نعيمه شوي ويقول.. عدد السكان 4077 لها 6 قرى فرعية قلت.. ماشاء الله تبارك الله اشتراك قوي 20 على السيرفر ترتيب القرية 1250 فيها320 ذهب قلت.. شكل البير الارتوازي يسمونه ذهب من زود غلاه والمطلوب 1500 ريال يالشيخ قلت.. وشاللي بـ 1500؟؟ قلت.. بقلبي شكله مكثر اللبن! أو أن البيت فيه إنّ وش هالسعر!؟ اكيد انه مهوب صاحي! لا بالله 1500.. أكيد مهبول! ولا يحسبني باستاجر يومي!؟ وانا اللي أسأله: بكم؟؟ قال: 1500 وانا اللي اصرخ واقول.. انت صادق والا تمزح!؟ قال: جاد يابو محمد! ولولا الظروف قسم بالله ما ابيعها! وانا اللي اسأله.. الصك باسمك؟ البيت عليه مشاكل ارث او غيره؟ الحي معتمد من الامانه؟؟؟ الخدمات واصله؟ قال: ياخوي انت وش فيك؟ اي ارث واي مشاكل واي خدمات؟؟ وهو اللي يحطه على السبيكر قلت.. شكلي احرجته والرجال حساس! قلت له.. والبيت وينه فيه؟؟؟ قال.. بترافيان قلت.. وترافيان بأي مكان؟ قال.. ايش؟ من قال ايش قلت شكلي غلطت قلت.. يالشيخ الله يطول بعمرك حي ترافيان وين مكانه فيه؟؟ قال.. تستهبل انت؟ قلت.. لا والله منيب استهبل اول مره اسمع بالحي! قال.. اي حي؟ قلت.. اللي انت باني فيه.. حي الترافيان وهو يضحك واسمع ضحكات من حوله اثره حاطه على السبيكر قال.. انت ماعندك كمبيوتر؟ قلت.. الا قال.. عمرك دخلت ترافيان؟ قلت.. ابد حدي منتديات الاسهم؟ قال.. ترافيان لعبه واشتراك السيرفر 33 قلت.. وشو؟؟؟؟ وانا اللي اقطع الخط ويجلس يدقدق.. وانا اللي مارديت عليه وارقام غريبه تدق وتاليها.. حسبي الله ونعم الوكيل يرسل لي رساله ((حياك الله يابو محمد على النزاله حاطين عشاء في بيتنا الجديد بترافيان)) يضرب ترافيان وتضرب سنينها!! هبلت بشبابنا هالالعاب:e33: منقـــول...! |
ههههههههههههههههه‘‘
ياشيييييين الجهل وانا اخوك بس والله الرسالة الي ارسلها له قوووية ‘‘ عوافي أختي , ,‘ |
واحشــــــــني صـــوتكـ....
تســـلم ياخيو عـــالمرور... لاهنت.. أيه وانت الصــادق ياشين الجــهل,,, |
ههههههههههههههههههههههههههههههه عاشت جو.. :D آي جهل و اللي يرحم والدينكم .. هذا اسمه نقص عقل من المخفه اللي حاط لي اعلان .. والا اللي كاتب .. الموضوع في كامل قواه العقلية .. و فاهم يضيع وقته على شيء .. ما يجيب نفع ابد .. هذي اساليب الغرب .. حطوا العاب زي كذا ترى .. العرب .. ماعندهم شيء فاضيين يلعبون و يساومون فيها .. و احنا ننبش .. بعقولهم .. حرام و ربي ..هالخرابيط العاب .. ومن هالقبيل .. ولا ازكي عمهم البلياردو .. نفس اخته ترافيان ومدري مين .. والناس نايمين .. و يسلمووو اوعدك .. وما ننحرم منك يا قمر :) .. و الله يبعد عنا عائلة ترافيان .. حيهم موب زود :e2: مودتي لـ نبضك .. ღ اْلآحَسَاْسـْ اْلَخِجُولْـْ ღ |
حسوسه....
صـــادقه بكــل كلمه قلتــيها.... على قولتــكـ..:: و الله يبعد عنا عائلة ترافيان ... من بؤكـ لباب السما ياستـــي..>>أنقلبت مصريه... دمتــــي لنا ياغاليه... أختــكـ ""أوعدكـ.. |
بصرآحة , عالم فاضيه وكثييييير
وأنا لا أنكر أيام الجامعه وفي وقت البريك يعني من باب التسليه نلعب ألعاب كثيره قريبة من فكرة هاللعبه لكني ما هضمت هاللعبه ولا اللي يلعبها وما علينا فيها ولا نهتم لأنها لعبه لا تودي ولا تجيب ولاحظت كثير والله يعصب ويزعل إذا أحد هجم عليه ونهب ومدري آيش ,, خرااافات وتنقص عقل الشخص وأتذكر أنه حصل بيع لقرية في ترافيان قبل فتره لشاب من آحدى الدول الخليجيه بـ 9000 والله تخلف , ,,,,, أوعدك .. يعطيك العافيه على هالموضوع |
أســامه....
الله يخلف على عقولهــم.... أشكـــركـ عـــالمرور... مودتــي لكـ... |
يوووو عالقهر
عوآآآآآفي لاتحرمينا جديدك فالك السعاده هيك وبس |
..هههههههههههههههههه
تحـــفهـ وربي أول مآبديت أقراء متنحـه مثله وأفكر أقول إلى هذا حي كد سمعت فييه بالنهآآآيهـ فهمت السآآلفهـ وأثرهـ اللعبه الي أخوي صآجني فيهآ :( الله يهدي الجميعع يعطيييك العآفييه وعوودهـ لكي مني أرقى تحيه |
عســـوله....
هـــدهــــد.... مشكــــورين يــالغلا عــالمرور.... دمتــو بحفظ الله.... |
ههههههههههههههههههههه
سلــآمــآت .. وش يحس به !؟ حـآط إعلــآن ! والمسكيين متحمس يبي يشتريه < هههههههه الله يعطيكـ العــآفية ,, |
وعليكم السلاام
يعطيك العافيه اوعدكـ ههههههههههه دخلت جو مع القصه بس عرفت من يوم قال ترفيان بس مش عليه المقلب تمام . هههههههههههه انا ماحب هالاشياءوالخرافات .. وكلام حسوسه عين الصواب .. ربي يعافيكــ |
ههههههههههههههههههههههههههه
يسلمووو تحياتي مهبوله وعاجبني هبالي |
هههههههههههههههههههههههههههههههههههههههه ههههههههههههههه
مسيكين الجهل مشكله يسلمووووووووووووووووووووووووووووووو |
| الساعة الآن 07:00 AM. |
Powered by vBulletin Version 3.8.7
Copyright ©2000 - 2025, Jelsoft Enterprises Ltd
دعم وحماية
مرسانا لخدمات الويب
HêĽм √ 3.1 BY: ! ωαнαм ! © 2010