|
وعليكم السلام ورحمة الله وبركاته
نفس هالمشاكل تحصل في أكثر القبائل لكن لو تبحثون وتدققون في من يبحث ؟ تحصلونه رجل أمي لا يفهم شيء فقط يبحث عن المشاكل وعلوم الشيخه وفلان يستحق وفلان ما يستحق (مو كل الأميين كذا فقط فئة نادرة والا بعضهم ممتازين ماشاء الله ويقدرون وعندهم علم بأمور الشيخه) ومثل ما قلتي مثلآ يتكلمون عن شخص مييت من سنين وقد يحصل أنهم يطلعونه من نسب القبيله والمشكله لو أحد سأله عندك أدله يهز رأسه والا يقول أيه سمعت زمان الشيخ فلان يقول كذا وأكثرهم مع أحترامي لهم كذابين , وترا حتى إحنا متضررين من هالكلام لدرجة سوو مشاكل وأختلفو شيوخ الشمل اللي يقول ننتسب له واللي يقول لا ما ننتسب له وحصل في بعض الفخوذ أنهم غيروا آسم الفخذ في الأحوال المدنيه وبعد كذا تم صلح بين الشيوخ ورجع الموضوع طبيعي ورجعوا مره ثانيه للأحوال المدنيه وعدلوه زي أول ,,, بالله مو تخلف يعني أنا فهمت منهم أنهم صراافين ويمشون على هواهم وينسبون اللي يبغونه واللي ما يبغونه أو بينهم مشاكل يطلعونه من النسب . والدليل شوفو الوزاره كل يوم مشاكل ختم الشيخ ما طلع , ليش ؟ قالو عليه معارضة وواحد قدم برقيه والا ما جاب ورقة صلح ... الخ وكثير نسمع هالقصص وهالمشاكل في قبائلنا بشكل عام ولكن تختلف المشاكل من قبيله لقبيله وكل الأمور والمشاكل على حسب فهم شيخ القبيله ووعيه إن كان مدرك لهذه الأمور ويضع لها حد تقل نسبة المشاكل لأنهم يعرفون أن وراهم شيخ ما يقبل بهذا الكلام وسفاسف الأمور وخاصة إذا كانت المشكله في شي قدييم جدآ جدآ أو مثل ما ذكرتي لشخص ميت . ختامآ أقول الله لا يجيب المشاكل ويجعل الخير والبركه في شيوخنا ويريهم الحق حقآ ويرزقهم آتباعه ويريهم الباطل باطل ويرزقم آجتنابه آسف جدآ على الإطاله لكن حبيت أشاركك في الموضوع |
، يمكن اللي مايعرفه الكل عني ان ابوي شيخ قبيله! لاكن كلنا كنا نتمنى انه ماياخذها بعد جدي الله يرحمه.. يومياً مشآكل..هذي ارض فلان وهذي حدودنا وهذولا قبيلة فلان متعديه علينا..الخ الخ يوومياً.. عآلم فاضيه..تعودت ع المشآكل..واذا مافي مشكله مايرتاح.. بالنسبه لموضوعك اختي نفس الكلآم.. نفس الكلآم..كل هالكلآم..عشان الفخر!! وأي فخر..اللي يبي يفخر والله مو قبيلته والا انه ابن فلان ولا علان.. يفتخر ..بدينه فقط... اقولك شي.. مره انا والوالد وواحد شاب يعني حوالي عمره 27.. هذا الولد مشتكي عشان ارض..وهو معروف انه سكير..تكلم على ابوي ويجيكم طرزان على غفله اللي هو انا..واجلد لاتجلد..عاد هذا وانا بالثانويه.. ويمسكني ابوي ويفررشني فررشه..بغى يفقع عيني.. يعني ليه العناء..؟! عشان "اسم"؟!! مشاكل وعلاقات تخرب..واقارب يتقاطعو عشان اسم..؟!! المشكله انه مهما سويت فهالمشاكل مالها حل.. مالك غير تدعي ان الله يهديهم ويلين عقولهم المتحجره.. ، |
اقتباس:
اهلا وسهلا اخي الفاضل / يـآســر << التمــس حقيقــه بردودك ونقاشك رجآحة عقلــك وخبرتك الحيآتيــه يعجبنــي فيك اخــي هو تأنيــك ،، في الخــوض في اي نقــآش اهنيــك على اسلوبــك الرائــع و ايفاء الاعضــاء حقهــم في الــردود ،، حضــورك تــوجنـــي شـــــرف ، :) |
اقتباس:
جـآسيكـــا شكراً من القلـــــــب |
اقتباس:
اهلا وسهلا بشــاعــرنــآ اســامـــه والله انك صآدق << يعيــن ربي الوزآره ودك يلغوووووووون الختــوم < يصير كلن شيخ نفسه وربي هالشيووخ يحسبون انفسهم مالكين هالكون متوسدين هالختوم وين رآسه ،، << اللهم لاشمآته ،، ربي لاتُأخذنا بمافعلهُ السفهآءُ منا اسامه اطلالــــــــه مانعدمــــــــــه :) |
| الساعة الآن 05:18 PM. |
Powered by vBulletin Version 3.8.7
Copyright ©2000 - 2025, Jelsoft Enterprises Ltd
دعم وحماية
مرسانا لخدمات الويب
HêĽм √ 3.1 BY: ! ωαнαм ! © 2010