][ ][ خـبرتـوا حدٍ مسجـون مايبـغي فـراجـه ][ ][ !

[وشـ ـاح الذكـ ـريات]

بسم ِ من أمره ِ بين كاف ٍ ونون
وسلام ُالرحمن يحف ُأوراحكم بالطمأنينة والرضوان .. }

{ .. مدخل :-


بسم ِ من أمره ِ بين كاف ٍ ونون
وسلام ُالرحمن يحف ُأوراحكم بالطمأنينة والرضوان .. }

ياهيه التفت لي واسمع دعاي لك يا هيه
ترى عادتك بتشبع مـن البعد .. وتواجه !

دعيتك بـ صوتٍ ياصلك .. { ليه ما توحيه !!
وأنا اسمع ضلوعك من صدأ الصوت لجاجة

عليك الفؤاد .. أخلاجه مصمخٍ راعيه
خاف الله في راعية ما تسمع خلاجـه

ترى العفو قد جاك اوله واغتنم تاليـه
وترى الحلم بحراً غير لا تامن امواجه

وترى الود ليلاً مظلمٍ جيت لك ... ساريه
سراجه وصالك والجفا ينفخ .. سراجه !

وترى قصرنا اللي كم سنه نجمع ونبنيه
هوى العدل .. } طيح بابه العود وسياجه

لي ايام مدري وين دارك ولا ادري ليه
وانا خابر اني باب شفك ومزلاجـه ..

غيابٍ بلا سبه ... هجادٍ بلا تنبيه ... !!
وجفا اغلا العرب نارٍ على الكبد وهاجه

نضج قلبي من البعد وش حاجتك تكويه
جفاك الجمر والصبر في بعدك الصاجه

وطبع حبك بـ قلبـي والأيام ما تمحيه
هذا هجـرك يحاول يموجـه ولا ماجه

يموت الأمل لكن .. { ظنـون الغـلا تحييه
وعروق الوفاء في الروح والقلب وجاجه

خبرتوا حدٍ يبكي على واحـدٍ .. يبكيه ؟!
وخبرتوا حدٍ مسجون مايبغي إفراجه !!

احبه .. ولا ابغضته على شئٍ يسويه
ولا زالت ارقاب الرجاء فيه منعاجه !

عسى منزلٍ ضمه حقوق الوسم تسقيه
وتضحك له الدنيا وهو يضحك | حجاجه |

فقد خاطري شي من الضيقة مسليـه ..
وغدت روحي من الناس والليل هجاجة

أروح لـ مكانٍ خابره .... خابره يأتيه
أسوق القدم صوبه وهي مالها حاجة

" مكانٍ نزيه "وأول مواجهي له فيه
وأنا خابرٍ ما رجل مثله بدواجة .. !

لعل وعسى .. ماحدني للمجي يدعيه
وأشوفه وأنا ماودي أسبب إحراجه

يحب الجريح آخر دروب اللقا ويجيه
وتحـب القـدم جية مكان أول مواجه

/
/
/

من اكثر القصائد التي أثملتني ولا أملّها أبداً ..
للمحيط الهادئ .. {
الشاعر / محمد بن حمد بن فطيس






جلّ وقاري وعظيم آحترامي لمن مرّ

[أل أغر]

وشاح الذكريات

دائماً التميز له عنوان ومرتبط بأسماء

والأكيد انك أحد هذه الاسماء

شكراً على المنقول الجميل

ولا تبخل بكتاباتك .. بعيداً عن المنقول

وكلنا عيون متابعة

مع التحايا ,,,

الشاعر أل أغر

[وشـ ـاح الذكـ ـريات]

لك الشكر على مرورررك ياشاعر المنتـــــدى .......

وتامروني اااامر ... عن قريب ان شاء الله بتقرون لي بهالمنتدى قصيده كامله .......


انتظرووووووووني فقط.. وامهلوني من الوقت القليل........

[فارس الشوق]

سلمت اناملك ياوشاح على القصيده


كلمات معبره وصح لسان كاتبها


محمد بن فطيس شاعر كبير وقصايده رائعه


والله يعطيك العافيه على النقل


وتقبلي مودتي


فارس الشوق

[رحــآل..]

ياهيه والله انك ذوييق ياهيه..
مانت من اهل اذواق السماجه..

عسى درب الشقا تبعد عن خطاويه
وعسى الله يبعدك عيون الخواجه







وربي ذووووق,,


يسعدك ربي..خيتووووه..لاتحرمينا من ذائقتك العذبه..



تقديري واحترامي..لك ياهيه^_^

[ـآلـوِفآ طَبعِيے]

http://www.yahoo7.net/upfiles/u5M52905.gif








يالله يالله ..



رآئعة من روآئع .. ابن المري ..



قصيدة جدا جميلة .. يسلم هالذوق .. يا وشــآح ..



الف شكر لك على جميل الطرح ..



وحسن الاختيـــآر .. سلمت أنــآملك اختي ..




كــــل الـــود والإحتـــرام





ـآلـوِفآ طَبعِيے









http://www.yahoo7.net/upfiles/u5M52905.gif

[وشـ ـاح الذكـ ـريات]

ياهلا ومرحــــبا فيك خيووووووووو






نورت الصفحه.........





شكرن على مرورك يالغلا ....

[الحزن الأكيد]

وشاااح


قصيدة في غاية الرووعة والجمال وهذا يدل على حسك الشعري في حسن الاختيااار



تقبلي مروري

[وشـ ـاح الذكـ ـريات]

الذووق نتعلمه منك ياشاعرنا


وشاكره لك حضورك المميز


والله لايحرمنا منك






http://www.hebat-malek.com/up//uploads/images/hebat-malek.com..ff450d83b3.gif (http://www.hebat-malek.com/up/)

[الحزن الأكيد]

أختيااااااار القصائد الجميلة يا أخت وشاح يدل على أحساسك الجميل كم أستمتع بقصائد هذا الشعااار وأعجبني أختيارك الجميل

[نايف بن حليمه (اميرالقوافي)]

الاخت
وشاح الذكريات


اختيارك لهذا النص الجميل بالذات

انما يدل على نضوجك الفكري

المتميز ورقي ذائقتك

لاحرمنا من طرحك واختيارك

دمتي بود

[وشـ ـاح الذكـ ـريات]

يــاهلا ومرحبا فيك





شاكره لك مرورك المتواضع




لاعدمناك .....

[الماجد]

انتقااااااااء رااااااائع
يعطيك العافيه

[وشـ ـاح الذكـ ـريات]

الاروع مرورك يااخوي





شكرن لك..