|
. تلاحقنـي ذنوبـي فـي طريـق العمـر ولا آعـرف السنيـن اللـي بتبقالـي !! يدينـي غارقـة بأشيـاء غيـر الحبـر وأبأكتب .. عل يبقى لـي صـدر خالـي كأن الأرض تحتي من لضاها .. جمـر ! عجزت أوقف أشوف شصار فـي حالـي وأنا .. عبد ٍ ضعيف إحتاج يبكي .. كثـر هواجيـس الغيـاب لصاحـب ٍ غالـي ! ولا اجمل من حنين القلب .. غير الصبـر يعيشنـي " أمـل " لـو مـا تهيـالـي يحاصرني الشتاء .. وأرجي بصيص الفجر أبطرد وحدتـي .. وأبقـى مـع ظلالـي تذكرت الحنين .. وفاض صدري شعـر !! تفقـدت المكـان .. إلا أنــا لحـالـي بقى عندي " قلم " .. بيني وبينـه شبـر وأنا عم المسافـة وقـت يطـرى لـي ! تجر إيدي قصيدة .. ليـن بـاب السطـر وأنا أوراقـي قصـور ٍ صرحهـا عالـي وأهيجن .. بالزمـان الممتلـي بالطهـر وأسمّـع صوتـي المبحـوح .. عذالـي على .. من ودعتني .. وإتركت لي عطر ! أشمّـه لا طـرى موتـي علـى بالـي يخالفها " الهواء " وتطير خصلة شعـر .. تقـل يـد ٍ .. تودعنـي علـى فالـي ! خطاويها يقين إن ( الجفا لـه عـذر ) ! وهـي بنـت الوطـن ورمالهـا رمالـي وأراقبها .. تراعـي للسمـاء والبـدر .. وعلى قد الحزن .. كانت تحالـى لـي ! يبس غصن المـلام .. ولا تجـرّا ثغـر ! يتمتـم بالظـنـون وخيـبـة آمـالـي وراحـت .. لليـال المجهمـات السمـر ورى ظـروف ٍ كثيـرة مالهـا والـي .. مع إني بأفتقدهـا .. بـس تامـر أمـر لـو إنهـا طالبتنـي روحـي أشـوالـي وش الأرض اليباس .. إلا حـدود البحـر وش البحر الغزير .. إلا ( صدر غالـي )! وأنا ما ادري .. لو أهرب من ذنوب العمر أبهرب مـن طواريهـا علـى بالـي |
صمـــــتي كــــلام وتعبــت اهداب عيني
محروم عيــــني نومها دام ما جيت يامشغل فكـري تاهت بي سنيــــني انـزف جروحي دم وحزن وتناهيت |
, قمّ قهوني لاهِنتْ ..! . ماقد طلبتك شي.. بس أذكر إني قلت لك..// - يقتلني سكوتك - قمّ وأسقني [ ..صوتك.. ] خلني أحس ~ إني انا للحين بآقي ..// حيّ..! |
. مآبين صدري و آلمقابر .. علآقات .... بالإسم , والمعنىَ , و دفن الضحيّه ! الفرق بـ إن المقبرَه تدفن أموآت .... و أنا دفنت أشيآء بـالصدر حيّه ! |
، ما لقى النورس أهل.. الطلب ما هو سهلـ .. و انكسر فوق الصواريـ .. بين غزل الأشرعة.. من يمنعهـ .. ما ينتحر في هالزمان.. و من يحاول بس مره يقنعه.. أن الوجوه اللي يشوف.. فعلاً وجوه.. ما هي مجرد أقنعه.. بس من يقدر يقلهـ .. و يرشد النورس .. يدله.. عن مدن ما فيها ليلـ .. و خل .. ما فارق .. و عاشق .. ما نسى.. في يوم خـلــه... بس من يقدر يقلهـ .. لا تطير .. مظلوم هالنورس كثير.. يوم حي و عشره ميت .. بس .. ميت في جذور الحلم.. و الأرض اللي حبته.. و تربى بظلها.. وهو صغير.. قبل يتعلم يطير.. و مد روحه.. وسط بوحه.. وصار جيش من الأماني.. و أعلن لكل المواني.. أن في الدنيا أغاني.. ما تموت .. لو يطول أبها السكوتــ .. و أن ذا حال النوارس .. من خلقها الله.. دايم في اغترابــ.. و في المنافي.. تنولد مره.. و تــمـوتـــ .. ، |
ياقلب ياللي ورثك جروـوح وآلآم .... بليتني ماهو انا اللي بليتك
عقبال ياماخذ فؤادي مية عام ..
.. ضيعتني منك وانا ما اهتديتك لا ..ما نسيتك كيف بانساك ما دام .. .. ذكرى الفراق تهزني لو نسيتك حبك قدر وانا على دين الاسلام .. .. مكتوب في وجه الجبين ورضيتك لك في الضمير الود والحشمه اتوام .. .. ولي في ضميرك مثل ما انا بغيتك ولك منزل في نايف القلب وخيام .. .. وذود الغلا ترعاه ولا شكيتك يفطر عليك القلب وان فارقك صام .. .. والله لونك شوك سدره كليتك القلب طير لادعي للهوى حام .. .. والا انت وكره من كثر ماهويتك كن العيون من النظر عقبك ايتام .. .. وكني ماريت الا انت من يوم ريتك وكنك معي وانا فقدتك من اعوام .. .. مع الخيال القاك كني لقيتك من صعب وصلك ما تهنيتك احلام .. .. وان جابتك فزيت شوق ومحيتك يعني وصالك صعب واهدافي اوهام .. .. يعني زرعتك للقدر ماجنيتك صبرك يقولون العرب كل الايام .. .. يوم عليك ويوم لاجاك جيتك وياقلب ياللي ورثك اجروح وآلام .. .. بليتني ماهو بانا اللي بليتك ولعتني من عادني في الهوى خام .. .. واسرفت بي وانا خطامك عطيتك طعتك وزبدة طاعتك هم وهيام .. .. مالله كتب لي واستخرت وعصيتك لوللقلوب اسواق بايع وسوام .. .. لابدلك وان جيتني ماشريتك والا انت ياللي جيش عينيك مقدام .. .. لا اقنعت منك والرجا مارجيتك كني سجين بين..افراج ..واعدام .. .. وكنك سجن وانا بنفسي بنيتك تنبيك عن حالي محاصيل الالهام .. .. وتخبرك نظراتي نهار التقيتك عقب الوصال اللي على عين من لام .. .. قدهو يكفيني عن الوصل صيتك وقدني الى مريت بالشارع العام .. .. لديت من ما في الضمير ودعيتك ادري ان صوتي ماقطع عشرة اقدام .. .. وادري بي اعود الى من نصيتك ياشينها يامحنيٍ راس الابهام .. .. ماقدر على شوفك وانا عند بيتك الاعمار ما تضمن وانا اخاف الاحكام .. .. ارثيك خاف اودعك ما رثيتك |
مبطي مضيع جهاتي وهالزمن ماهو زماني ..طيبتي أكبر عيوبي وحاّلتي اكبر دليل أيقنت إني غير وإن البشر غير.. وأيقنت إن الزمن مو زمآني.. كل مآ آدآوي طير يتركني ويطير.. آتعب وطيري رآيح لـ شخص ثآني.. عآشق ومآلي سوآ هـ المشآوير.. آقضي مسآفآتي قصيد وأغآني.. آروي ظمآ هالبير ودلوي على البير.. ظآمي حنآن ومآ بخلت بحنآني.. يآسآعتي تِكِّي ترىآ تَكِّتِكْـ غير.. عن تكة همومي وضيق المحآني.. يمكن يجي وقتٍ به أقدر آطير.. وآبعد عن التجريح وآنسى مكآني.. للشاعر نايف الصنيدح .. |
. من علم الناي صوتي لين بكاني من وصل البرد جوفي وأختفى فيني !! من حرض الريح تكسر علبة الواني حتى غدى اللون واحد في شرائيني القاسي المترف اللي جيت لأوطاني وأستوطنتك الديار ورحـــت تنفيني !! البارحه بس كنـــــي واحدٍ ثاني حاولت أرتب غلاك وطحــــت من عيني / |
، ماقدر صمت المكان يحتملنا وماله معنى السـكوت وكان هذا بحد ذاته صوت عالي .. يرفض الكلمه تموت ياكلامي لاتموت مثل زهرة .. ويل زهرة ويل زهرة معلّقة في غصن توت آنا .. وانت ولحظة الصمت الرهيبه وخوف عالق بالعيون ورعشة تسكنّا غريبه مادرينا من تكون وليه جتنا وفرقتنا وقبل مانفكر نقول ليه جتنا ؟! الحين يعني ودها الحاله تطول ؟ كل واحد فينا ودّه مايضيع أيْ لحظه إجمعته بشخص حبه أو يوده لكن الخوف اللي علمنا السكوت مارحمنا ... هو ظلمنا واحنا مثله ماتعودنا نردّه لو نموت هذا هو سر الهدوء اللي ذبح فينا الكلام مايلام اللي يخاف من الكلام ياكلامي لاتموت مثل زهرة .. ويل زهرة ويل زهرة معلّقة في غصن توت ، |
نبني من الحلم (حلم) ونرجع نهدّه
ونصبح على احلامنا ونقول : ياهادي مليّنا الاحلام , والواقع وصل حده غادين , والصدق مثل اصواتنا غادي يارب رحمتك وش صاير بهالمده!! وشلون صرنا نشوف ان الغرق عادي ماجفّت دموعنا في موت اهل جده? واليوم " حزن الرياض " فـ وجهها بادي? صرنا نخاف المطر .. ونعد له عده نخشى من الخير كنّا نسكن بـ وادي في كل شارع غرق وبيوت منهده واجساد مابين حي وميّت .. تنادي من اللي نوقف معه واللي نقف ضده! ضعنا ماندري من نحب , ومن نعادي غشى الرياض امس مثل اللي غشى جده يارب .. مدري وش اللي يصير فـ بلادي !! |
. أتذكرك ! تمطر سماء الصبح أحباب وأفتح شبابيكي كذا ! يمكن ألمحك وين أنت يا غايب ترى يكفي غياب البارحه قرّبت أنسى ملامحك ..! |
ويش اسوي لاطريق ولاخوي
لا قرار ولا خيار ولا مصير .. الليالي تلوي ذراعي لوي والرفيق السيف يغريه الجفير .. والضياع بسكتي يدوي دوي اتصفق لا سراب ولا غدير .. أطوي الظلما وعيت تنطوي واشتهيت الشوف بعيون الضرير .. مثل طير طاح بيدين بدوي يلعن الطيحه ولا يقوى المطير .. كل يوم آقول باكر تستوي وخاب ظني بالمكان وبالنصير .. كنت انا الصدر الحنون المحتوي وكنت انا ل..احساسهم سلك الحرير .. وصرت انا هاك النحيل المنطوي تلهث انفاسي ورا حلم كبير .. ضاعت الحيلات حيل الله قوي لاني الأول ولا اظن الأخير .. قلت با صرخ وآخر علاجي كوي وصلت الحلقوم والخاطر كسير .. من شرب من كف غيره ما روي لعنبو كف على المده قصير .. لاتعاتب ويش اسوي يا خوي لاقرار ولا خيار ولا مصير .. للـ عذب / مســآعد الرشيدي .. |
^ ^ ^
يسلملي ذووقُك يارفيقُ البارحه ياصاح سهران ماأمسيت والقلب يا لمجمول ضيع دليله الحال كمل واخر الشوط مليت ومعاد في يدي ورى اليوم حيله عزيز يادمع على الخد هليت عيا يوقف يامحمد هميله رفعت صوتي من منامي وونيت قلت أه واويلاه روحي عليله تركتني لانيب حي ولاميت حسبت من شانك سنين طويله ماجت لي الدنيا على ما تمنيت واللي براه الهم ياعزتي له ياما تحملت المشاكل وقاسيت ياما تحريت الوعود الجميله قمت اكتب الآشعار بيت على بيت وأنوح واسهر ليلة فوق ليله شعر علي القحطاني / غناء الراحل عيسى بن علي الاحسائي |
للـداهيه/ منصوور الرمالي -الله يرحمه-
^^
الله الله يسلم راسك .. ياخوي والله كل ابوهم (حقاره )=تجي ســوالفهم اليامنــي اقفيت كل همهم حالي يكب اعتباره=وينبت بجرحي ملح كل ماتعافيت باتت امانيهم عطاشى خساره=وانا شربت الفوز الاول وشفيت طبعي وطبعي مايعرف الجساره=ماهي شطاره بس انا شفت واخفيت عمري قضى وقته يطارد مساره=وجمري غضى ناره طفت بي وطفيت شديت لك حبل مضى ساق ثاره=وعناد طفل قال : لاماتصافيت من يوم كنا صغار ذقنا المراره=والحين شوف كبرنا دام ضفيت ارقى تعب واجمع بقايا انتثاره=واسقي مشاوير العنا كاني اهفيت حاولت ابكي ليل يضحك سماره=واشفي قليله بأكثري ثار واشفيت حلم بسما عيني يفك انتصاره=ورفعت كفي للاماني ورفيت من طيش قلبي سكرته وانتحاره=والعمر خليته وفا .. لاتوفيت اخوك شامخ مايعيش انكساره=اشبهك وافخربك ولافيك كفيت وفيت لك مثل الضيا في نهاره=وكفيت ماكفيت .. وانا ميت اوفيت |
يا قصيدي عجزت آجيب عنوان
................. يشبه لـ صمتي و شِعْري و روحي ! معْك أنا غربتي مليانه أوطان ! ................. كلّبوها وَرق حزني و بوحي الوَرق بيت فيه الشِعْر جدران .................. مالها سقف أعلق فيه نوحي ! لو قصايد تعبنا تقبل ألوان ! .................. كان من مبطي مفارق جروحي ! ما لهذا الحزن صاحب و خلان .................. وما لصوت التعب إذن ٍ و توحي ! |
المجنوون مســآعـد الرشيدي . .
من سطوة الجرح ما رديت لك أجابه يوم كبر في عيوني لذت بإسكاتي.. خرسا المشاعر من الحسرة ومرتابة ما تنسمع صرخة يبست على شفاهي.. وش عاد أبا قول كل الدرب متشابه..؟ في عتمة الدرب ما ميزت خطواتي ..! الوقت وجهه بوجهي كشر أنيابه تعكس تعابير وجه الوقت مأساتي .. كذابة احلامنا يا بنت كذابة نعم..وهم كل هقواتك وهقواتي .. الجرح عاري ما عاد تستر ثيابه ايه افترضنا وضاعت كل حيلاتي ..! حاولت اقاوم بوجه الريح و اجابه وكثرت على دربي المجنون كبواتي .. حظي خذلني وانا كنت اتعزوا به واصبح مثار الجدل سر انكساراتي .. احد عذرني واحد ملحقني عتابه وانتي سالتي وانا اغرق في معاناتي..! جدالنا صعب ..صعب الي انفتح بابه ماهو مجرد كلام ولجة اصواتي..! لاتسالي عن ظروف الجرح واسبابه ماعاد به شي مغري باعترافاتي ..! التزمي الصمت مثلي ماهي طلابه تعبت اصرح واسولف لك بنظراتي ..!! يوم انتي آآخر طريق العمر ما اهابه واليوم ما تفيد روحاتي وجياتي..!! وقفت..لا حل ..لا كلمة ..ولا اجابه قلت الحق اللي بقى والوذ بسكاتي..! .. |
ياقلب وش فيُك علآمُك تبنجتُ .. وش اللي يصيبُك لآضحك سنهُا
علمنيُ ترا محتار في ماتكهنتُ .. تجمُل ياغفلهُ المسكيُن واسرارك دنُها أدريُ خلوقه وبإسلوبها تفتنتُ .. ميُر خابركُ عند بنات البيُن ماتخنهُا وش اللي غيُر اوضاعكُ علامُك تغيُرتُ .. أشوفك لازبنتُ.. سيوف الشوق تحنهُا ! مافيهُا شيُ ليآمن تكلمتُ .. حاجات في صدرك ليه ماتعنهآ |
"عابـر شمالـي " ../ شـح بـي وقـت عـابـر
واشـح بدموعـي عــن الـنـاس " يامـيـر" .. اهـمـس وصـوتــي تشتـهـيـه [ المـنـابـر ] ويـضـج صــدري " طعنتـيـن ومسامـيـر" الحـب لابـو.. الـحـب ../ مقـطـوع دابــر ماهـي قضـيـة ( خنجـريـن ومخاسـيـر)..!! شـيء [ انكسـر] مـالـه مــع الـوقـت جـابـر وخـل الـجـروح الـلـي [ بـصـدري ] مسايـيـر ماقلتـلـك [ هـالـحـزن ] فـيـنـي مـثـابـر..؟ وصدري ../ ( قفص حزني ) و (قلبي به الطير)..! |
طارت حمامهـ والغصن حركه ريش
كيف الغصن يقواهـ ريش الحمامهـ وبان الغمام ولاروالهـ معاطيش الروح عطشى ماروتها الغمامهـ واللي من اول يرتجي لقمة العيش عض اليدين اللي تمدّهـ طعامهـ!! عذر الخطايا باول العمر لك طيش في آخرهـ وش عذرها للملامهـ ؟ للجرح حزن ٍ مايسلّيهـ "معليش" وللصمت بوح و للمحبهـ كرامهـ بعد الحدث ماينفعك قولتك ليش ولاتضحك الجاني دموع الندامهـ اللي بدا بالغدر يخطي على أيش وش مقصدهـ في غلطتهـ وش مرامهـ ؟ ماجيت افتّش عن خطا الخلق تفتيش يالمخطي اللي طاح عندي مقامهـ مانرتجي بالصيف نوّ المراهيش الصيف مابهـ غير عجّ وقتامهـ بس انت شفت الغصن لاحركهـ ريش؟ هذاك انا ، والريش ريش الحمامهـ ! |
خـويـة درب عـمــري مـاخـذانـي دونـهــا النـسـيـان
وأنـا يـا اهـل الملامـه مـا رغبـت العيـش وحـدانـي ابـي لـي مهـره ماعسـفـت صغـيـره وبـنـت حـصـان أبـيـهـا فـــي بـحــر عـشـريــن لا زود ولا نـقـصــان أبيهـا اقصـر طويلـة والوصـوف اشـكـال والـوانـي أبي الجبهه كما الصبح وكما القوس اسود الحجان وابـيـهـا نـاعـسـات ونرجـسـيـه ســــود الاعـيـانــي ابـي رمــش كـمـا ريــش يغـطـي الثـلـج فـالاوجــان وابــي جـفـن يشـيـل الـرمــش طـربــان وكـسـلانـي ابــي خـــد كـمــا ورد تـنّـمـى فـــي طـــرف بـسـتـان وابـي خـشـم صغـيـر ومـثـل حــد السـيـف شامـانـي ابـي البسمـه كمـا البـرق وثناياهـا كـمـا المـرجـان شـفـاهــا جـمـرتـيـن وفـمــهــا خــاتـــم سـلـيـمـانـي ابــي شـعـر مـثـل ذيــل الـفـرس لا طـبّـت الـمـيـدان او الـشــلال لامـــن بـــات لـيـلــه بــيــن الامـتـانــي ابــي جـيـد ســـوات ابـريــق فـضــه نـاتــق مـلـيـان وصــــدر كــنــه مــرايــه عـلـيـهـا طــلــع رمــانــي ابـي ظهـر كمـا الـجـدول وقــدّ مـثـل غـصـن الـبـان وخـصـر مـثـل مـجـدول الاعــلان وجـسـم رويـانــي ابـيـهــا نـابـيــة ردف وبــطـــن ظــامـــر جــوعـــان ابـيـهـا مـدمــج ســـاق وقـدمـهـا لــســان ثـعـبـانـي ابي المشيه كما اللـي طالـع مـن المعركـه كسبـان وابيـهـا تــرش مـــع خطـواتـهـا مـســك وريـحـانـي ابـي صــوت الــى مـنـي سمعـتـه كــن فـيـه الـحـان يـدغـدغ مسمـعـي ويثـيـر كــل السـحـر فـاشـجـانـي ابيهـا حـب واخـلاص وهواجيـس وفــرح واحــزان ابيـهـا مـثـل مــا دكـتـور اهـالـي العـشـق وصـانــي ابـيـهـا لــوحــة مــــا صـورتـهــا ريــشــة الـفـنــان ابـيـهـا جـوهــره مـــا جـابـهــا قــاصــي ولا دانــــي ابيـهـا تنتـصـر لــي مـــن زمـــان حـطـنـي نـيـشـان وتبـشـر بـالـغـلا الـلــي مـالـفـى بـــه واحـــد ثـانــي مـهـرهـا قـلــب وشـعــر يـهــز الـقـلـب والـوجــدان وألبـسـهـا القـصـيـد وتـصـبـح اوزانــــي وقـيـفـانـي ابي اللي فات واللي فات صعب ومن لقـى العنـوان يــرد الـعـلـم ولا افـضــل ابـقــى اعـيــش وحـدانــي |
، لا تقوليلي / علامك؟ ، لاتعبْدين الفضول !! وأنتي أدرى في [علامك] جرحي اللي تعرفين ! صَحْ .. مافيني [ مَعالم] – كِل مافيني ذبول ! .... والحكي لو هو تبعثر في شفاتي قال [ حيـــن ] !! العيون اللي تراعي مبسمي جَنّة [ ذهول] ! و [الذهول ] اللي حكانّي ، طَار مع ريح [ السنين] ... والمكَان ، وشي كَان وذكريات وألف زول ... شيْ ضحك – وشيْ دَمع وشيْ شعر وشي ْ [ طين ] ... تحبس الأنفاس لحظه تحتوي كلمة[ أقول] ! وتهمس بأذني مراسم [ كان] وأنتي ... تذكريــن !! وأضحك أتأمل عيونك ، يمكن أتلمّس حلول !! وألتقي بألفين [ قصــه ] ...- هَمس وشفاهـ وحنين !! أعزفك ! .. حلم ٍ تمادى في عروقي والهطول ... واسمعّك لمّا تغنـي ، [ ليــه فيني تعزفين ] ؟! كِل مافيني تمرّد عَن خيالات ، ومثول وكل شـــي ٍ بي تمرّد ، هَـــبْ فِي وجه الأنين !... علميني [ يارسايل ] ، عن تفاهات العقول ... واشرحي لي [ يا رسايـــل ] ، كَم بقيتي ، تحملين ! أنجبي طفل [ الحروف] وبعثريهم في ميول ! واجمعيهم [ طيــف عابر]... بآخر اللـــيل الثمين ... لا ترنم حضن عاشق وأبتدى قرع الطبول ! ثنّي [ الخــصر ] الموّشح بامـــتيازات الونين ! إسكبي [ ماكان وافي ] واسرجي [ صابه خمول] ! إنطقي [ كم كان خــاشع] واحتويني [ لحـظتين] ! مِن يدين الوقت فيني جرح ما حوله / نزول ! ومن جبين الهَم ، عَندي قلب وعيون ! وجبين .. ومن قصيد ٍ كان ورث ٍ للمتاهـه ! – والسيول ! [ ندبةٍ ] في وجَه عمري- داخل السر الــدفيــن !! شاين ٍ وجهي وجــسمي ناحل وكلي ذبول !! مِن بعد هذا [ علامك ] ! جَرحي اللي تسألــين .. ، |
كنت أسقي بذور الأماني بـ( ياليت ) مير البذور شْتآت .. والـ( ليت ) . جفّت ! هبّت ( عواصف واقعي ) وإستجنّيت وشالت بذوري في كنفها .. وهفّت واللي بقى خلف العواصف / تناهيت ! ودمعه تخون العين .. والعين عفّت ! دمعه أبسجنها عن الناس وأزريت فكّ القيود رموشها يوم رفّت تجتاحني / وأنا أحسب إني تشافيت وأثر الجروح بضعف حالي تشفّت كن الجروح أشباح تسكن جسد ميت فيه السرور أرواح .. لكن توفّت وأعظم جروح القلب من يوم ( جافيت ) اللي وفت بالحب والروح وفّت جتني تقول [ القلب بارد ] وشبّيت : عوج الضلوع إحساس حبّ وتدفّت ! ناسيه ، لكن ( شفت بيته ) وهلّيت : دمعي ، وذكراها على الرمش صفّت ما كان طاح الدمع من شوفت البيت ][ لو بس طارة موتري عنه لفّت ][ !! أذكر عذاب آخر لقى يوم صدّيت ضمّيتها ضمّت موادع / وقفت في وقتها مدري صحيح إستخفّيت ؟ وإلا عقول العاذلين ، إستخفّت ؟! أمشي ، ولكن كلّ مارحت ، ما جيت خايف وفي كلّ الجهات أتلفت يا صاحبي مشكور يوم أنت وفّيت ،، يومي شكيت وقلت دنياي كفّت عزّ الله إنك في خيالي تساميت ولك صورت.ن. في محجر العين ، غفّت كنّي هبوب ولجل فرقاك هبّيت منها مزاج غصون الأشجار .. زفّت ! وأوراقك اللي صفّرت من ( تماديت ) طاحت ، ومرّتها هبوبي وحفّت ! أبشرك من بعد صدّك تعافيت وحمولي اللي كانت ثقال .. خفّت وأبشرك ناسيك لولاي لفّيت وذكراك لولا ( شوف بيتك ) ، توفّت ! والموتر اللي جابني صوب هـ البيت . الله يجازي طارته / ليه لفّت ؟! |
علمونا في المدارس كيف نقرا ذا الحروف علمونا كيف نرسم كيف ننقش بالنحاس علمونا كيف نكتب كيف نبدع بالوصوف كيف نبحر بالمعاني كيف نأخذها التباس علمونا كيف نصبر كيف نقوى هالظروف كيف نبني هالمواقف إستجابه للحواس والحقائق علمونا كلها سمع وشوف علمونا وعلمونا كل شي بالمقاس وإن حفظنا كافئونا وإن نسينا بالكفوف كل موقف له طريقه والجزاء هو الأساس فوق هذاسلمونا ولامنعوا عشق يلوف ولاعطونا درس قاسي يمنع القلب النعاس يمنع القلب التماادي ثم ياخذنا حتوف بين موت وبين شوق وبين لذة سم كاس اتركونا للمشاعر نحترق لوعة وخوف نحترق بطول مسافة كلها شوك يداس واتركونا في الصحاري ثوب مشقوق الكتوف يحتوينا قيظ حب في عذابه مات ناس ليتهم ماعلمونا بس عطونا بالوقوف درس ماشي به نماشي قسوة الحب ويباس ليتهم بس علمونا كيف نطفي نار جوف كيف نمنع ذا الخفوق ونتركه بأرض مساس مايجيبه الود لحظة ولانغني بالحسوف ولانقول شلون عشنا والعمر ماله قياس هي أماني والأماني حلمها فينا يطوف إن خذتنا بالحقيقه ماخذتنا بأختلاس وليتهم وسط المدارس ماعطونا ذا الحروف ولاعطونا كيف نرسم كيف ننقش بالنحاس << مما راق لي |
.. انتي .. لو انك دموع ٍ في عيون اليتيـم يشّـح فيـهـا لــو يـشـوف الغـبـن والقـهـر وشلـون بالله فـي عيـون العزيـز الحشيـم اللـي لـو يـمـوت ســرّه للـعـرب ماظـهـر ياغايبه من غيابك .. ضاق صدر الحليم ضيـقـه وونّــه وتنهيـتـه ووجــد وسـهـر غبتـي ولاعـاد لـه غـيـر الرسـايـل نـديـم باقي اسبوعين ويكمل ( 12 شهر ) .. ! موادعك نار .. وضلوعه يبـاس وهشيـم نار ٍ لو تشب في صلب الحديد انصهر ياغايبـه .. كــل ماهـبـت هـبـوب النسـيـم عرّض خيالـه هبـوب الذكريـات وشهـر كتب بك الشعر واغراء به قلوب الحريم اما غرف من بحر والا قطف مـن زهـر وينـك وويـن السعـاده .. والزمـان القديـم الحزن .. شوفيه في حـال الغريـب ادّهـر ينسى ويذكر وطعنات القدر في الصميـم ويرفـع يدينـه لـرب البيـت ســر وجـهـر يشتـاق ويحّـن ل.. ايـام الوصـال ويهـيـم ويـدفـع حيـاتـه لتحقـيـق الامـانــي مـهــر فـي عيونـه الحلـم واقـع والحقيـقـه سـديـم تـغـيّـرت عـنــده الايـــام بـطــن وظـهــر لــو ان للـقـرب حــق وللـمـفـارق غـريــم ماكـان صـارت مرابـع مـن يحبـك دهـر |
.
يا صاحبي .. ياللي لـك القلـب مدهـال فـي داخلـي ضـيـم وهـمـومٍ طليـقـه لا تنشد الخاطر !! ولا تنشـد الحـال !! مـــا ودي أنـهــا تنـكـشـف للخـلـيـقـة لـو كـل مــا فالـبـال للـنـاس ينـقـال !؟ ما شفتنـي صديـت مـن كـل ضيقـه !! طاريـك .. نـادا الشـوق بقفـاي وقبـال وتـراجـد بـوســط الـضـلـوع الدقـيـقـه ليته كثر ما حطّ فـي خافقـي شـال !! على الأقل ما شلت شيٍ ما أطيقه !! صابـر ولـو قلبـي رعــى فـيـه غـربـال ما كني أسمع في ضلوعـي شهيقـه إن رحت في دربك وليل الجفا طـال !! القلـب وافــي ... والمشـاعـر رقيـقـه وإن جيت ودم فرقاك من بيننا سال !! الـشـوق وافــر ... والعـلاقـة عـريـقـة فالقلـب لـك حشـمـه وقــدرٍ ومـنـزال ميـر بغرامـك جـفّ .. مـا بــلّ ريـقـه !! شف أنت مبعد .. ميـر عنـدي وتختـال وأقـرب كثيـر مـن الشقيـق ألشقيقـه من غبت ضاقت بي من الجـال للجـال وطـاح الجمـل والحـمـل عـيّـا يطيـقـه وش عاد لو شفت أزرق الدمـع همّـال دامه سفير الحزن وأسهـل طريقـه !! مــا نــزّل الدمـعـة عـلـى خــد رجــال غيـر الـجـروح المبطـيـه والعميـقـة !! |
\
. اعترف لك..! ليلة البارح ذكرتك جادت الذكرى .. وشفتك بين جرحي وبين صمتك أعترف لك..! كنت أبغفى وسط صدرك وأرمي همومي وأضمك أعترف لك..! ليلة البارح فـ صدري أمنيات وحلم سافر..! نبض شاعر.. كل ما رواد شفاهك صاحت جروحه وردد : جادت الذكرى وشفتك بين جرحي وبين صمتك..! اعترف لك .. اعترف لك.. |
.. واعترفـ لك .. اني فـ عـلآً .. مــآ عرفـ تك .. .. |
. وش عاد | لو تكذب علي .. ؟ إكذب علي * .. ما عاد ، فرحني غزل ! .. ما عاد ، عذبني امل ! ياحب ! - ناداك الرحيل .. رد الندا .. : ( إخترت عن عيني بديل | وكان المدى .. ! أعطيك .. ؟ وش عندي قليل .. * صرخة .. وصدى ! اللي بيدي إني اذوب .. واشتاق لك .. طيف وصور ! ولو هو بيدي .. ! - امحي الدروب .. ! - والغي المواني والسفر .. ! وآه من السنين .. ! يا حبيبي .. من اللي ما ينسى مين .. واللي يعيش ينسى * |
أداريُ الحالُ وأكبُح دافعُ رغبتي فيهُا .. بنتٍ رزينُه عقلُ وروحيُ بغتهُا
|
. مد لي كف العتـب... ودي أبـوح ودي اشرح لك تفاصيـل الغيـاب ادري في قلبك من غيابي جـروح وادري إنّك شايل بصدرك عتـاب ليه نسكت... والعتب فينـا ينـوح ليه نصبر... والرضا يطرد سراب في عيونك واضحه كل الوضـوح أسئله واجد... وبعيونـي جـواب فضفض... ولك تستمع مليون روح هات صفحاتك... وخذ مني كتـاب للحكـي لهفـه وللهفـه طـمـوح وكم طموحٍ من لهيب الصمت ذاب ياحبيب الروح عن هـاك النـزوح فيني علومٍ كمـا وبـل السحـاب عقبها سامحني... وابشر بالسموح هقوتـي ما بينـي وبينـك حسـاب أحمد الزهراني |
طشوا الدنيا على كتفي وراحوا
....اتركوا لي كل هالحمل وجفوني الله يسامحهم اشلون استباحوا ....دمع عيني , وارحلوا ما ودعوني كانوا الأكثر تعب بس استراحوا ....كانوا الأضيق مدى لين اسجنوني اضحكوا ما كنهم في يوم ناحوا ....اعقلـــوا ما كنهم ربــوا جنوني كثر ما طالعتهم بالوجه شاحوا ....قد ما اتشبث بذكراهم نســوني كل ماهبت رياح الشوق فاحوا ...وين مايممت وجهــي حاصروني وان برق نسيانهم بالعين لاحوا ....غير عن شوقي بصورتهم ملوني ليتهم يوم ان دمعي طاح..طاحوا ....بس لو قلبي رضى عيَـت عيوني غافلوا قلبي مسا الفرقى وراحوا ....كـل شي اخذوه لكن ما خذوني ..!! ع ـبدالله مدعج |
لاضاق صدرك والليالي تحدتك ... اصبر عليها والصبر زين لو طال لاتنحني للوقت وتروح هيبتك ... وتموت بالحسرة ولو كنت رجال واحذر تدور عند الأنذال حاجتك ... لا تقضي الحاجة ولا تستر الحال واحذر تبين لأقرب الناس شدتك ... لوتزعله لحظه حكت فيك لأجيال وان صرت ضيف الناس لاتطول مدتك ... غالي تجي وتروح ياطيب الفال وإذا كان همك بالزمن بس لقمتك ... الفول بريالين والخبز بريال .. سعد بن جدلآن |
لاتخليني على الدنيا وحيد
لاتشوفك عين ولااذن تسمعك هي حدى الثتين ماعنها تحيد ياتقوم تطير ياخذني معك |
الناس .. صارت في عيوني مناظر
تمرني .. ناس على كل الأشكال تمرني .. مثل الطيوف وتـسافر تعبت راحـه واتعبو .. حيل ترحال كم واحـــد.. ميت ضمير ويكابر يقول حي.. وجامد مثل تمثال وكم واحد .. يحيا يومه يغامر يشيل عمره فوق كتفه ..ويختال وكم واحد صارت عيونه ..مقابر وأحزان عمره.. ماله به آمال وكم واحد لوشفت وجه ..تناظر وجه الحقيقه زيفت.. حد الاقوال!! لوشفت.. وجهي بين كل المناظر مرتني الدنيا على ..كل الأشكال!! .. |
البارحة كل رمش سل شلفاه وانا على نيتي ساهي وشارد مسرح وجمهور متبلد وملهاه يوم انت تطعن حشاي بدم بارد ياسيدي من يقول الموت مأساه والموت بغضايتك خيل تطارد ماعندك الا حلالك وحلا لاه لي اركيت قلبي على سود المبارد الرمش طاغي وانا ماني بوياه صدرت ضامي غلاك وجيت وارد شبيك لبيك قلب العبد لله بين اصبعينك غدا خادم ومارد اطلب تدلل فداك اللي تمناه لو تطلب الشمس وسهيل وعطارد << مما رآق لي ~ |
ابقتل الحلم القديم اللي احتضر هم ٍ وخوف..
وادفـــن أنا كل الحنين اللي بقا .. في دفتري ماعاد تغريني الهدايا والرسايل والظروف.. ولاني على خبرك احب الورد وليل ٍ شاعري !! تبدل الحلم القديم تبدل القلب العطوف.. وصرت مثل الذكريات اللي تمر فـ ..ناظري ذنبك ! نسيت ان الحكي لابد تمحيه الظروف.. وألا أنت خابرك مثل ما فـ ..خاطرك في خاطري ماخنتني ! ما عفتني ! مابعت حبك والحلوف.. بس لي متى اشتاق لك و يضيع عمري آحتري !! |
أبد والـلَّـه على خبرك ... أغض الطرف ، و أنتظرك .. أبعثر شَعري المجنون ... ألملم حلمي المدفون .! أداري ظهري المطعون و أنتظرك .. و أتساءل : وش اللي باقي بـ إحساسي ؟ بـ زمن ناسيني و قاسي ! وش اللي باقي بـ أشواقي لـ جفا يخنق لي أنفاسي ..! تدوزنِّي إنكساراتي .. مثل عودٍ عيونك كل أوتاره ! وإسمك أجمل ألحانه ! رحلت وذبلتْ الريشة !! وأنا بعدك .. سفينة هَمْ ، من الضيقات .. تتكسَّر ! تجيني كيف ....؟! وبيني وبينها دروبك ! مسااافات ..! وعذاب وزيف ! أبد والله ... على حطَّت يديك .. الجرح ، وآلامي ... على خبرك أموت وأحيا بـ أوهامي و أنتظرك ..! وصوتي دايمٍ يسأل : [ وينها عيونك حبيبي سافرت مثلك حبيبي ؟! ] عجزت ألقى لصوتي حل.. أنادي به ولا رديت !! ولا فكَّر بيوم يـمل .. أنا دايم .. على خبرك .. أموت أموت ، و أحتضرك .. ,,, ممآ رآق لي ~ |
. على ذكر المواجع والسفر والحل والترحال !! طويت آخر ورق عندي في دفتر أحزاني ... طويته .. وانكسر قلبي وصوتي بالمواجع ســال ودريت إن الظلام اللي تحت كف السهر جاني !! جلست أجمع مسافاتي وأغني للسفر موال على صفحة من الماضي بها حلمي وعنواني .. بها كم سافرت عيني ليالي والظلام أهوال وبها كم سافرت روحي وأنا بالليل وحداني ![حبيبي كل ما أشوفك تجي بالذاكره تختال نهر من فايض الذكرى يجي من داخل أشجاني]! !! تخيل !! تخيل يوم عانقني خيالك .. خاطري وش قال !! تخيل قبل أسولفلك نشدني عنك وجداني!. نشدني لين خلاني ![مدينه هزها زلزال ]! تخيل !! ماهدى حتى لقاك بوسط شرياني أروح لسدرة الموعد معاي لموعدك مرسال وأخاف إنك تجي قبلي وترحل قبل تلقاني .. هنا !! هنا كانت ليالينا ![غـــــلا]! والمقبلات![آمـــــال ]! وهنا كانت مواعيدك مطر تخضر به أغصاني !! هنا شف .. باقي آثارك على رمل الوعد مازال !. وهنا شف دمعه طاحت من عيونك على شاني حبيبي !!حبيبي لا تنشدني عن أوضاعي وكيف الحال !!! أنا بعدك سحاب أبيض ![أضم الريح بأحضاني]! تسافر بي الذكرى وأحسب إني وصلت آخــر وطن بالبال !! واثرني ماوصلت إلا بدايـــة درب حرماني وتبقى سيرة الذكرى قصيده تكتب الترحال سوالف للعيون اللي صداها "دمعةأحزاني" |
. ظَهر من بين حزّآت الودآع وسآعة الفرقآ أنينٍ يشبهـ لصوت " الأنين " بدآخل أعمآقي تصدّق من سمعتهـ رحت أحسّ طعوني الزرقآ وأنآ متأكد إنهـ بآقي { لعمر الشقآ } بآقي كثير أشبآه لكنّي أحسهـ بالوله يرقآ كأنهـ يعلم الله يستثير الحبر بأورآقي ألآ يآ [ سآقي أحزآني ] إليآ غنّت لي الورقآ دخيلك صبّ لي ممآ عطآك الله يآساقي وإذآ صآفحت حزنِي وانتبهت لكفّي العرقآ ترآ توّ الزمن فكّكّ حبآلهـ واطلق وثآقي فلآ تستغرب إن شفت المحآجر بالبكآ غرقآ مآدآم أكبر مسآحآت " الحزن " تستوطن أحدآقي لذآ !! يآ { سآقي أحزآني } إليآ طريت لك الفرقآ فلآ تذخر حطب دآم السّعير يرآود أشوآقي الشّآعر \ نواف التركي .. |
مشعـل البرآآق ..
( نفس المكان ) : اللي عليه آجتمعنا ! فيه أفترقنا .. وأنتهت كل الأحلام , قبل نتقدم لـ المواصل ؟ رجعنا ! وآحلامنا .. تبعثرت مثل الأوهام , لحظات !! عن كل الوجود / أنقطعنا , تعجز .. تعبر عنّها ( روس الأقلام ) , ما كن آحد , من ساير الناس معنا ! ( 2 ) .. ثالثنا [ إنتكاسات الأعلام ] , يمكن خطانا : لـ الطموح أندفعنا ! والا آنتحرى العيد .. بـ عيون الأيتام , عزالله أنّا يازمن فيك , ضعنا ! وضاع الرجاء .. واللي بقى منك / قدام ! لاشك مقنعنا القدر . , وأقتنعنا ! إن الغلا .. ( يبقى على مرّ الأيام ) , اليوم ؟ نخسر بالهوى .. ما جمعنا , ونقدم أمال المحبه .. لـ ( الإعدام ) ! |
| الساعة الآن 08:03 PM. |
Powered by vBulletin Version 3.8.7
Copyright ©2000 - 2025, Jelsoft Enterprises Ltd
دعم وحماية
مرسانا لخدمات الويب
HêĽм √ 3.1 BY: ! ωαнαм ! © 2010