|
، مشكور يا بايع مشاعرك مشكور .. .. .. .. .. .. .. العام ذنب وهالسنة ذنْب ثاني .. بقولها لو قلت لي صابك غرور .. .. .. .. .. .. .. ما فيه أحد .. ياخذ بقلبك مكاني .. العام قلبي فيك هايم ومجبور .. .. .. .. .. .. .. العام لا منّي جفيتك .. عصاني .. واليوم حبّك في حناياه مقبور .. .. .. .. .. .. .. لو ما دعيته للمفارَق .. دَعاني .. ذاك الهوى ما عاد لك فيه مقدور .. .. .. .. .. .. .. أبعَد من أيّام الرشي والسواني.. ما دمت راضي عن عذابي ومسرور .. .. .. .. .. .. .. ملعون أبو قلبٍ .. عليك يحداني .. ، |
. دوّرت بعدك حـبـيـب .. وقلت في بالي .. أحب همي ؟ .. وقـال القلب : روّ قـنا قلت أنت وش دخّـلك .. بـ أحب غربالي أقــلّ حاجـه .. نـمـوت وماتفارقنا |
. استر عورة الحزن اللي ظهر وغطها باطراف كمك لا أشوف كم قلت لك خل قلبك من حجر ولى ترى بتكسرك الظروف ابعد وتحزم بقوه وصبر اتركني مو ناقص أشوف! لاقالوا وش بلى قلبه نـكر قل "ماني وجه مـعروف" عطيتك حب واهديتك عمر وعشمتني بمواعيد وحلوف والحين حصــادك قد ثمر وورني عرض الكتوف |
، ياشاعر المليون لا و اخساره .. .. .. حطّوك يالمليون طعم الجماهير تنخى وكنّك نازلٍ وسط غارة .. .. .. ملهود ومقيّد ولا تقدر تغير لا يغرّك البيرق وشِدّة حَمَاره .. .. .. خِرقة .. وماتسوى من الجاش تعبير شفت الأدب وشلون غّير مساره ؟.. .. ..لو إنت الأفضل قِيل ماقبل الأخير ترى السبب واضح .. وهاك إختصاره .. .. .. من لجنةٍ عميا ومن دون تفكير ياكثر مايخطون تارة وتارة.. .. .. يا للأسف غشمٍ تقيّم شواعير يامدعي بعكاظ صَلّ إستخارة .. .. .. سوقه بريٍ شام عن دهنة السير برنامج المليون هذا شعاره.. .. .. الصوت للشاعر ويَبشر بتمرير ياقايد القوّات راع الأمارة.. .. .. بَنيت لك صرحٍ خَطَف ناظر الطير لاشكّ مقصودك وهمّك تجارة.. .. .. ومثلك مهو محتاج جمع الدنانير حطّيت مليونك من أجل الإثارة.. .. .. والصيد من جَيْبٍ يصوّت بتكرير هذي ضَعافة ماتسمّى شطارة.. .. .. منك الأوادم يشتكون المخاسير تستغفل العالم بقولة حضارة.. .. .. حضارتك ياشيخ .. تحتاج تجبير طهّر بلادك من جذور ( ... ).. .. .. ولاّ القصايد .. ماتبي منك تطهير الشيخ مثلك يستحي من وقاره.. .. ..وشلون (نشوى) تحذفه للمحادير ؟ وإن كان للأشعار بيرق وإدارة .. .. .. ياللّي تقول إنّ القصايد بك إتجير ترى الفلسطيني سلاحه حجارة.. .. .. ويصيح بأعلى الصوت محتاج تحرير ، |
، زَبنْت الغَمام وهزّني للقصايد شوق........نحَرْت الخيال ولا تنشّدت عرّافي اذب الهجيني وارفع الصوت بالطاروق........على هجعه الموجه سرى ليل مجدافي هلا ياالقصيد وكل عين وَعْدها فوق........لقيتك خويّي ساعة الضيق وسنافي ينوش السما ظلّك.. تلج بثراك عروق........تقوم الهقاوي طولها والمدى ضافي هلا ياالقصيد اليا انتخى بك رفيع الذوق........تهاما على صدر ابيض الطرس رعّافي سقاك البدر قمرا سريت ولحقت لحوق........وانا خابًرك لمصافح النور ميلافي ، |
| الساعة الآن 12:14 AM. |
Powered by vBulletin Version 3.8.7
Copyright ©2000 - 2025, Jelsoft Enterprises Ltd
دعم وحماية
مرسانا لخدمات الويب
HêĽм √ 3.1 BY: ! ωαнαм ! © 2010