شي بسيط للأمير عبدالرحمن بن مساعد

[عربجيه بس بشويش]

السلام عليكم ورحمة الله وبركاته

كيفكم تمام >>انشالله دايم يارب
المهم هذي اول مشاركه لي بهالقسم عشان كذا قررت انها تكون من قصايد احبها وعزيزه على قلبي ومن شاعر رائع ومبدع هو سمو الامير عبدالرحمن بن مساعد الانسان الرائع و المتواضع واترككم مع القصايد

(اسأل الاعمى)

ان كان في نومه يشوف ليه يصحى

واسال اللي ما درت عنه الهموم

الي درا ان العمر محدود

وان الفرح مهما اختفا موجود

اسئله ليه ينوم

وان جاوبوك اسئله ليه حنا افترقنا

يا صاحبي مابه سبب لفراقنا

الا اننا جينا في زمن مهو زمنا

ما به سبب غير اننا في حبنا

عشنا الصدق وفي وقتنا وشوالصدق

ما لصدق قيمه

في وقتنا

لجل القا تكذب

ولجل توصل ما تبي تكذب

يا صاحبي خذه من جرحي نصيحه

كانك تبي توصل

اكذب اكذب اكذب

الصدق في وقتنا اصبح فضيحه

في وقتنا دايم تهيم في شي ما تعرف مداه

دايم تهيم في الي بعد في سكتك

والي زهد في محبتك

ولي في يدك ومتحمل جروحك معك

ما يهمك تنساه

ولو تقتله ما يئلمك

وبقدامك تاطاء على دماه

يا صاحبي في وقتنا ضاععة اولى القبلتين

وفي اخره الله اعلم وش بيبقى

في وقتنا صار الغدر شي عضيم

والوفى ما ضنتي انكان بتدور بتلقى

في وقتنا اطول مسافه ممكنه تمشيها بين النقطتين الخط المستقيم

يا صاحبي في وقتنا وقت الالم من يسمعك مهما حكيت

من ينصفت مهما شكيت

منهو الي ما يضحك اذا ذلتك دنياك وبكيت

في وقتنا وقت الالم وقت الكلام وقل الفعل

لا مات احد وانتقل لاعلى رفيق

من طيبنا نحزن عليه

نصلي عليه

نوصل معه للمقبره

وفي المقبره غير الدعاء وقولت الله يرحمه مابه كلام

وندفنه واذا دفنه نبكي بدون دموع او بدموع المهم بعد ما نبكي

نتركه ونروح

تلقانا نقول مسكين يا فلان مسكين من دنياتك وش الي خذيت

وبعد بابا المقبره بشبرين واقل من الدقيقه لمن دخل فينا الزحام

من طيبنا نضحك ونسمع اغنيه لجل نتسلا في الطريق بين المقبره والبيت

واحد يقول ياليت تسرع نبي ناصل

تبي تاصل لوين

الله يا وقت الالم الله كم احنا مساكين

المهم لمن وصلنا بيوتنا نجل نتسلا نلعب ورق

وبعدها يمكن ننام ويختفيه ليلتها شي اسمه ارق

يصاحبي تبغا الصدق

فرق بسيط بين الزحام في المقبره وزحمت الاموات خارج بابه

الفرق يا صاحبي مما تظن اصغر

كل اللي صار انا تركنا مقبره للمقبره الاكبر

يا رب سبحانك يالي تجير من العذاب قلوبنا وش صابها

في وقتنا غدا بين الحياة والموت

والبكاء والضحك

شبرين ودقيقه وباب

ويدينا الي حثت في وجه ميتنا التراب

هي نفسها الي بعد شبرين واقل من دقيقه

اختارت شريط وحطته لجل تسمع اغنيه بين المقبره والبيت

يا صاحبي في وقتنا ضاع احترام الموت

في وقتنا حكينا ما اكثره

وللاسف جل الحكي من غير صوت

وان كان به فم صدق

وسمحو يحكي بصوت ما نسمعه

يا صاحبي قدام كان اختيارين

يا نجاري وقتنا ونكذب ونخدع نفسنا

يا نفترق

لان الفراق في وقتنا هو الصدق

افترقنا

يا صاحبي كانك تشك في صدق اسباب الفراق

دورلك اعمى

واذا صح اسئله

انكان في نومه يشوف

ليش صح

وليش افترقنا


(شبيه الريح )..

وش باقي.. من الآلام ..

والتجريح

وش باقي من الأحلام..

وش باقي من الأوهام..

غير إني.. ألاقي في هجيرك في..

ألاقي في ظلامك ضي..

وأوقد شمعتي في الريح

شبيه الريح..

إذا تسمح بغيب شوي..

أبجمع همي الباقي..

وأدفن صبري الذابل.. في أوراقي..

وابرجع لك..إذا باقي في نفسك شي

شبيه الريح

أنا مقدر أكدر صفوك العاصف

شبيه الريح ..

أنا من لي سوى إحساسك الجارف..

بقايا زيف أشواقي..

سما أمطار أحداقي..

شبيه الريح.. وش باقي ؟

أبي أعرف..

متي تسكن رياحك؟

وابي أعرف ..

غرورك هو متي يطلق سراحك؟

وابي أعرف..

متى تعصف..

متى تعطف..

متى تترف جراحك؟

وابي اعرف إذا باقي في بحرك..موج..

أكسر فيه مجدافي..

وأبي أعرف ..

إذا باقي في همك .. هم ..

ماشا لته أكتافي

وابي أعرف ..

إذا باقي في هالدنيا..حزن ..

مامرني واستوطن أطرافي

وابي اعرف..

إذا باقي من المعجز في هالدنيا ..

سوى ((العنقاء))..

والا ((الغول))..

والا خلك الوافي؟!!

بقايا زيف أشواقي ..

سما أمطار أحداقي..

شبيه الريح.. وش باقي ؟!!

سنيني يم..

وقلبي المركب المتعب..

وأنت الريح..

مجاديفي عذاب وهم..

وزادي الوجد والتبريح..

وصبري صبر بحاره..

بغوا في البحر محاره..

غشاهم موج.. كان من الغضب أغضب..

وكانوا للهلاك أقرب..

لولا كثروا التسبيح..

شبيه الريح..

حبيب الأصدق الأكذب..

عجزت أوصل شواطي.. طبعك الكذاب..

تعبت أنظر .. في وسط العاصفه..

قلب وشعور وعاطفه..

تعبت أجمع ألم كل الموادع..

في المواني..

واحضن أطيافك

تعبت السهد في ليل الشوارع..

والثواني ..

تنظر إنصافك..

تعبت الظلم.. واجحافك..

شبيه الريح

أنا ودي أكدر صفوك العاصف ..

شبيه الريح

أنا كني نسيت إحساسك الجارف..

بقايا زيف أشواقي..

سما أمطار أحداقي

شبيه الريح..

كيف أسألك : وش باقي ؟!

وأنا الباقي من إحساسي...

ذرته الريح



(عــــــيونـــك)



عيونك اخر آمالي وليلي اطول من اليم

كيف القى كلام عذب يوصف داخل احساسي

عشقتك قبل ما اشوفك وشفتك صرت كلي حلم

ابي رمشك يغطيني وابيك اقرب من انفاسي

يهمك تعرفي انك قتلتي في سنيني الهم

قتلني ضحكك وجدك قتلني لينك القاسي

رميت اقداري في دربك وصرتي في عروقي الدم

احبك كثر ماسالت دموعي وما نسى ناسي

يجول الحزن في ضلوعي بردت وذاب فيني العظم

كثير من الحطب حولي وعندك انكسر فاسي

سألتك بالذي زانك تحبي فيني حتى الظلم

تحبي عيوبي وغدري تحبي المر في كاسي

انا من كثر ما احبك ابيك كثر رمل اليم

وابيكي فوق الناس وابي ماينحني راسي


ياللي تحبيني شهر ..
ثم ٍ تجافيني شهر
ثم ٍ تحنيلي شهر .. وتفكري كيف الرجوع كذا شهر
وترجعيلي في شهر ..
ماقد خطر في خاطرك .. ان السنة اثنعشر شهر ؟!
وقتي معك نصفه هموم
ونصفه الباقي اسى .. ولو طبعك القاسي نسى
وبالصدفة جاء مرة صباح .. وكلمة منك فرحتني
لابد ما همس الجراح .. تسمعيني في المسا
ولو تعتب جروحي عليك .. وتشتكي منك إليك
بترجعي تحبي شهر .. ثم ٍ تجافيني شهر
ثم ٍ تحنيلي شهر .. وتفكري كيف الرجوع كذا شهر
وترجعيلي في شهر ..
ولا يجي في خاطرك ان السنة اثنعشر شهر


كتب قصيدته الرائعه ((( نـــــــــــحـــــــــــــس)))

يوم الاثنين اغتنى .. وصار بين الاغنيا ترتيبه الثالث
يوم الثلاثاء الفجر .. مات في حادث

,,,,,,,,

فريق كورة .. دائما ً ترتيبه في الدوري الاخير
واذا لعبوا واستبسلوا .. قبل الاخير
وبعد السنين الممحلة .. جاهم رئيس ثروته كثر التراب
عيّن مدير .. عنده من الخبرة كثير
شال الكبار ولعّب شباب
وجاب المدرب اللي له اسم ٍ مهاب
واتقدموا .. وصلوا للدور النهائي
ويوم النهائي .. قبل المباراة بدقايق
في البلد حصل انقلاب

,,,,,,,,

مسكين .. شين وفقير
وفي الدراسة حاول انه يستمر .. ومااستطاع
وضعه صعب ..ابوه مات وهو صغير
وماترك له الا الفقر .. وامه واخته .. والهم من فوقه وتحته
ومالقى لجل الهروب من الضياع .. الا انه يدور وظيفة .. أي وظيفة
ولقى من ضيقته مخرج .. وظيفة دخلها معقول .. يمشـّي الحال لو اعرج
ومرت سنة وسنين ..
والمسكين .. صارت كل آماله زواج
واتزاحمت في داخله الاسئلة ..
منهي اللي بتقبله ؟ .. وليه ؟
وفي يوم مامثله ابد .. شافها .. اجمل من اجمل مارأى
واضحكتله ... مستحيل !! ...اضحكتله
ومشت من اول الحارة .. ولحقها
وادخلت في بيت جاره ..
سأل عنها وعرف ... قنوعة واسمها سارة
تصير اخت لمرة جاره
ارسل لها اخته .. تجس النبض
جت البشاير
راح لمه .. وفرحته كبر السما والأرض
وافقت !! .. ابشرك يمه .. لقيتها يمه
سارة اخت حصة مرت منصور ..
ابيها وهي تبيني .. وابغى منك الشور
خلاص يا يمه خلاص .. بقول لهمومي الوداع .. بقول لهمومي الوداع
قالتله امه :
يا ولدي .. بس هذي اختك في الرضاع



(رحل)

رحل اشتاق لجراحه
رحل
اشتاق لجراحي ... رحل
يحق له طيبتي ماتحتمل
قليلة في وقت الهموم
ما كنت اعاتب أو ألوم
يحق له ما يحتمل .. هذا الملل
اسدلت أيامي لعناده
حبيته في قربه .. وبعاده
متعبه هذي السعادة
رحل اشتاق لجراحه
رحل

وسوري عالاطاله بس تستاهل القصايد وهذا جزء بسيط من اللي عندي

[$$الامبراطور$$]

العادة جرت

العادة جرت
كل طالب مجتهد دمه ثقيل

العادة جرت
كل مخلص في الهوى حظه قليل

العادة جرت
العطوف اللي كريمٍ في الجرايد
في الأزقة والحواري له عوايد .. يصبح القاسي البخيل

العادة جرت
جُل من يصبح ثري .. يكتب شعر
والقصائد تحتري اغلى سعر
الشعر اصبح مجلة .. جلها غث وهزيل

العادة جرت
لمّا نسافر كلنا في الصيف .. نمشي مخشبين
كلنا نحكي بفخامة .. نمشي بفخامة .. والابتسامة لما نسّلم
نبتسم كأن فيه مصورين
ورغم اننا نسافر لجل نلقى بعض .. ونعرف بعض
الا اننا لما انتقابل نلتفت متجهمين
ماهو جنون .. ولا عبط
تظهر أغاني من نمط .. أربع سنين انتطالع بالعيون
وفي المواعيد اللي ماادري منهو كان العبقري اللي عطاها
نجلس في نفس الاماكن .. ننتظر نفس الوجيه
تظهر بكامل بهاها
ويبتدي ذاك الحوار السرمدي :
- شف هذاك شلون لابس .. ماهو صاحي
- شف هذاك موجود في كل النواحي
- شف هذيك شلون تضحك .. ياخزياه ياعيباه يالله
- شف هذيك شلون تمشي .. شف هذاك شلون جالس
- شف رفيقك .. ليش عابس ؟؟ خل نروح ونسأله
- لا انتظر هذا ماشي مع هله
وينتهي هذا الحوار السرمدي
فينا نقول : وش هالصخب .. هالديرة مليانه عرب !!
كأننا متفاجئين
ولما نرجع بالسلامة .. العادة جرت .. انا نكون متنكدين
ومافي سبب غير اننا ما كنا حنا
غير اننا لما نسافر .. دايم نكون ممثلين
ولجل نطلع من تقمص دورنا .. لما نرجع
نحتاج نقعد ناطرين أسابيع وأيام .. ونظهر من الانفصام

العادة جرت
انّا نجل الأجنبي .. ونقصي القريب

العادة جرت
انها الايام تمضي ومسجد الاقصى سليب

العادة جرت
كل ما جو الخليج صفي وراق
يبتدي العم سام .. عزف موال العراق

العادة جرت
كل ما اكتب قصيدة .. اوصف الواقع بها
القى جاهل ما اريده .. يعتقد انه لها

العادة جرت
كل ما اكتب يقيني أو ظنوني ..
يكاد المريب أن يقول خذوني



رهيبين..

تسلمين اختي عربجيه بس بشويش..
إختياراتك حللللوه..
لا تبخل علينا بالمزيد....


أخوك:
الامبراطور!!

[فارس الشوق]

عربيجه :)


أشكرك على الاختيار الرائع للشاعر المميز والمتواضع والصريح الامير عبد الرحمن بن مساعد..,,

وشاكرلك على المقدمه الرائعه ,,..

ولاتحرمينا من جديدك ..,

ودمت بود ,

[عربجيه بس بشويش]

مشكور اخوي الامبراطور واخوي ابو شورق عالمرور ومن عيوني تامرووووون بالذات قصايد الامير عبد الرحمن بن مساعد ياكثرها عندي
وتفضلوا هذي كمان

( البرواز )...



قلتيلي إنسى
ومن يومها وأنا كل ليلة قدامي البرواز
حبر العيون ودمع القلم في دفتري
وصورتك رغم الألم
ورغم إنها خذت من أطباعك كثير وخانت البرواز
أشوفها في خاطري
حبيبتي ما بيدي حيلة
لا صرتي الصورة وعيوني البرواز
وشلون ابنسى

أتعبتي الصورة مشاوير
وتعبت أنا بلقى لغدرك معاذير
وصورتك اللي سجنت بروازها طول السنين
كانت جسد وبروازها الروح
ويوم نزعت منه الجسد تجرحت أطرافها
وبجروحها راحت لمين .. لبروازها الثاني
مسكين .. بيسجنك ويبقى سجين
تشبهلك أقداره خانته
وصورتك يجي يوم وتخونه
حبيبتي .. أو للأسف حبيبته
لا صرتي الصورة وجفونه البرواز
وشلون ينسى

حبيبتي لأجل أنسى جرحك واستريح
بأبكي .. وبعد البكى بأبكي
واكيد في لحظة بتجي وبيجف دمعي
وعندها صورتك اللي في عيوني
بتعاف برواز الضمى
بتصير صحرا وهو سما
بتمرني الدمعة الأخيرة
تاخذ معاها صورتك وتطيح
وكني بهالدمعة سكين جرحها وجهي
وكني بالمسافة تطول ما بين عيني ودمعتي وخدي
وكني بقلب الحاير المسكين نبضه يقول
لا تودع الفرقى .. الدمع ما يرقى
وعندها لا نزلت الدمعة من الجرح الأخير
وفارقت وجهي أنا
بغمض عيوني وأكسر البرواز
وأكيد بنسى


أخـــطـــيــــــت
أنا مدري وش إحساسك
ومدري وش تظنيني
أنا الصادق في عينك كنت
و صرت الكاذب الخوّان
أنا أخطيت ما انكر ولافيه عذر يكفيني
سِـوا اني احبك حيل واني دايما ً انسان
انا ادري بمدى جرحك
وادري الحظ جافيني
يطول الوقت ما أخطي
وإذا أخطيت كل شي ٍ بان
انا شفت الزهر مايل
وظنيته يناديني
قطفته .. يوم ضميته .. لقيته للأسف ذبلان
عرفت انك زهر عمري
عرفت انك بساتيني
وغيرك قيض مايروى .. سرابٍ يشقي العطشان
انا لو ماحصل ماكان وشهو اللى يدرّيني
بأنك ماسواك انتى .. سكنتى القلب والوجدان
انا اسف على اعذاري
عجزت ألقى عذر فيني
يليق بغلطتي في حقك ويرجع كل شي ٍ كان
احبك كثر أخطائي
وادري انك تحبيني
وادري لو تفارقنا فلا نقدر على النسيان
اذا تقوي على فراقي وبعدي عنك .. خليني
انا مليت من دور الكرامة
ولعبت الغفران
قليل العمر ياللي انتي دموعك ما تساويني
حرام انه يضيع فراق
هي من قلها الأحزان ؟؟


........................................ .......... ........................................ ....




أجـــهــلــك .

أجهلك .. و لي سنين اتخيلك
اتمثلك في كل طيف .. والقاك في قسمات ضيف
كل المشاعر له تقول .. حنـّا هلك
أجهلك .. ولي سنين اتخيلك
القاك في بعض الوجيه .. ويمرني طيفك واجيه
يا باكر اللي اجهله .. ارقتني الأسئلة
وابطى العمر يستعجلك ..
أجهلك .. ولي سنين اتخيلك
بالعيوب وبالمزايا .. بالألم
لامن هجرتي يجتاحبي ضلوع وحنايا
اتخيل شكوكك وظنك .. اتخيل التقصير منك
حتى الجفا اتخيله .. وكيف انا باتحمله .. واتحملك
أجهلك .. ولي سنين اتخيلك
وجهك اللي قد حبسته داخلي في غمضة عيوني
واللي ياما قد رسمته .. من عبث طيشي وجنوني
وجهك اللي دوم يظهر لما ألقى نشوة الفكرة الجديدة داهمتني
لما القى انكساراتي قصيدة واكتبتني
وجهك اللي دوم يظهر في اعاصيري وسكوني
في الجبال الشاهقة في أجمل خيالي
في السفوح الخافقة بين نبضي وانفعالي
وجهك اللي قد نحته في عظامي والجوارح
وجهك اللي قد حفظته وبتفاصيل الملاح
بالنهار في بسمته .. بالضيا اللي في ورودة
بالعبوس في غضبته .. بالتضاريس وحدوده
من جنوحه في البها .. لين اقصى نقطة في كاسر جماله
للعذوبة .. من شروق النور في ضيه
للشعر في غروبه
من شطوط الكحل في عيونك لنحرك
من بياض الثلج في خدك لجمر ٍ قاد في ثغرك
وجهك اللي ما ابد يوم لمحته .. او عرفته
لي سنين اتخيله .. واتخيلك
ياللي كلي بك معرفة .. واجهلك
ما اصعبك .. كيف الاقيك
ما اسهلك .. لو الاقيك
ياللي دوم اتخيلك
مملكة حسن الزمن
وأنا الملك



........................................ .......... ........................................ ....





أســـتـاهــلــك

ابسألك .. هو أنا استاهلك ؟!
استاهل الدمع اللي جرّح وجنتك ؟
استاهل اني اعشقك ؟
ابسألك عن حالنا .. انتي وانا
ياللي احس .. انك انا
حالنا ما هو غريب
انـّا نكون متأكدين ان الفراق ما هو بعيد
بالرغم من جرح السنين
عشقنا دايم يزين
ماهو غريب .. اني لو مرة في همي
نسيت وبكلمة جرحتك
قبل ما تتألمين .. اللي ينزف هو دمي
ابسألك ماهو غريب .. استاهلك
ابسألك لو قلت لك ان الحنان اللي في قلبك
ينبت من الصخر الزهر ..
وان النهار اللي في خدودك يخلي النسمة عطر ..
وان العذاب اللي في عيونك يعلـّم الناس الشعر ..
ولو قلتلك اني احبك اكثر من هموم البشر
وكثر الجفا وكثر السهر ... لو قلت لك
وانك اقرب من عيوني للنظر
كل الذي اقدر اقوله
واللي ما اقدر اقوله
استاهلك .. حبيبتي ؟!
وباجاوبك .. للأسف ما به احد يستاهلك



........................................ .......... ........................................ ....






أصــــدق مـــاكــتــبــت

انتي .. تدرين من انتي ؟!
تدرين انك لي غديتي كل شي
وانك غديتي شمس ليلي وفي الهجير الفيّ
وانك اصدق ماكتبت
وانك احزاني وفرحي .. لاضحكت اوانجرحت
وانك غديتي ياعذابي اغلى من حبك علي ّ
قبل أحبك .. يا ما كذّبني القصيد
وبعد حبك .. صار يكتبني القصيد
هو يوصفك بسمة وطرف
وأنا اعشقك في كل حرف
منك شكالي .. وصف حسنك اتعبه
وانا شكيتك .. وعشقي لحبك اعجبه
ومهما شكى ومهما وصف
انتي احلى ماكتبت .. انتي اصدق ماكتبت
وانتي احساسي وجرحي .. لاضحكت أو انجرحت
وانك غديتي يا عذابي اغلى من حبك عليّ
تدرين من انتي .. !!





البحر


على مدى الأيام .. كان البحر بالنسبة لي
هو البحر
رمل .. أمواج .. صخر
كان البحر بالنسبة لي بس البحر
وعلى مدى الأيام ماقد لمس فيني المشاعر
الا ذاك اليوم .. يوم انك معي
يومها كان الوداع
وكان البحر دفتر والموج بيت من شعر
وبيتٍ ورى بيت .. وموجه ورى موجه
تكتب قصيدة حبنا
وتمحي الجراح بجراح
ومثل الفرح في دنيتي كان الفجر
عمره قصير .. وبكل حب اهدا نسيمه وراح
وتشرق الشمس .. لجل الخلايق كلها تقرا
قصيدة حبنا
ويومها ماكان للشمس اي نور
وبعض السبب كان الوداع
وباقي السبب انتي خذيتي .. من سماها النور
ولجل الصدق .. يومها كنتي انتي الشمس
وكان البحر عينك .. وادموعك امواج الشعر
وخدك الدفتر
آه يا اللقى ماخذت من طبع البحر
ما للبحر آخر
آه يالفراق .. ماخذت من ذوق الفجر
يمرنا عابر
وآه يالعيون اللى انا منها عرفت
ان البحر دفتر وان القصيد امواج
وإن الغرام شاعر


........................................ .......... ............................



........................................ .......... .............................


الصبر


الصبر ... مالي انا الا الصبر
الغدر .. وشلون جاء منها الغدر
ياقلب ابي منك العذر
انا ما هقيت ان الفجر يقدر يخون وقت الفجر
وان السنين تقدر تمر ابلا عمر
لا ماهقيت ان الوفا في قلبها ماله قدر
واني انا محتاج مني الصبر
ياقلب ابي منك العذر .. وان مارضيت مالي جدى كود الصبر
ياجرحي في كل الدهر فارقت انا الدنيا
يا طعنةٍ وسط الظهر .. لابد انا انساك
بنسى انا كل اللي راح .. بنسى الفرح لجل الجراح
بنسى قصيدي والشعر .. بنسى سنيني والعمر
مع الهجر يمكن في يوم اسلى
وان ماسليت او ما نسيت
منك العذر .. مالي جدوى كود الصبر
ياللي خذلتي مدمعي .. ان كان ودك ترجعي
عندي طلب .. لاترجعي
ياللي خذلتي مدمعي .. ان كان ودك ترجعي
شرطي صعب ! ..
لو تجمعي آهات قلبي اللي انجرح
وتنسي السعادة والفرح
وتتعذبي
وبعد العذاب تتعذري



........................................ .......... ............................


النظرة الخجولة

ما سألتوا صاحب النظرة iiالخجولة كيف يسهرني وله وجهٍ iiصبوح
كيف يظلمني وله طهر iiالطفولة كيف يسكنّي وهو دايم iiيروح
وكيف أنا ألقى ربيعه في iiفصوله دام كذبه صادق وصدقه مزوح
له صفاتٍ تورد العاشق ذهوله مستكين و صامت وكله iiجموح
أصعب الأشياء و أكثرها iiسهولة أغمض الأشياء و أكثرها وضوح
سهل تغرم به وصعب انك iiتنوله غامض فـ طبعه و واضح في الجروح
أسعد بشوفه ولكن ما iiأطوله كنّي الوادي وهو أعلى iiالسفوح
يبتسم لا منهم عنّي حكوا له ولا حكوا لي عنه أعماقي iiتنوح
لي بقلبه شي لكن ما iiيقوله وله بقلبي كلّ لكنّي iiأبوح
كنّه الغيمة و انا أرجي هطوله ما نزل غيثه ولا برقه iiيلوح
ما عرفتوا ليه تسهرني iiفعوله وليه يسكنّي وهو دايم iiيروح
هو يبيني بسّ أطباعه iiخجوله وما يبي أغفى وهو وجهه iiصبوح

........................................ .......... ............................
تجاعيد ..


في وجه الزمن صاروا ..
تجاعيد ..
رماهم حزنهم اوراق ..
خريف وعاث بالعشّاق ..
عطاهم الأمل لحظات ..
ورسم أوقات الآلام ..
وللذكرى مواعيد ..
وتجاعيد ..
في وجه الزمن صاروا ..
تجاعيد ..
جروح تؤلم الإيلام ..
عذاب يضج باستفهام ..
متى قد كانت الدنيا مع العاشق ؟
متى قد كانت أعظم خاتمة للحب ..
ما هي افراق .. !!
هذا طبعها الأيام ..
كذوبة كانت الأحلام ..
بالتأكيد..!

تفاؤل زاد في الإغراق
وصدّق بهجته عشاق
خذلهم .. بدّل ضحكهم تنهيد ..
وتجاعيد ..
في وجه الزمن صاروا ..
تجاعيد



........................................ .......... ....................................


تخيلوا..!!


يااللي قريتوني شعر ..
وشفتوا ملامح حبها ..
بين المعاني والحروف ..
يااللي عرفتوني صبر ..
وفراق .. وجروح .. وحزن ..
وظروف خانتها الظروف..
تخيلوا..!!
إن القصيد إللي كتبت ..
كل القصيد ..
أصبح كذب ..
تخيلوا..!!
أصدق إحساس فـ زماني ..
يصبح كذب ..
تخيلوا..!!
إني ماكنت الوحيد في قلبها ..
تخيلوا ..!! إني الوحيد ..
إللي أبد ..
ما قد سكن في قلبها ..!!
والغريب .. أحبها .. إلى هلحين ..
أحبها..
تخيلوا ..!!
ما ودي جراحي تطيب ..
لأنها الشيء الوحيد ..
إللي بقالي منها .. تخيلوا..!!



........................................ .......... ....................................

تسلم عيوني



ياطيب حظي كان انا حلم iiدنياك ياللي تقول اني أمانك iiوخوفك
تحبني؟ ..أدري حكالي iiمحيّاك رعشة يدينك وارتباكة iiحروفك
ياللي الوفا هو بعض أصغر مزاياك حملي ثقيل ووافياتٍ iiكتوفك
تشيل همي دوم كنّي أنا اياك صارت ظروفي مو ظروفي ..ظروفك
إن جيت ابحكي عن بهاك iiوسجاياك كيف اوفي أخلاقك وباهر iiوصوفك
وان جيت الاقي لك خطايا iiخطاياك أطيب قلوب الخلق ساكن iiبجوفك
وشلون ما احبك وهذي سواياك؟! وشلون ما أهديك عمري iiفكفوفك؟!
ياقلب قلبي وش حياتي iiبلياك؟! تسلم عيوني دامها هي iiتشوفك



........................................ .......... ...................................



تعالي


تعالي مابقى حولي .. سوى ظلي وبُعدك
بَعدك ألهب أيامي أنا قيض الملل
في بُعدك ضاع من ليلي الدفى والأمل
غدت متشابها الأيام .. تلاشى النوم والأحلام
أنا لحالي .. تعالي

تعالي .. مالقيت أصحاب
يحلف لك .. أنين الباب
انه مابقى حولي .. سوى ظلي وبُعدك

ماغدى للشمس معنى .. من تركتي ..
سوى القيض
وماغدى لليل معنى .. من هجرتي ..
الا الكدر والغيض
وماغدى للأجوبة في خاطري .. الا سؤال !
ليه .. ليـــــــــه ؟!

يالأمان اللي أبيه ..
في غيبتك .. مابه ربيع و ورد
يالأمان اللي أبيه ..
في غيبتك مافي العمر الا الشتا والبرد

من رحلتي .. مابقى في مسمعي الا بُكى الريح
ومابقابي من البُكى .. سوى قلب ٍ جريح
ومابقى حولي أحد يسمع سؤالي ..
من فيني يبالي ؟؟؟
من غيرك في بالي ؟؟

تعالي .. مالقيت أصحاب
يحلف لك .. أنين الباب
انه مابقى حولي .. سوى ظلي وبعدك

تعالي ... تعالي
ضاعت الأحلام ..
وماظني بلاقيها لحالي ..
تعالي .. نبعد الألام من حولك .. وحولي
تعالي ..

لجل حربي مع الغربة .. مع الوحدة ..
أبيلي سلاح حبك ..
لجل حربي مع اللي جاي
بلاقي قوتي في ضعفك
لجل حربي مع نفسي ..
أبيلي سلاح منك
أبيك انتي .. تعالي
أبيك انتي .. تعالي

باكر أجمل .. من خيالك
أو خيالي

تعالي .. وان لقيت أصحاب ..
مايسكت أنيين الباب ..
الا لو لقى حولي دفى حبي وحبك
تعالي



حكاية


نحكيلك أجمل حكاية ..

عن قصة حب وقلبين

صارت بك دنياهم أجمل .. يا أغلى من ضيّ العين

جيتي وصرتي انتي الأبدا .. انتي الدنيا والأيام

انتي الحاضر .. انتي باكر ..

انتي العذب من الأحلام

ربي يخلي هذي الضحكة ..

تملا عمرك فرحة ونور

ربي يخلي .. ربي يسلّم

ويحميكِ من كل شرور



بكرة لما الحلوة تكبر ..

والقامة تطّول شبرين ..

لما تمسك قلم ودفتر ..

وتدرس علم وعربي ودين

ولما تكبر .. اكثر واكثر

ويتمّم ربي بالخير

ولما انشوف الأم الحلوة ..

تحكي حكاية عن قلبين


........................................ .......... ........................................ .




دخون


هو فيه مثلك .. ياللي الحسن ظلك
ليه العطر ؟!
وانتي انفاسك دخون
وليه الكحل
وانتي ماغيرك عيون
وليه تفكيرك يكون
انك تكوني دايم اجمل
انتي اجمل
من جمالك
من دلالك
من خيالك
ياللي كل افراح قلبي والحزن
في المسافة بين فرقاك ووصالك
وليه يالقلب الحنون
تاخذك فيني الظنون
ضيعتي عدلك .. هو فيه مثلك .. ؟!
انتي ماغيرك عيون
وانا احبك .. وانتي انفاسك دخون
ياللي احبك .. ليه احبك ؟
او ليه ماحبك .. ؟!
وانتي علـّمتيني ان الحب كله اسئلة ما تنتهي
ليه ما احبك .. ؟!
وانتي علـّمتيني ان الحب لا غدا لمثلك .. ابد ماينتهي
ياللي علـّمتك عذابي والهجر .. ليه ما احبك ؟!
ياللي علـّمتك تكوني ..في ضعف ضعفك .. اقوى مني
يا انتي ضحكاتك تغني .. وابتساماتك شعر
يا انتي ضحكاتك تغني .. وكل ما شفتك اصر
انك اجمل من جمالك .. من خيالك .. من دلالك
على حبك انا .. بقفل ابوابي
وبطيوفك انا.. بسقي اهدابي
يا انتي .. يا انتي احبابي
تصدقين .. تصدقين .. صدقي
قلبي لكي وحدك . .صدقي
ماقوى على بعدك دقايق .. بس دقايق
ياظلي .. يا داري
يا اجمل ..افكاري ..
تظلميني لوتقولي اني عاشق .. بس عاشق !!
ياللي وحدك تسمعي صمتي وكلامي
ياللي ضيك ..اتعب همومي وظلامي ..
صدقي اللي في قلبي لك ِ ..
اكبر من افكار القصايد والحكي
تصدقي انك اجمل في عيوني من جمالك من خيالك من دلالك
لا يالقلب الحنون
لا تاخذك فيني الظنون

رسالة


إنه أمامي .. العاشق الأصدق
في صمته المُدوي .. يبُثني شكواه
إنه يحب .. وحبه في هذه الدنيا
هو الأصدق
إنه أمامي .. يا لها من نظرةٍ حزينة
تحجب النهار .. تطل من عينيه
يا لها من وجنةٍ في دمعته
يقرأ في ملامحها الضياع
كأنها بحّار قد ا ُنسي العوم
ومن حوله تنهد الموج
ولا يرى مرساه
إنه أمامي ساءت في طباعه .. الطباع
لا يقبل اللوم .. يبكي على ليلاه
إنه أمامي يا لها من قصةٍ حزينة
تطل من عينيه
تطل من عينه تلك .. سنينه العجاف
والذكرى
وتلك التي أحبها .. سنين
تلك التي رمت به في البحر
ومع غيره ركبت سفينة
وتركت له المجداف للذكرى
أحمق
يا له من أحمق هذا الذي أمامي
العاشق الأصدق
لها هذه الرسالة
لمن علمته الصبر والغضب
لها لعلها تلقى من الإحساس ما يكفي
لكي ترثي حاله
لها لعلها تعلم إنه إن أدبرت
أو أقبلت هالكٌ .. هالكٌ
لا محالة
لمن علمته الصبر كتبت هذه الرسالة
كتبتها ألقيتها في ماء هذا الغاضب الأزرق
في البحر
كتبتها كي أنقذ الأصدق
هذا الذي أمامي العاشق الأصدق
كتبت في الرسالة .. تحياتي حبيبته سلامي
إنه أمامي .. له من المتاعب ما يكفي لكي يُعشق
فجرحيه بأن تريحيها .. له روحٌ أبت إلا على يديك أن تـُزهق
فقتليه بالرحيل .. أو تعالي وأزهقيها
لمن يحب كتبت هذه الرسالة
فعلت ما علي كتبتها .. ألقيتها
في ماء هذا الغاصب الأزرق
في البحر
كتبتها كي أنقذ الأصدق
هذا الذي أمامي العاشق الأصدق
يا صاحب لا اعرفه في الشاطئ الآخر
لربما ستلقى ما كتبت
لربما ستقرأ الرسالة
اقرأ من الأخر .. إن كنت تعرف من يحب
خذها لها .. وقل لها إن الذي أمامي
لا.. لا.. لا
يا صاحبا ً لا اعرفه مزّق الرسالة
مزق الرسالة واضحك على المأساة
اضحك على المأساة
عرفت من أمامي .. إنها المرآة

سألتها ..



سألتها ..
لية البحر ساكن عيونك ؟!
جاوبتني .. للغرق
سألتها ..
ليه السواد اللي في عيونك ؟!
جاوبتني .. للأرق
سألتها ..
ليه الخدود ؟
قالت .. عبق
سألتها ..
هي رقتك مثل النسايم والورود ؟!
قالتلي .. لا .. يمكن أرق
سألتها ..
عن حسنها كنّه يقول : ما للشعر فيني حدود؟!
قالت .. صدق
سألتها ..
يا اغلى الأنام .. وشهو الغرام ؟!
قالتلي .. انك ماتنام .. وأوهام .. وتنتظر شمس اللقا
وماتجي شمس اللقا
مشوار مايعرف وصول .. ولحظة بها كل الفصول
وقلب واحد يحترق .. وبعض الصدق
وقتٍ عصيب يتبعه وقتٍ عصيب
وليل يتعدى الصباح ..
وجراح تدمى لو تطيب
وفي الأخير ..
خل عن خل افترق
في الأخير .. كل النهايات الفراق
مافيه فرص ..
مافيه نهايات بلقا .. إلا في خيالات القصص
سألتها ..
وشهو الوفا ؟!
قالت .. كفى ..
النور من ضيي اختفى
والليل في عيوني غفى
اترك كثير الأسئلة ..
اسأل عن عيوني وكفى
اسألني .. ليه البحر ساكن عيونك ..
ليه السواد اللي في عيونك
سألتها ..
جاوبتني .. للغرق .. للأرق
سألتها عن حسنها كنه يقول : ما للشعر فيني حدود ؟!
قالت .. صدق


سبعة ارقام وجفا ...


بيني وبينك سبعة ارقام وجفا
عندي بقايا جرح وعندك بقايا وفا
لاجزا الله هالدنيا خير
في كل لحظة طبع غير
ياللي جفاك طوّل
ترى المغيب اقبل
وما عاد به شي ٍ نخافه
لامن غدت كل المسافه بيني وبينك سبعة ارقام
سبعة ارقام وجفا

بيني وبينك كان شي ٍ يسمى حب
كنا بنقطع به درب ٍ طويل ٍ صعب
فيها الحسد والخوف
فيها العذول اللي يستمع بالشوووف
فيها الرجوع اصعب من النسيان
فيها الصديق اقسى من الانسان لامن جرح انسان
ياللي احبك غصب
الدرب ماله درب
وكل شي صرنا نخافه
دام انها كل المسافه .. بيني وبينك
سبعة ارقام وجفا

ياللي ضيعتي الوفا
اليوم ضيعني الوفا !
اقبلي مني الجفا .. واقبلي عمري اللي ضاع
وارضي لي بـ الهم رفيق
ولا لمحتي مركبي في بحر حبك غريق ..
ابعدي .. لاتضعفي .. لا تمدي لي الشراع
ياللي قتلتي كل شي
ما ابغى منك الا شي
حققي لي اللي ابي واقبلي مني الوداع
ولاذكرتي ما مضى ... اكتبي سر الضيااع
سبعة ارقام .... و دفا ,,,


........................................ .......... ........................................ .

سيد جروحي


سيد جروحي شمس عمري iiوظلي البعد طوّل والخطأ منك واضح
اذا غرورك يمنعك تعتذر iiلي تعال جنبي وابتسم لي iiواسامح
تدري احبك لكن الموت iiذلّي ادوس انا قلبي لو الشوق جامح
الله عطاك الحظ واصبحت iiخلّي والله عطانياك طاغى iiملامح
سألتني يا ياسميني iiوفُلي ياكيف يشفى الورد .. والشوك جارح
مثل العيون اللي لها كل كلي زايد حلاها لكن الدمع iiمالح
وش تنتظر يكفي دلال iiوتغلي الوقت ماهو للوصل دوم iiسانح
مادمت ترحالك ومادمت حلي ان صرت انا خسران ماصرت رابح
لا تعطي الفرصة لعذالنا iiاللي لكل ماهو يهدم الحب طامح
مالك صبر عني ومالي iiتسلي والوقت خيل صوب الآجال iiرامح
سيد جروحي شمس عمري iiوظلي الحب بعد وقرب .. مخطي iiوصافح
اذا غرورك يمنعك iiتعتذرلي لا تعتذرلي قول اسمي iiواسامح

........................................ .......... ........................................ ...
(( الحرامي ))



إحترامي .. للحرامي !!
صاحب المجد العصامي ..
صبر مع حنكة وحيطة ..
وابتدا بسرقة بسيطة ..
وبعدها سرقة بسيطة ..
وبعدها تَعدى محيطه ..
وصار في الصف الأمامي .. !
احترامي .. للحرامي .. !!

احترامي .. للحرامي ..
صاحب المجد العصامي ..
صاحب النفس العفيفة ..
صاحب اليد النظيفة ..
جاب هالثروة المخيفة ..
من معاشه في الوظيفة ..
وصار في الصف الأمامي ..
احترامي .. للحرامي .. !!

احترامي .. للحرامي ..
صاحب المجد العصامي..
يولي تطبيق النظام ..
أولوية واهتمام ..
ما يقرب للحرام ..
إلا في جنح الظلام ..
صار في الصف الأمامي
احترامي .. للحرامي .. !!

احترامي .. للحرامي ..
صاحب المجد العصامي ..
يسرق بهمة دؤوبة ..
يكدح ويملي جيوبه ..
يعرق ويرجي المثوبة ..
ما يخاف من العقوبة ..
صار في الصف الأمامي ..
احترامي .. للحرامي .. !!

احترامي .. للحرامي ..
صاحب المجد العصامي ..
صار يحكي في الفضا ..
عن نزاهة ما مضى ..
وكيف آمن بالقضا ..
وغير حقه ما ارتضى ..
صار في الصف الأمامي ..
احترامي .. للحرامي ..
احترامي للنكوص ..
عن قوانين ونصوص ..
احترامي للفساد ..
وأكل أموال العباد ..
والجشع والازدياد ..
والتحول في البلاد ..
من عمومي للخصوص ..
احترامي للصوص .. !!
........................................ .......... .......



وإذا تبون كمان حااااااااااااااااضر عندي كمان:a2a1415:

[مملكة الحنان]

تسلمين اختي عربجيه كلك ذوووووق قصايد حلوة من المبدع الامير عبدالرحمن بن مساعد
وننتظر جديدك دايم وهلا بك الفين
تقبلي مروري اختك ^&)§¤°^°§°^°¤§(&^مملكة الحنان^&)§¤°^°§°^°¤§(&^