منتديات هيبة ملك منبع إبداع لاينضب

منتديات هيبة ملك منبع إبداع لاينضب (http://forum.hebat-malek.com/index.php)
-   مـدخنة القوافي (http://forum.hebat-malek.com/forumdisplay.php?f=42)
-   -   أَجْمَلٍ بـَيْتُ .. مَ ــرْ \ عٍ ــليْكـٍ / لننتقي أجمل الأبيات (http://forum.hebat-malek.com/showthread.php?t=9467)

وشـ ـاح الذكـ ـريات 07-29-2009 03:11 AM




قالت وش اللي يعجبك في البدو؟ ..قلت
الا وش اللي في البدوما اعجب الناس



انا ابدوي وابن بدوي ولازلت
كلمة بدو يا بنت لي ترفع الراس



ولغيرعشق البدو يابنت ما ملت
عشق البدو يا بنت عشق على ساس



قالت عسى ما اخطيت اشوفك تفاعلت
قلت الكلام اللي نطقتيه حساس



لكن ابسأل قالت ابشر الى سالت
تلقى الجواب اللي مثل درة الماس



قلت ابدوية ؟قالت اظنك وصلت
قلت الحقيقة والله عندي احساس



لكن اجابة شافية ما بعد نلت
من أي البدو وان اعتذرتي فلا باس


قالت من اللي فعلهم فيه ما جهلت
اهل الشجاعة من على قب الافراس



لا مر بك فال على نجد حصلت
اسم لنا مهوب يخفاك نوماس



قفت وانا في ماقفي حرت وذهلت
لا في يدي حيلة و لا شك منحاس



بنت ابدوية مثلها ما بعد خلت
ما كنها بالوصف الا ظبي الاطعاس



عز الله اني يوم صادفتها ا قتلت
بسهوم نجل سود خدره ونعاس



محدن بلايمني الى من تغزلت
في اللي سببها صادف البال هوجاس



يلعب في قلبي كلما اقفيت و اقبلت
ومساعف القلب ضيقه ووسواس



من قبلها مرتاح و اليوم غربلت
لا طاب لي زاد ولا طاب مجلاس


و العين عافت لذة النوم واشغلت
مثل الخفير اللي على الباب حراس

وشـ ـاح الذكـ ـريات 07-30-2009 01:18 AM

ياضيقة الصدر وش تبغين من صدري
سيفك علامك على صـدري تسلينـه
هو نقص مني وعندك نـازلٍ قـدري
و الا طبيعـه ومـن مثلـي تمرينـه
وقفّت بينك وبين الوقـت والغـدري
ونظرت فالوقـت يامكثـر مساكينـه
ثم زادت الضيقه اللي تشبه الجمـري
من حين كلٍ قرب ثـم حـد سكينـه
حتى خوي الرخاء يدري ومن بـدري
اني بحاجة ولكـن مـا الله امعينـه
ينكر وفاي وجـزاي ايبادلـه نكـري
اعطيه جزله وهو يعطينـي الشينـه
يوم انها صمّلت ماهو علـى خبـري
وفعل الردى للضعّيف دايـم ايهينـه
انا اشهد اني خسرت وباينٍ خسـري
ياكيف شينه تجـي مـردود للزينـه
لكن ابجري مع الدنيا وهـي تجـري
وابحتمل هالزمن فـي شـده ولينـه
حتى لوٍ ان الليالي صايـره عجـري
تبى تعدّل بـذن مـن عزنـي دينـه
اهم شي اتسلـى واسمـع القمـري
لا قام ينشد بصوتـه فـي بساتينـه

عبير الورد 07-30-2009 01:24 AM

أقسى شعـور يكون قلبـك [ مثبـّت ]
وتزلزلـه ~ صدمـه ~ وهو حيـل حسـآس

رحــآل.. 07-30-2009 02:20 AM

لاصار قلبي لك وطن..
ابسألك:
وين الولاء..؟؟

وش لون حال المملكه،،داك الخياآآنه

منــ ملك!

مـحـمـد 07-30-2009 02:55 AM

ضاقت علينا والليالي مقادير
................ وقلوبنا ماعاد تقوى العنادي !

اثر المحبه حبلها دايم قصير
................ وكم من ضحيه لبسوها الحدادي

ياصاحبي مالك على الهجر تبرير
................ وتو الغلا وسمه على القلب بادي

اثرك سحاب وعاٌقبته المخاسير
................ بردً نهش في باذر النبت زادي

زاد الضلوع المحدبه بالمعاصير
................ يالين جمد بالشعور البرادي

الله وكيلك رحت من دون تغير
................ وعرضتني لـ هموم وقتً اجدادي

ولاتحسبني بتركك دون تدبير
................ ماجيت عادي يومك تروح عادي


الساعة الآن 06:20 PM.

Powered by vBulletin Version 3.8.7
Copyright ©2000 - 2025, Jelsoft Enterprises Ltd
دعم وحماية مرسانا لخدمات الويب
HêĽм √ 3.1 BY: ! ωαнαм ! © 2010

a.d - i.s.s.w