منتديات هيبة ملك منبع إبداع لاينضب

،

تعبت من القصيد .. من الجروح .. من انتظـار طـال
تعبت استقبل طعـون الزمن .. واربت على كتفـه

تعبت من الكلام .. من السكوت اللي يهد ّالحـال
تعبت أكثر من الحزن الذي.. ما ينتهـي عزفـه

تعبت من الوعود .. من الصديق الطيّب المحتـال
تعبت أعرف كل اللي .. تعرف الناس بالصدفـه

تعبت من العدو اللي عجز.. يدخل معي بقتـال
تعبت من الظـلام اللي قتلت .. ولا لقى حتفـه

تعبت أسأل من المخطي ..؟! تعبت اردّد المـوّال
ما دامك ما سـقيت الزرع .. ما لك حق في قطفـه

تعبت القىالجواب المقنع اللي ماعليه جـدال
تعبت القى .. طـريقٍ ما يكون بآخـره شـتــــفه

تعبت اضفي على الصوت الحبيبه وردتين وشـال
تعبت اسـمع صدى شامت يردّد طاحت الغدفه

تعبت أغـازل البسمه على ثغر البكـا .. تخـتـال
تعبت أشـوف شوفي ينهزم .. رغمٍ على انفـه

تعبت اجامل ايامي .. ولو ورّتنـي .. الأهـوال
تعبت أقـول عن حملٍ ثقيل .. اتفه من الأتفـه

تعبت أهـزّ راسي غيظ ! والقى في يديّ اغـلال
تعبت أسـير خلف الوهم.. لو غيري ركض خلفـه

تعبت أشـد وانزل.. ما ظهر لي طيّـب المنـزال
تعبت من الدروب اللي مشيت .. وكلّها صـلفـه

تعبت أرسم حروفي شمس.. والمح بالوجيه ظـلال
بعض ناسٍ .. تعـرف النور .. بس تقول ما تعرفـه

تعبت وقلت كل اللي اظنّـه " يا فهد " ينقـال
تعبت ابغى القط انفاسي .. اذ لابد من وقفـه

،