|
[ 21 ] ..
: دنياك .. يا [ قلبي ] تبي شوي تفكير تكشف لك الدنيا .. خلايق و أخلاق واحد يجي وتلقى مع " شوفته " خير وواحد يجيك الخير من بعد لـ فراق ما أبي ألاقي من عطاياك ,, تقصير اللي يحبك صير له ( سرب عشَّاق ) أدري صعب لكن مع الوقت بـ تصير أبيك ترضي بـ دنيتك , كل الأذواق إفرد جناحك ,, في سما دنيتي طير ما دام غيرك للـ [ معاليق ] ما لاق في واحد وعشرين هجري , أنا غير شقَّقت , من دفتر أحاسيسي أوراق : |
[ 22 ] ..
: لا تناقشني ,, ولا يطول [ الجدال ] يا غلط , متغلِّف بـ كلمة " صحيح " التفاهم .. بيني وبينك ,, مُحال لا مريِّحني .. ولا إنتَ , مستريح ! يا تعلِّمني المشي ,, وأصعَد جبال وإلا إسكِت ... لا تعلِّمني , أطيح ! إما تمسَح هـ الدَّمِع لو يوم سال وإلا إتركني .. على كيفي أصيح لا تجاوب عن سؤالي , في سؤال لا تذمني .. وما أبي منِّك ,, مديح ما فهم قلبك ..؟ أبضرب له مثال : .. الصراحه " إنت واحد مو صريح " : |
[ 23 ] ..
: هذا قلبي وهذا نبضي صاحي مثل أوَّل ضميري في غيابك وين حظي ؟ وأوِّلي " يشبهـ " أخيري بسألك وشلون أرضي ؟ هي تَعَب , عمري وخيري كيف أنا ويَّاي بعضي ؟ وبعضي الباقي لـ غيري ! العُمر ,, أيَّامه تمضي وفـ السما ما شفت طيري ! السنه ماأبيها تقضي وإنت [غايب] يا عشيري : |
24 ] ..
: مو ضروري .. أسْمَعْ أعذار الوداع قلبي في حُلو الحَكِي لا تِخدعه فِكرة غيابكْ تِجي بليَّا إجتماع وين ما طيشك يسافر تتبعه ! وإنت رايح خذْ أساليب الخداع وهم لا تنسى .. جميع الأقنعه جيتني ناوي .. رحيلك بإندفاع وإنصدَم قلبي , مِنْ اللي يسمعه سَدِّدْ جُروحِكْ وأنا مِنِّي الدفاع طِفِّي أفْراحِي .. وحِزني ولِّعَه مِنْ كلامك كِلْ شَيْ أغْلِيهْ ضاع وإنتَ في إيدكْ .. تِشِدْ الأمتعه! ليه نِتْلاقى..؟ وتِخليني بصراع يعني قِصْدِكْ قلبي جَاي تودعه..؟ رُوحْ .. مُو إلاَّ إنتِلاقى بالوداع خَلْ قلبي لِكْ .. ما أبي ترجعه : |
[ 25 ] ..
: حبيبي والزمن يرقص , على جرحي وإنت بعيد وجيت من الشتات أسأل بعد جرح الزمن وينك ؟ أنا ما جا على بالي غيابك ,, إنت بـ التحديد عنادك .. ليش ضيَّعني ..؟ وقف ما بيني وبينك لك الله , كل ما أضحك ألاحظ هـ الجروح تزيد حبيبي ضحكتي صعبه علي , وسهله بـ إيدينك أقول إن الأمل باكر ,, يجي بكره بجرح جديد ! ورغم كل السنين اللي مضت لي .. تكرم سنينك أنا ما جيت أبي منِّك , بعد جرحك .. تفك القيد أبيك تحس في ( قلبٍ ).. رفض ينساك ويدينك إذا يرضيك , تستقبل بدوني فرحتك بـ " العيد " شسوي بـ قلب متعوِّد يشوف العيد , في عينك ! إذا عادي الزمن يرقص على جرحي وإنت بعيد على هذا البرود اللي تعيشه [ الله يعينك ] : |
| الساعة الآن 05:19 AM. |
Powered by vBulletin Version 3.8.7
Copyright ©2000 - 2025, Jelsoft Enterprises Ltd
دعم وحماية
مرسانا لخدمات الويب
HêĽм √ 3.1 BY: ! ωαнαм ! © 2010