سكت والشعر يصرخ والقصايد تصيح

[الحوت]

السلام عليكم

من وقت لآخر يحن القلب للشعر

هذي القصيده من اجمل قصائد الشاعر سعد الحريص ..

سبحان الله يا سعد .. بحق وكأننا توقفنا خارج الزمن في تلك المشاعر والاحلام ..

اترككم مع قصيدة الشاعر سعد الحريص

---------------------------------------




خطا..خطا..صح..لكن صح ماهو صحيح


حسبتها الف مره.. والف تطلـع خطـا


الصمت شاهد على قبر الكـلام الذبيـح
كانت عيونك فشق بندق وشعـري قطـا


سكت..والشعر يصرخ والقصايد تصيـح
والقلب عاري وانا صمتي فراش وغطـا


لوبعض الايـام مرتنـي بوجـهٍ فليـح
جتني الليالي تشيل الجرح حتـى سطـا


ياليتني قبل اعرف اركض تعلمت اطيـح
لاجل اتقي شر عثراتي واعـاف الوطـا


ياليتني قبل اعرف اتعب عرفت استريـح
عشان ماتوجـع دروبـي ثقيـل الخطـا


جيتك جريح الكلام وكان صمتك جريـح
بين المجاريح ماحاجة دخـول أو سطـا


تدري وش اللي عجبني فيك غير المديح
تنسى التفاصيل في كذبك وتنسى العطـا


خطاي مايستره صمتك وعذري شحيـح
وخطاك ماتدمحه وحشتك عقـب البطـا


هذا انت ناسي من انت ومابقى للصحيح
الا اني ارجع وانا جيتـك وهـذا خطـاhttp://www.up07.com/up5/uploads/58e7b81e2e.jpg (http://www.up07.com/up5)

[هيبة ملكـ]

السلام عليكم ورحمة الله وبركاته


شاكرلك على النقل وختيار موفق

موضووع رووعه :)


وننتظر جديدك

ودمت بود .