|
[ 8 ] ..
: اليوم ثامن يوم لا يطفي سراج في شي صاير لي ( معكِّرمزاجي ) قصة حياتي قصه تبحث عن إنتاج وإسمع نهاية - قصتي و إنزعاجي يا سيدي , جيتك وآسف عـ الإزعاج صحيح كنت أغلى البشر يا سراجي مثل الغريق اللي نجا وقابل أمواج تشبيه منِّي .. والمفارق .. نتاجي دام " الوقايه " قالوا خيرٌ من علاج ببعد .. رغم حبي وزود إحتياجي أدري مريض وقلبي لك حيل محتاج وتدري [ أموت ] وما ترجَّى علاجي |
متاااااابـع ـه
وبشغف |
اليوم هو يومي " التاسع "
ورغم المرض كنت أنا صايم الفرق .. يا سائلي شاسع والجو هذا المسا .. " غايم " [ تعبت ] من حظي الكاسع صاحي .. وفيني البخت نايم ! أصبر على جرحي اللاسع و ( الجرح ) عاشقني وهايم القلب , ما عاد لي ياسع وفي داخله .. الحزن عايم الكون ما ضاق بي واسع اللي يضيق ( الصدر ) دايم |
[ 10 ] ..
: " عشر" أيَّام مرَّتني سريعه ولا جاني خبر يروي إنتظاري شريت الحُب ومو قادر أبيعه غريبه كيف أنا ضايع قراري ! مثل طيرٍ .. نطر موسم ربيعه يبيه القلب وما كان إختياري وقلبي رغم هالدنيا الوسيعه يشوفه زهر والعالم صحاري أنا لو هـي عليَّه ما أطيعه ولا أحبه ولا أبي منْه طاري عشر أيَّام .. والفرقى فظيعه بدونه إختلط ليلي بـ نهاري ! : |
(11)
- طنِّش .. - تعش .. - تنتعش .. لا تنقهر ما على قلبك أمر ولا تنصدم إن لقيت أقرب أصحابك يحش ! سافِر " مصر " وتالي إرجع للـ كويت .. طنِّش , تعش , تنتعش لا تناقش من يذمِّك واللي حاصل - لا يهمِّك لو يهمِّك شفت قلبك من [ همومك ] ينفرش ! .. طنِّش , تعش , تنتعش وقبل كل هذا نسيت تدري لو تعطي جروحك " وجه " والله تبتلش ! الغضب باين على إيدك تكلِّمني وترتعش ! .. طنِّش , تعش , تنتعش شوف يا قلبي وتعلَّم دام هـ الدنيا تجارب هذا كل عمره مسالم وذاك كل لحظه يحارب ! ربِّي حسن الخاتمه .. كل هذا صار في يوم ( 11 ) .. طنِّش , تعش , تنتعش : |
| الساعة الآن 04:26 PM. |
Powered by vBulletin Version 3.8.7
Copyright ©2000 - 2025, Jelsoft Enterprises Ltd
دعم وحماية
مرسانا لخدمات الويب
HêĽм √ 3.1 BY: ! ωαнαм ! © 2010