|
، مسآء الخير هالمـره بلاش آسف على التأخيـر مادامـ الرد بعيونك دموع بكل تأخيره ثقل دم العذر وإلا كسح وجه الخطى تبرير مدامك عارفه طبعي اجل وشوله الحيره ترا ماجيت لأجل اسمع سواليفك عن التقصير اعرف ان الخطأ مني بلاش نعيد هالسيره أنا وانتي بهالدنيا تحملنا بعضنا كثير تعودتي على عنادي وصرت أحب هالغيره انا وانتي حكايتنا مثل صدر السما والطير كثير اللي يطالعها ولا احد(ن) طالها غيره أنا وانتي حكايتنا مثل لعبه وطفل صغير مع إنه دوم يهملها رفض يسمح بها لغيره انا وانتي وش اوصف لك عجز عن وصفنا تعبير مثل .. مدري مثل وشو .. ولكن صعب تصويره انا وانتي .. بلاش انتي .. انا لو بفقدك شيصير عليم الله لو مانتي فلا مريت هالديره أحبك ! إيه احبك .. ذي بعد يبغى لها تفكير ! يخلف الله على عقل ملكتي كل تفكيره تعالي نحترم شيبة غلانا لعنبو التصوير تعالي نغتنم فرصة لقانا دامها قصيره مساء اللي تبين انتي على كيفك صباح الخير انا كل يوم بتأخر إذا في دمعتك خيره ! ، |
من شارع الفقد لـ رصيف الانتظار تبقى قلوبنا كـ / ورقة خريف قابله للسقوط في أي لحظه . من شارع الفقد / اشبعني تعبت الصيام ........... كرهت جوع المشاعر / وانت تدري نحيف !! مايخنق الشوق / الا تمتمت هـ الكلام ............. انك تجيني .. والا ماتجين / وسخيف مع كل عذرٍ تسوقه .. في غيابك حرام ........... مع كل ظرفً اشوفه سهل ماهو كليف انا سئمت الرصيف : الممتلئ بالزحام ............ مابين حلم الرجوع . وبين هجر الرصيف مع كل سكة حنين تسوقني لـ لظلام ............. مع كل شارع سكنته / مثل ورقة خريف متى احس بوجودك وارتقي للغمام ............. وفـ كل غيمة حديث . بغيثها استضيف واستشعر اني سكنتك حب والا غرام ............. ماودي اني اكون فـ/ داخلك مثل ضيف انا برمت الوعود : وجيت لك بالهيام ............ وابي تدغدغ حنايا العمر من دون زيف تعبت جوع الفرح .. وانا بسن الفطام ........... شفني بـ رجوى تشبعٌني ولو أبرغيف انا هجرتَ المواني . والنوارس حيام ........... من عقب ماكنت اغني لجلها كل طيف ياطفلة الامس / وينك كيف انا اقدر انام ........... وين انت يالي يطبطب فوق قلب الرهيف هذي دروب الغلا : من دون وصلك عسام ............ وهذه مشاريه ودك . بالمعاتب ياحيف يا ليتك اللي يدثرني بليااا .. ملام ............ لاصرت تدري بقصدي / وانت خابر شريف ماتشوف أرضي : كئيبه يابعيد المرام ............ وانته بغيمك تسيل كل وادٍ ، يشيف متى بتروي العطاشا . بالمزون الهمام ............ لاصار وقتي : يقطعني عليك ومخيف روزنامة ايام عمري مثل حد الحسام ........... تعبت اقلب ورقها .. وانت بعدك نزيف ماغير اشد الركايب يم وجهك حشام ........... مع كل ترحال اشوفك مثل همال صيف مـ/ تشوف صوت المشاعر صابني بـ انفصام .......... مابين : وينه / وليش/ وليه هذا / وكيف أما تجيني .. ونطلق للغلا هـ الحمام ........... ونزرع فـ / داخل حشانا للوفا كل ريف والا تٌروح . وتاخذ بالجفا . هالغرام ............ واعيش كني مفارق : مثل ورق الخريف . تعبت اعاند هالدموع واردد في نفسي تعال متى تحس بالله عليك متى تحس اني ابيك لاتقول لي هذا محال بنعلم الغيم الهطول ونزرع من الفرحه أماااااال لـِ م شعل |
بعض البشر مالها في محجر القلب مقيآس عداد الغلا يرقى مثل عد الثواني وبعض البشر ودك على الارض تنداس عاشت عمرها على الذل والعمر فاني عبًادة المال تبًاعة الغير في كل هوجاس بدري عليها العز وعنهم حداني وأنته عزيز وقدرك فوق هامه الرآس يشهد عل ماقول شيمة بناني ...... ومن بعد ماعين الغضي صابها نعاس حلفت ماشقى ولاسهر على حب نساني من لبنة الحب بنيتله فالحشى ساس وصب له من لهيب النار كاس وسقآني مسكين ياللي راح عمرك مع الناس فلان سوى وراح ويا الفلاني وأنت ماغير تطرد ورى النوماس الحياه اسرار والوقت عنك عصاني بروح واجمعلك من القراطيس قرطاس وأكتب على العنوان غلطة زماني ! |
، مثل طفل(ن) يتيم(ن) والزمن ما يوقف بصفه اشوف ان الشقى حبه قديم ويسري بدمي طفل عيّا الفرح لو مره يربت على كتفه
ادور بالوجيه المبهمه لو معرفة صدفه ملامح للوفا تخطي ملامحهم بحد علمي وآثاري ما دريت أن الوفا مبطي لقى حتفه ولا والله دريت أني الوحيد اللي عظم جرمي على مهل الطعون بكيفها وامتى بغت تشفى انا ما عاد تفرق بي برت ولاّملت جسمي وانا لو أنطعت بخنجر غادر أو بشلفه تكون أهون علي من صاحب ما يجزن لهمي وكل الناس والدنيا بكفه وأمي بكفه أموت ولالمح آثار الحزن بانت عليها امي فكيف اليوم وانا من هو تركها تحترق خلفه
سهرت الليل والونّه صداها أعتلى الغرفه
مشاعر خانت الشاعر تزلزني بها الرجفه على موعد مع الغربه وآخاف ينطق بها فمي ، |
حزين من الشتا والاحزين من الظما ياطير؟!
دخيل الريشتين اللي تضفك حل عن عيني.. دخيل الما ..وملح الما..وحزن الما قبل ماتطير.. تهيا للهبوب اللي تصافق في شراييني.. دخيل الغصن والظل الهزيل وهفهفات اعصير.. دخيلك لاتشح بنجمتي والليل ممسيني.. ترفرف يافقير الريش ضيقه والنهار قصير.. علامك كل ماليل جناحك جيت ساريني؟! انا ماني بخير وجيت يمي وانت مانت بخير.. وانا ياطير في من الهجاد اللي مكفيني .. ترى لو شفت لي ظل ومهابه في عيون الغير.. ترى كل الزهاب اللي معي جرحي وسكيني !! ، |
| الساعة الآن 12:51 AM. |
Powered by vBulletin Version 3.8.7
Copyright ©2000 - 2025, Jelsoft Enterprises Ltd
دعم وحماية
مرسانا لخدمات الويب
HêĽм √ 3.1 BY: ! ωαнαм ! © 2010