|
[ 26 ] .. : مدخل : من المفروض يزعل ويتضايق ؟ [ أنا ] ,, لكن فراقك ما أطيقه إذا تصبر .. على بُعدي دقايق أنا ما أقوى , على بُعدك دقيقه ! : كنت أشوفه في حياتي كل شي الهوى و الماي وأكثر من وطن كنت ميِّت فيه , وفيني كان حي بأختصر كل الحكي عين وجفن هو جرحني وكنت أظن قلبه علي ياحسافه ضاع عمري بكنت أظن ! صدمتي ,, ياقوَّها ما هي شوي وما يعبِّر .. عن معاناتي ( حزن ) ( روح في فالك ) كلام وقاله لي ! كني شفت الموت ,, وكلماته كفن : مخرج : كنت هادي .. ومن هدوئك كنت خايف كنت عادي .. لا شعور ولا عواطف وقتها حسيت إن هذا الهدوء مستحيل يكون ما يسبق عواصف صاب ظني .. ليت ظني كان خايب غاب صوتك .. وإبتعدت وصرت غايب .. ! غبت عني ,, وغابت أفراحي معاك ليه غبت وكيف .. ما عدنا حبايب ..! |
[ 27 ] ..
: http://www.hebat-malek.com/up//uploa...8d78b415b4.jpg . . ( 20 ) ( + ) ( 7 ) هو كم , ( = ) وش يطلع الناتج أبي تَحْسِبْ الحين ؟ [ سؤال ] .. ماهو لغز وإلا غطاوي شاطر عرفت الحل : سبعة وعشرين للحين قادر ..! عـ المفارق وقاوي ؟ عفيه على قلبك .., حبيب الملايين منتَ على النيَّه .. ولا إنتَ حياوي عايش حياتك , في غيابي بو قلبين لا تقول : ما أدري ولا كنت ناوي إلعَب على غيري و عندك كثيرين ياما وياما .. راح أشوف البلاوي دام إختلط في دنيتي الشين بـ الزين : |
صح لسااانك يا الغلا كله
مشكور اخي على القصيدة الحلوة بارك الله فيك |
[ 28 ] ..
: ماهي يوميَّات , أكتبها و أروح هي مواقف .. عشتَهَا يومٍ بـ يوم مرَّه عن فرحه ومرَّه عن جروح مرَّه من راحه , ومرَّه من هموم إسمَع اللي لك بقوله في وضوح صوم عنِّي مثل ما عنِّك : أصوم خل في قلبك سوالف ,,, لا تبوح بس في هذا الشهر , خلِّك كتوم شوفتي بـ النسبه لك خلْهَا طموح وصوتي ممكن تسمعه عند اللزوم عفيه عـ الشاطر أبي عنِّي تروح وعن وجودي عوِّد عيونك تصوم: |
[ 29 ] ..
: من رُبع قرن وعليها ,, كم عام نفس هذا اليوم .. من هذا الشهر أطفي شمعه بـ آخر أيَّام الصيام ويكتمل في عيد ميلادي " القمر " [ 11 / 10 ] ,, وما فيها كلام لازم أكتب ,, هذي الليله شعر إنولدت بنفس هـ الساعه تمام يعني من صغري أنا غاوي سهر يا عيوني تسمحي لي ما أنام ؟ القصايد ماتْحلا غير " الفجر " كيف ما أصبح مُمَيَّز في الأنام ؟ ويوم ميلادي قبل [ عيد الفطر ] : |
| الساعة الآن 11:38 PM. |
Powered by vBulletin Version 3.8.7
Copyright ©2000 - 2025, Jelsoft Enterprises Ltd
دعم وحماية
مرسانا لخدمات الويب
HêĽм √ 3.1 BY: ! ωαнαм ! © 2010