|
اللوحــــــــه الســــــابعه : قصيد ة : { الذيب ذلّ الجنّ من قوّ نابه } ~ يا كليب لا تنبح ايلا من عوى ذيب وين انْت يا معفن ووين الذّيابه حدّك على اطراف المراعي لويغيب والّذيب فوق الجال كلّن يهابه اضلوع صدرك من قنيبه محاطيب وضلوع صدره مدهلن للسحابه تنبح وصوتك ردّته شمّخ النّيب والذيب ذلّ الجنّ من قوّ نابه ماهن سوّه , لوهن جميعن مخاليب الذيب ذيييييبن , والكلابه كلابه لكليب ماخلقن طوال المصاليب بين الغنم يلهث ويقطر لعابه ماهو خصيم لي وهو بعْده كليب ون صار كلب ٍ ما احسّب حسابه للذّيب في صدري مكان وتراحيب لانّه وفيّ لكل جالن رقابه والسّاقط الي ما يعرْف المواجيب لا شاف عظم ٍ يلقطه من ترابه لو كنت برمي لكل نابح مكاتيب ضيّعت تال الوقت طبع الذّرابه ارقى بنفسي فووووق عن موطن العيب ولا والله انّي صاحب لْقوم طابه ما يثمر المعروف الا بولد طيب والا الرّدي \\ كلبٍ ولغ في زهابه ما هي غريبة زلّة ابن الأجانيب مرباه غالب والعفن في ثيابه ولا والله إنّا للهلامه معازيب اللي ينوّخ للرّديّه ركابه ما هو سفير ٍ للرّجال الاشانيب كبار البيوت وبيت مثله خرابه اهل السّموت فحول \\ عِربن غواليب وإلا الفسل سمته يجيب الكآبه لو كان يعْلم وش يخبي له الغيب ما تطرحه سكرة \\سببها شرابه ولو يفتهم ما لجّ روس المراقيب اللي بها ذيب ٍ عزيز ٍ جنابه الكلب يوفي \\يا كثير العذاريب والا انت ( كلب الخون ) كلّن درابه؟ يا كليب \\ مخلابي شنيع المضاريب لو علّم بْوجهك تعاف الحرابه نابي , سواة الرّمح \\ سيفي لواهيب ولا مسّك (ا)مْن السّيف إلا جرابه اعْرف وش اللي دخّلك بالمصاعيب؟ انْساك حلْم الذيب شرْع الذّيابه! |
اللــوحه الثـــامنه : قصيدة : { غباءك يرسل استفهام } ~ سئلت و لا نطق فمّك , غباءك يرسل استفهام! لأن اللي بجمجمتك تطيّن تحت الاجحافي تهنّي ياعيون اللي عيونه معتقل صلهام حضر ذي قار واليرموك ومقتل هرمز , او وافي سمع صوت احمد وجاسر يقولون اصطبر دّهّام صبر حتّى شكى صبره نعيق التّافه الحافي سمع صوت السماء جاوب على صوت السما بسهام رماها قلبه وصابت هدوء ٍٍ .وذْبحت هافي ضرب بطن الحصون اللي تساوى ليلها بجهام ترك عينيْه وغطّاها بحفظ الله. فهو كافي تحرّك والدروب دروب الغام ٍ مهي بوهام قطعها قلبه الطّرقي , قطوع ٍ ظاهر ٍ خافي قبل يطلع سنام هْديب في غارب هكل مدهام تعثّر بالقراد اللي على السّلاة هتّافي قراد ٍ ياكل الدّوسر هديب ٍ صابه آآ- لرْهام وهدبان ٍ قريبه كسرته من ظلم الاخفافي وشاف ان الزّمن تافه غروبه بالشّرق نهّّام تكربل في طموحاته وليله موت الانصافي ومارد ماصحى الا على جرذ ٍٍ به ولهّام كلى قلبه وخلّى به ضمير ٍ فوق الاكتافي غياهب جبٍّ (ا)وّفّى بمنزاله لأمرٍ هام روى منّه ولا يروي خيال التّافه الغّافي على تزعيقة طْيور ٍ بمكّة والعقول افْهام لمح موت ٍ قريب وفيه موت الاف الآلافي جواب ٍ اصدق من الهم . وكلّه شاآآآآآرة استفهام على هون العيون اللي تتوه بْمخبر القافي |
اللوحـــــه التاسعه :
قصيدة : { وا عذابي كلّما اسدل الليل السّدول } ~ وا عذابي كلّما اسدل الليل السّدول والذّيابة من همومي تعوّي بالدّبيل قمت افتّح في عدول ٍ واسكّر في عدول وفي خفوقي صيحة ٍ كنّها زمّار فيل استقامت بي ضلوعي وحلقي ومغلول عبرة ٍ لوما تراق استويت لعزرييل قمت اجاذبها وهي في وسَطْ صدري تجول وا عذاب اللي يبي دمعة ٍ عيّت تسيل انحجر دمعي من الهول ولا له من نزول الفجيعة ورّدتني على الليل الطويل ويش ابيّح يالقوافي لك الله ويش اقول والحزن برّك ولا لي سوى الصّبر الجميل المنيّة صابحتني تقود الها ذلول وقْفت بقرم ٍ فلا له بجيله من مثيل حين يقدم في قدومه كراديس الخيول وحين يقفي ما يعبّي فراغه من نزيل لا تكلّم تسكت القوم وفعوله فعول ون تحرّك له حنت راسها شمس الاصيل الاصيل , يقول ويقول ويقول ويطول هيبته من صغْر سنّه ليا شبّ الفتيل الخويّ الوافي الخالدي فحل الفحول النّوايا لو يميلن , نزيهن ما يميل يحفظ العشرة ولا هو على صحبه عجول حكمة الشّايب على حنكة الشيخ الجليل الصّبور الحافظ الله والعبد البتول البشوش السّمح في صحتن ولا كليل بسمته تنبيك عن ليث في صدره يصول ما يروّضْه المرض مركي الحمل الثقيل حال حولن باثر حولن وحولن باثر حول وابتساماته على قوّة الباس الدليل يا لمنايا ما استحيتي وهول الفقدِ هول شيّب بعيني فراقي ولد عمّن نبيل كوكب تْضمّه سما فوق الاكتاف مْحمول ؟! بدرن يْنير الدجى وانطفى ماله بديل تركي اسمع نبرتي , ضيّعت قرع النّعول النّحيب نْحيب قلبي ودمعي بالشليل شفْت نجمك طاح في قبرك وجاه الافول لااا , حشا قبرك علا صار لسهيل ٍ قبيل انظره ويطيح دمعي على خدّ الذّهول والكواكب تقترب لي تعزّي في خليل وش تعزّي ؟ والحزن كنّه جْيوش المغول والصّدر بغداد فيه الجنايز كالمسيل لولا سلمي والعوايد على حسْب الاصول ما تقبّلت العزا لا كثير ولا قليل منعصر قلبي عصر كنّ به ناب ٍ أكول يا سباع الهمّ كفّن عن القلب العليل وا عذابي كلّما اسدل الليل السّدول ما ظلامه غير ظلمة وسط لحد النزيل |
http://www.hebat-malek.com/up//uploa...61e30550eb.gif
|؛¤ّ,¸¸,ّ¤؛|ماجد الزيد الخالدي|؛¤ّ,¸¸,ّ¤؛| الديوان الصوتي و[OVERLINE]الكتابي[/OVERLINE] على شبكة الشعر تفضلــو ... http://alsh3r.com/poeter.1019.html |
مشكووووووووور اخووي على هالطر المووضوع الروووعه
|
| الساعة الآن 05:23 PM. |
Powered by vBulletin Version 3.8.7
Copyright ©2000 - 2025, Jelsoft Enterprises Ltd
دعم وحماية
مرسانا لخدمات الويب
HêĽм √ 3.1 BY: ! ωαнαм ! © 2010