|
طولت غيبتك يالي بوصالك دواي ~ هاجسي عندك والله ماقويت امنعه ~ |
' تشبّعت عيني .. من مشاهد الناس , ماعاد للعالم .. مكان / بـ عيوني , احس ! حتى عند رجليني انفاس , وأشوفهم .. واتجّن منهم جنوني , ياليتهم عدوان .. واقول لا باس , اصحابي .. اللي بـ الخفا حاربوني , يا ناس إذا في وجيهكم ذرّة آحساس , غيبوا ومن هذا التعب / ريّحوووني , |
يسلمووووو موضع مرررررره نايس مشكوره على الموضع تحياتي بنت كيوت
|
/ كان,,طفل يتهجّا حِلم عُمْره. و. شاف أجمل العمر,, ( بيتٍ ) في الخيال انشطَبْ يمكن يكون بحرٍ ما لـــ باله ضفاف ويمكن يكون شعر بــ ضفته مــ انكتَبْ غصّ حَلْقه,, بـ دمعة ياس وارخى (اللحاف) بـــِ يتطوّى ويبلع ما بــ حلقه نشَبْ افتقدته ,, خطا منّي,, بـ ليلة زفاف والتقاني ,, خطا منّه,, بــ لحظة غضَبْ من يقول المدينة,, لك نهاية,, مطاف.؟ ما درى ان المدينة ,, لي بداية,, تعَبْ..! ما غصبتك عليها ,, وانت نفسك , تعاف.. هذا .. انا عفت نفسي , من هو اللي غصَبْ..؟ أنهكتني ,, وانا اكذب (ما عليّه خلاف) لا عليها السلام ,, ولا عليّه عتَبْ..! شفني انسان متذمّر ,, من انسان (جاف) لا حديثه حديث , ولا سكوته(أدَبْ)..! وانت , بينك وما رفرف بــ عينك وطاف والـمآذن و زمزم والمشاعر (نسَبْ) افتقدتك,, و حالك .؟؟ زي حالي كَفَاف.. واكبر احلامنا ,, عيد و (طَواقي قَصَبْ). اذكر امّي توصّي,,(كلمتينٍ خفاف) مثْل ما (هيّ) تعلمنا ,, (سلوم العرَبْ).!! كانت اول (خطاوينا) بــ (مكّة) ,, طَواف و اذكر اول (خطايانا) شقاوة هدَبْ معْ ,, هدبها تَعلَمنا وش الاختلاف وان صعب الكتابة,,,هي,, كتابة صَعَبْ (عَلّميــــهُم).. وأكون السالفة والخلاف في حديث السهارى / ضوّهم / و (المشَبْ) انثني (غُصْن) في كبد السنين العجاف مِن عِناده ,, نبَت عُوده,, فــ (وجه المهب)! كوني,, الغيم ,, محتاجِك , ومحتاج, اخاااااف كوني (الخوف) !,, من غيمة تدور سبَبْ.. كوني,, الما و (سلمى) في عيون الجفاف كوني,, الأرض لــ اهتزّت تحتنا,, طَرَبْ كوني ,, (البْرْد) لا هدّ النحيل ارتجاف, لو تكسّر من الرجفة بدينك... حَطَبْ.. يمكن يكون شاعر ,, ما لــ باله ضفاف و (يمكن) آكون شعر بــ (خاطره) وانكتّبْ عبدالله الكـآيد |
حبٍ يشيّب صاحبه ما بَعَدْ شاب *** وحبٍ يشيب وصاحبه في شبابه
وحبٍ يغيب وصاحبه ما بَعَدْ غاب *** وحبٍ يدوم وصاحبه في غيابه وحب يذوّب خافقٍ ما بعد ذاب *** وحبٍ يداوي صاحبه من عذابه وحبٍ يتوّب خافقٍ ما بَعَدْ تاب *** وحبٍ يزيدك رغبةٍ في الكتابه وحبٍ حياته كلّها لوم وِعْتاب *** وحبٍ حقيقي ما يضرّك عتابه وحبٍ بلا معنى وحبٍ بلا اسباب *** يبدا غريب وينتهي في غرابه وحبٍ ضعيفٍ مثل حبرٍ على كْتاب *** تمحيه دمعه في ثواني كآبه وحبٍ قويٍ مثل قصرٍ له ابواب *** لو هبّ عاتيْ الريح ما اهتز بابه وحبٍ بداية رحلته نظرة اعجاب *** واخر مطافه مثل يومٍ بدا به وحبٍ يعيش بداخل قْلوب الاحباب *** وحبٍ يشيع وكل حَيٍ درى به وحبٍ مقامه في ضلوع الصَدِر طاب *** وحبٍ يعدّي مثل مرّ السحابه وحبٍ على قبره نعق بوم وغْراب *** وحبٍ تغنّى به لحون الربابه وحبٍ بمقدارٍ وحبٍ بلا حْساب *** وحبٍ بمعروفٍ وحبٍ نهابه وحبٍ يعيش أهله وسط داره اغراب *** ويموت قهر ويندفن في ترابه وحبٍ غدا سرّه سوالف للاجناب *** وحبٍ يموت وصاحبه ما حكى به وحبٍ يشيب وصاحبه ما بَعَدْ شاب *** وحبٍ يشيب صاحبه في شبابه << مما رآق لي :) |
| الساعة الآن 12:39 PM. |
Powered by vBulletin Version 3.8.7
Copyright ©2000 - 2025, Jelsoft Enterprises Ltd
دعم وحماية
مرسانا لخدمات الويب
HêĽм √ 3.1 BY: ! ωαнαм ! © 2010