{{ عــرس عــرابـجــه }} للمصرقعين فقط ؟؟؟

[المستشار]

عمركم حضرتم عرس عرابجه ..؟

ابقول لكم وش صار في ليلة عرس دحيم

المواصفات

الاسم / دحيم الدلخ

العمر / منولد في سنة الطفره

الشكل / قزم ودب واقرع و وجهه كله خدود ومافيه عيون

باختصار يسد النفس

الولد دحيم داشر 24 سااعه مشاكل وتفحيط وخرابيط

المهم ابوه قرر انه يزوجه .. يقووول : يمكن يعقل الولد !!!!

ويقوم يخطب له ابوه بنت عمه حصه !!! <<< عاد حصه خبله مثله

المهم يوم جاء العرس ولا اخونا دحيم طالع مع اخوياه للثمامه يطعسون

وابوه يدق عليه

الاب: الووو دحيم وينك؟

دحيم : هلا والله طالع مع الشباب للثمامه ..

الاب: جعل تطلع روحك .. بلا .. تعال اليوم عرسك !!!

دحيم : طيب العرس في اليل يمديني ارجع المغرب << رددو ياليــــل مااطولك

الاب: اقول امش .. جعلي امشّي العصى على ظهرك ..

دحيم : طيب خلاص جاي ..

ويقفل التلفون ..

المهم .. ويجي دحيم ويلبسونه .. الخبل ناوي يروح بقميص نوم .. خخخخخخخ

.. ويمسكونه اخوانه .. ويلبسونه .. ويودونه للقصر ..

>>>>>>> دحيم الا الحين ما يدري وش السالفه يبي يخلص بسرعه عشان يلحق على العيال في الاستراحه يلعب

بلوت ...هع ..هع..هع

ويدخلون القصر .. ويجلسونه في المنصه .. وهو يقول ابي اروح اجلس عند القهوجيه .. ابي اتكي معهم ..واشرب

شاهي << ( والله منسم مررره)

ويلقطه اخوه .. ويجلسه على الكرسي .. ويجونه الناس يسلمون ..

المعازيم : مبرووك منك المال ومنها العيال ..

دحيم : هلااااا .. ايه طيب يكون خير .. والله ما عندي ولا فلس << ( قايل لكم موب وجه زواج)

المهم .. ويدخلونه على الحريم ..

يوم دخل ..وهو الي يفتح كشرته ( ابتسامه عريضه ) خخخخخخخخخ

ويناظر في ذا البنيات ..

المهم .. يوم طقو الطقاقات .. الا وهو يطمر .. ويرقص سامري ..ويسحبه ابوه ويقول اركد لا تفشلنا!!!!

.. ويجلسه على الكرسي ..

وتجي وحده ترقص عنده .. وهو الي يضحك عليها .. ويقول اوووووه ما تعرفين ترقصين يا الدبه ... خخخخخخ

وانواع الاستهبال .... المشكله // الي ترقص امه مسيكينه .. تبي تفرح به

ما درت انه ما يستاهل .

.. ويقومون البنيات يرقصون عنده .. وهو يناظر .. يقول .. عاشوا والله عاشوا .. الا وابوه يصفقه على جبهته ..

خخخخخخخخخ

دحيم : طيب خلاص ابنطم ..

.. يوم خلصوا .. وهو ياخذ العروس .. ويركبون السياره

ما درا الا تقوم حصيصه .. وتقول .. ما بغينا نطلع .. اقول ما عندك شريط كسراات .. ( شعبي) بشير شنان يعني؟

ملينا من ذا الطقاقات ازعجوني ..

الا وهو ينبسط على حرمته خبله مثله << الحمد لله والشكر

المهم .. وتقول له حصيصه : دحيم ابسالك سؤال؟

دحيم: اسالي !!!

حصيصه : انت الحين تعرف تفحط ؟؟؟

دحيم : اكيــــــــــد انا احسن واحد يفحط ( مسوي فنان عندها وهو ما عنده ما عند جدتي )

حصيصه : والله!! .. ورني .. ابي اشوفك تفحط ..

دحيم ( توهق )

دحيم : خليها بعدين موب اليوم ( يبي يصرف )

حصيصه : افاااا شكلك ما تعرف ههههههههههههههههههههههااااي

دحيم : اوريك من الي ما يعرف ..

وهو الي يلف هذيك اللفه وطراااااخ في الماصوره على طوووول

والحين حصيصه ودحيم في الشميسي الدور الاول غرفه 123

قسم الحوادث

الزياره من 9 الى 12 ظهرا و 5 الى 9 مساء


منقول لئرضائكم

[" رمز الخوافي "]

هههههههههههههههههههههههههههههههههههههههه هههههههههههه


مشكور اخوي



واطلق شي هالحرمه الي تسمع كسرات يلعن ام الزحف

[فارس الشوق]

ههههههههههههههههههههههههه
ههههههههههههههههههههههههههههههههههههه


الصراحه عررس عرااابجه صج


المستشار الله يعطيك العافيه على الموضوع التحفه ...


ننتظر جديدك يالغالي ...


ودمت بود

[!غ ـيرالبشر!]

هههههههههههههههههههههههههههههههههههههههه هه

الام عربجيه والابوعربجي والعيال اذاجووش يصيرون

الواحديوم زواجه مايقدرينام ينتظرالزواج وذاطالع الثمامه

[المستشار]

يثلموووووو على المرور


ودمتمــــــ

[الامير]

هههههههههههههههههههههههههههههههههههههههه هههههههههه هه


مشكور اخوي
ولله فله بس إنت حاضر وااحد هههههههههههههه تسلم

[$$الامبراطور$$]

هههههههههههههههههههههههههههههههههههههههه هه
والهه العائله الزاحفه الانتااااج الفاشل والله
الله لايبلانى مشكوور المستشار على الخرفنه ذي هههههههههه

[المستشار]

ولك نورتم الصفحه يالغلا

[شخصيه مستهدفه]

هههههههههههههههههههههههههههههههههههههههه ههه
ههههههههههههههههههههههههههههه
ههههههههههههههههههههههه
هههههههههههههههه
هههههههههه
ههههه
ههه
هه
ه


مشكووووووووووور حبيب قلبي المستشار

[المستشار]

نورتي الصفح يالغلا بطلتك البهيه


اشكرك من اعماق قلبي على المرور