يوميــات مواطــن جوع ــان..!!

[رحــآل..]

http://www.hebat-malek.com/up//uploads/images/hebat-malek.com..da885055a5.jpg (http://www.hebat-malek.com/up/)


مساء / صباح الخير جميعًا ..
كُل عام وأنتم بخير ،
و مبارك عليكم الشهر ..
هُـنا ..
سأقوم بنقل قصيدة كل يوم خلال الشهر الفضيل ..
نقلآ عن الشاعر أحمد الصانع .. !!
لقلوبكم


http://www.hebat-malek.com/up//uploads/images/hebat-malek.com..257124f8e5.gif (http://www.hebat-malek.com/up/)
.


.



[ 1 ] ..
:
هذا أوَّل يوم من شهر رمضان
وراح أكتب لي قصيده كل يوم

عن مواقف صارت بنفس المكان
عن همومٍ ما تشابه أي " هموم "

عن حياة إنسان عايش من زمان
بين نار , وبين شوق , وبين لوم

عن طفل ما يجذبه ( وادي الأمان )
وعن رَجُل دايم يتابع له رسوم !

يا صديقي صارت الساعه ثمان
إنت وينك مختفي بين الغيوم ؟

إنت لك عندي ترى قدرٍ وشان
شاعرك ما يفضحك طبعه كتوم

ما لقيتك .. رغم إنَّ الجَو زان
شفت كل الناس وهنّوني النجوم

الشهر جانا .. وقد آن الأوان
إنتقرب فيه للـ رب الرحوم

من طلوع الشمس لي وقت الأذان
كل ما فيني عن ذنوبي [ يصوم ]


:

.


يتبع:a2a1158:

[وشـ ـاح الذكـ ـريات]

ما لقيتك .. رغم إنَّ الجَو زان
شفت كل الناس وهنّوني النجوم




ياهلا والله فيكـ ياخوي
وانت بخير يآرب
والله يهني ويبارك جميع المسلمين
بهذا الشهر الفضيل ..
ننتظر المزيد
يعطيك العافيه ..

[رحــآل..]

[ 2 ] ..






مدخل :

تدري وش يجرح غيابك ؟ღ
يجرح [ غيابك ] صيامي




هذا " ثاني " يوم عدِّى
كنت نايم ..!
بـ الإسم : إنسان صايم
ليت يومي مثل أمسي
وليت أمسي كان دايم ..!
أعترف إنِّي مقصِّر
يوم ضايع من حياتي
كنت في نفسي أفكِّر
وين سجادة صلاتي ..؟
ليه يا عيني تنامي !
وينجرح منِّك صيامي
أشعر إنِّي بلا وجود
شخص منفي من بلاده
( كلمه ) وبليا قيود
" الله وأعلم في عباده "






مخرج :

كل [ ضيقه ] من دعاءك تنفرج
ومن صلاتك تلقى كل اللي تبيه

شفت رقمه جاني وكان المسج :
جيت قبل الناس أبارك لك عليه

[رحــآل..]

[ 3 ] ..


:

وهذا اليوم هو ثالث من أيَّام الشهر يا خال
ولا جاني مسج منَّه .. يبارك لي ويهنيني

أنا حالي من غيابه .. قسم بالله ماهو حال
أحبه وما أبي غيره عرفت الحين وش فيني

ترى في غيبته مرَّت على عيني كثير أشكال
ولكن مثله ما شافت رغم , كثر البشر عيني

عساه بخير ..؟
شخباره ..؟
هذاك اللي غيابه طال ..
- نساني ..؟
وإلا ذاكرني ..؟
أبي
بس أسأله ويني ..?

يا خالي تدري شـ تمنَّى إذا مَر التمنِّي وقال :
" تمنَّى لك طلب واحد " أبي أطلب ويعطيني

أبسمع عيدك مبارك من أوَّل ما يهل هلال
أنا ودِّي .. قبل حزَّة صلاة العيد يطريني

:

[رحــآل..]

:

يا رَب , عبدك طلب من عفوك التوبه
[ فقير ] يرجي الغني في يومه الرابع

شخصٍ طلق لحيتة .. ومقصِّرٍ ( ثوبه )
وشخصٍ لهى عن صلاته لأنه متابع !

المرء يخطي وكل غلطاته محسوبه
جوعان يبقى( ولو عاش الدهر شابع)

واللي مسك رغبته ويحاسب ذنوبه
سماه في وجهه تلقى الخير به نابع

أعوذ منِّك من الشيطان , وإسلوبه
هذا كلامي .. ولك آخر سطر تابع



يا رَب كلِّي خشوع وأطلب التوبه
أستغفرك كل لحظه بيومي الرابع

:

[عبير الورد]

أنا حالي من غيابه .. قسم بالله ماهو حال
أحبه وما أبي غيره عرفت الحين وش فيني
ترى في غيبته مرَّت على عيني كثير أشكال
ولكن مثله ما شافت رغم , كثر البشر عيني
عساه بخير ..؟
شخباره ..؟
هذاك اللي غيابه طال ..
- نساني ..؟وين انا كنت وما شفت
وإلا ذاكرني ..؟
أبي
بس أسأله ويني ..?

..........
وين انا كنت وما شفت نور هالكلمات

خيو شي للذكرى رائعين بكل ما للكلمه من معنى ..اشكرك

تملك ذائقة بالانتقاء من نوع خاااص...

راق لي انتقائك للشاعر الكبير احمد الصانع

بقــــــــــوة

كن على يقين اني ساتابع لليوم الثلاثين :) بقوة

ودي ووردي لسموكََ

عبير الورد

[جاسيكا]

’

,

زاويتك قمه في الروعه
وتدل ع رقي ذآئقتك الشعريه

مآننحرم

’
,

[رحــآل..]

هذا خامس يوم من هذا الشهر
يعني ( + ) يوم من فرقى الخليل

مو على كيفي ترى إخترت السهر
ياللي تسأل .. ليه أنا نومي قليل

حظِّي اللي ما يكسِّر لي " صخر "
والنصيب اللي موريني الرحيل

قلبي عايش , بس ميِّت من قهر
ترمِش جروحي ولا عندي بديل

الحزن : أبرز صفه لي من صغر
كنت أوظِّف لي أماني و تستقيل ..!

الصبر ! هو باقي في عمري صبر ؟
بين جرحي وراحتي , دربٍ طويل

يا خطا .. ما له في قاموسي عذر
كيف يقتلني ..؟ وأنا بليا قتيل !

صاحبي إن كان لي عندك قدر
أدري والله فرحتي شي مستحيل

رغم هذا قول حالي : [ مستقر ]
لا تبيِّن .., إنِّي بـ الفرقى عليل

لو سأل عنِّي أبي تقول : الظهر
كنت أنا ويَّاه نضحك عـ البخيل

جيب طاري بـ أي طريقه للسفر
وقول في غيابه أنا : وقتي جميل

وإن تعجَّب قول له : لا تنبهر
سفرته " لبنان " هي أكبر دليل


:

[رحــآل..]

:
هذا سادس يوم ماني بالكويت
بس ما حسيت بـ الغربه " هِنا "

ضيف يا لبنان ناديتوا وجيت
ومن كرمكم صرت لبناني أنا ..!

والله يا بيروت في شعبك لقيت
شنهو يعني تضحك وتنسى العنا

كنت ذاكر صدمتي .. لكن نسيت
بدَّل الله حالتي .., وشفت الهَنا

يعني عال العال حالي يوم جيت
والسعاده ما هي لي وحدي .. لنا

بس أمانه حب لي راس الكويت
ولا تحاتيني .. أنا ببقى " أنا "

:

[رحــآل..]

:

هذا سابع يوم , والراحه تعب
المرض جاني وأنا .. هلِّيت فيه

يا حبيبي .. وقتي في قلبي لعب
ورغم هذا قلت يـ الله ما عليه

في غيابك شافت عيوني العجب
حيل محتاجك , وإحساسك أبيه

لك أقول بخير وماليني التعب
الأهم .. قلبك ,, تطمني عليه



:

[رحــآل..]

[ 8 ] ..


:

اليوم ثامن يوم لا يطفي سراج
في شي صاير لي ( معكِّرمزاجي )

قصة حياتي قصه تبحث عن إنتاج
وإسمع نهاية - قصتي و إنزعاجي

يا سيدي , جيتك وآسف عـ الإزعاج
صحيح كنت أغلى البشر يا سراجي

مثل الغريق اللي نجا وقابل أمواج
تشبيه منِّي .. والمفارق .. نتاجي

دام " الوقايه " قالوا خيرٌ من علاج
ببعد .. رغم حبي وزود إحتياجي

أدري مريض وقلبي لك حيل محتاج
وتدري [ أموت ] وما ترجَّى علاجي

[جاسيكا]

متاااااابـع ـه
وبشغف

[رحــآل..]

اليوم هو يومي " التاسع "
ورغم المرض كنت أنا صايم
الفرق .. يا سائلي شاسع
والجو هذا المسا .. " غايم "

[ تعبت ] من حظي الكاسع
صاحي .. وفيني البخت نايم !
أصبر على جرحي اللاسع
و ( الجرح ) عاشقني وهايم

القلب , ما عاد لي ياسع
وفي داخله .. الحزن عايم
الكون ما ضاق بي واسع
اللي يضيق ( الصدر ) دايم

[رحــآل..]

[ 10 ] ..


:


" عشر" أيَّام مرَّتني سريعه
ولا جاني خبر يروي إنتظاري

شريت الحُب ومو قادر أبيعه
غريبه كيف أنا ضايع قراري !

مثل طيرٍ .. نطر موسم ربيعه
يبيه القلب وما كان إختياري

وقلبي رغم هالدنيا الوسيعه
يشوفه زهر والعالم صحاري

أنا لو هـي عليَّه ما أطيعه
ولا أحبه ولا أبي منْه طاري

عشر أيَّام .. والفرقى فظيعه
بدونه إختلط ليلي بـ نهاري !

:

[رحــآل..]

(11)

- طنِّش ..
- تعش ..
- تنتعش ..

لا تنقهر
ما على قلبك أمر
ولا تنصدم إن لقيت
أقرب أصحابك يحش !
سافِر " مصر "
وتالي إرجع للـ كويت
..
طنِّش , تعش , تنتعش

لا تناقش من يذمِّك
واللي حاصل - لا يهمِّك
لو يهمِّك شفت قلبك
من [ همومك ] ينفرش !
..
طنِّش , تعش , تنتعش

وقبل كل هذا نسيت
تدري لو تعطي جروحك " وجه "
والله تبتلش !
الغضب باين على إيدك
تكلِّمني وترتعش !
..
طنِّش , تعش , تنتعش

شوف يا قلبي وتعلَّم
دام هـ الدنيا تجارب
هذا كل عمره مسالم
وذاك كل لحظه يحارب !
ربِّي حسن الخاتمه ..
كل هذا صار في يوم ( 11 )
..
طنِّش , تعش , تنتعش

:

[رحــآل..]

[ 12 ] ..

:

سلِّم عليه .. وقِلَّه إنِّي " مسافر "
وقِلَّه [ فمان الله ] من قلب مجروح

خلَّه يذوق الشُوق , لا رحت باكر
يمكن يحس بـ قيمتي بعد ما أروح

بـ أكون غايب حتَّى لو كنت حاضر
ممنوع يسمع صوتي لو كان مسموح

ماني على بعضي مثل ما هو خابر
من كثر غلطاته إطلعت منِّي الروح

إن قال برجع قول ناوي : أهاجر
قلبي تسكَّر " بابه " ما عاد مفتوح

علَّمته درس الحُب وما كان شاطر
وسافرت يمكن يفتهم بعد ما أروح


:

[رحــآل..]

[ 13 ] ..

:

" الثالث عشر " هجري
وميلادي ..
شهر تسعه
سنة ( 2009 )

إبتدى يوم [ المواطن ]
في تمام الساعه سبعه
صح قدر يصحى ولكن
هو يحب النوم , طبعه

" الثالث عشر " هجري
وميلادي ..
شهر تسعه
سنة (2009)

كان يقول إنَّه : سليم ..
ومنتشر فيه المرض !
من تَعَب والله العظيم
ما يداوم " يُفترض "
المواطن .. هذا وضعه !

" الثالث عشر " هجري
وميلادي ..
شهر تسعه
سنة ( 2009 )

كان يراجع , ذكرياته
" مركب " بليا مواني
الأمل .., فاقد حلاته
شخص ما عنده أماني !
المواطن .. وين ربعه ؟

" الثالث عشر " هجري
وميلادي ..
شهر تسعه
سنة ( 2009 )

:

[رحــآل..]

[ 14 ] ..

:

جرح .. ممكن يترك الناس ويجيني
وجرح ثاني , يمرِّني عابر وطايف

يوم صار ( القلب ) , مابينك وبيني
إنعمت عيني عليك .. وإنت شايف !

كنت ضايع فيك , ما أدريني ويني؟!
وكنت أصدِّق كل شي يا حُب زايف

وش بعد أقسى .., من إنِّك ما تبيني ؟
شفت موتي .. يصير قدامي وعايف !

شُوف عينك بـ الأمانه وشُوف عيني
من هو عادي ما يهمه ومن هو خايف ؟

ليه ساكت ..؟ يا مضيِّع لي سنيني
كل هذا صار من إيدك ! " حسايف "

إنت أصلاً .. لو تحس , شوي فيني
كلمة " آسف "
ما تفارق هـ الشفايف

:

[رحــآل..]

[ 15 ] ..

:


مدخل :

تعال لا ضقت من همِّك وأحزانك
دنياك هذي إذا شانت .. تحايلها

تعال ماهو على شاني
.. على شانك
قبلك , همومي الثقيله كنت شايلها

لا تستحي وإعتبرني أكبر أخوانك
مدام كلمة " حبيبي " , منت قايلها:



يا ويل حالي صار لي قلب مطفوق
يا عيني من هذي الكوابيس , فوقي

إنسان من كُتلة أحاسيس مخلوق
لكنِّي مالي حظ .. ضاعت حقوقي

راسي رغم كل التَعَب مرتفع فوق
أشتاق , وأكتم داخل القلب شوقي

أختار لك , أجمل هديَّه من السوق
وإنتي هديتي من ..[ تحبيه ] ذوقي !



:





مخرج :

" الحلم " هذا حلمتـه .. ليلة البارح
شفتك عروسه ,, وسال الدمع من عينك

وقفت أسأل عن اللي .. يُعتبر جارح
مخلوق جالس معاك .. ويمسك إيدينك !

اللي صدمني بـ حلمي كنت أنا سارح
وقلتي لي :
من رحت عنِّك تضحك سنينك !

:

[ـآلـوِفآ طَبعِيے]

http://www.yahoo7.net/upfiles/rVn06367.gif (http://www.yahoo7.net/)





شي للذكرى



دوووووما لك ذائقة شعرية مميزة بين الاعضاء



اهنيك على جميل طرحك للمووضوع ..


طرح جدا جدا راقي برقي حضووورك هنا


الف شكر لك اخووي .. وننتظر باقي الايام


بشووووووق .. دوما لابداعاتك اخووي


ربي يحفظك ويسعدك


في امان الله وحفظه



كــل الــود والآحتــرآم




ـآلـوِفآ طَبعِيے


http://www.yahoo7.net/upfiles/rVn06367.gif (http://www.yahoo7.net/)

[رحــآل..]

[ 16 ] ..
:

" السادس عشر " هجري
وميلادي ..
شهر تسعه
من هذي ( السنة )

الشوارع شي غريب
ذاك يبحث عن حبيب
وهذا ماله خلق يمشي
" العقل " عنَّه يغيب !

" السادس عشر " هجري
وميلادي ..شهر تسعه
سنة ( 2009 )

لا تكلِّم .. أي أحد
حتَّى , لا تسلِّم بعد
ناس زحمة بلا عدد
منظر الشارع كئيب !

" السادس عشر " هجري
وميلادي ..
شهر تسعه
سنة ( 2009 )

ثارت أعصاب الشوارع
لا تسولف .. لا تطالع
إنتهى , وقت التواضع
[ التكبِّر ] .. له نصيب !

" السادس عشر " هجري
وميلادي ..
شهر تسعه
سنة ( 2009 )

:

[رحــآل..]

[ 17 ] ..


:



( مو قهر ) ..؟

لما أزرع طيب بـ عيون البشر
وما ألاقي ناتج أخلاقي " شكر "
كل عيون الناس نامت
وآنا عيني بس هامت
بـ " السهر "


( مو قهر ) ..؟

لا صار ما عندي [ مَفَر ]
يا أتم صاحي مع جراحي
وأعتب عـ النظر
وإلا ..
أحسب حاصل أرباحي
ويطلع الناتج " صفر " ..!


( مو قهر ) ..؟

إن كنت جالس أنتظر
يا يجي أو ما يجي
ما يجي ويمكن يجي
والصبر وين الصبر
وأعتبر إنَّه " مسافر "
ضاع في زحمة سفر !


( مو قهر ) ..؟

من بداية .. أوَّل أيام رمضان
كنت أتمنى يمر وكنت أحتريه
لأنه قلبي يُعتبر " فاقد حنان "
وحضرته لاهي ..!
وأنا مشغول فيه
كل هذا صار فـ السابع عشر ..!

:

:

[رحــآل..]

[ 18 ] ..
:


الحكي من فضَّه لو تسألني ليش
لأنه يبقى من ذهب هذا السكوت

إن خذاني الموت ما ودِّي تشيش
وما أبي تبكي على موتي بصوت

يعني لمَّا تبكي راح أرجع أعيش ؟
ما أبي الدمعه .. على خدِّك تفوت

صير عاقل حتى لو فكرك يطيش
دعوتك , تبني لي بـ الجنه بيوت

ما يموت .. إلا الذي ودِّك يعيش
وما يعيش إلا الذي , ودِّك يموت

:

[رحــآل..]

[ 19 ] ..
:

الموت حقٍ ,, والمفارق ,, بعد حق
ما دام مخلوقٍ .. إلى ( قلب ) مخلوق

تتعَدَّد الأسباب و العشق هو : عشق
واحد سرق له قلب , والثاني مسروق

القلب .. واقف في فراقك , ولا دق
وآخر كلامه قال : " ميِّت من الشوق "

وينك ..؟
تعال وشوف في عينك الفرق
وجهي , من غيابك ترى حيل مصفوق

على القليله مرِّني , بـ سرعة البرق
من فتره لـ فتره ( تجيني ) من الذوق

أشواقي تحرقني , لا يا سبَّة الحرق
كل يوم تبعِد تصعَد " النار " لي فوق !

:

[رحــآل..]

[ 20 ] ..
:

تبين الحين ..
بعد هذا الفراق أرجع ؟
تبين أسمع ؟
وأنا صوتك نسيته من غياب سنين !
أنا من عشت لي قلبين
أنا شخصين ..
وحبيبك قلبي الأول , ولكن مات!
من أسبابك
وأنا في قلبي الثاني
أعيش بـ دنيتي تدرين ؟

أنا لو كان في إيدي أسامح
- كان
[ سامحتك ] ..
وذكَّرتك بـ غلطاتك
ولكن ..
" صج " .. ما أذكر
ولاني قادر ,,, أتذكَّر
أقول أحسن ترى تنسين
وعيشي مثل ما كنتي
إذاااا إنتي هذيك إنتي
وطلبتك لا تقولي وين
كفايه إحراج
وجودك واقفه بدربي
زعجني ..
وما أحب لـ إزعاج
دخيلك بس أبي تمشين

أنا يا .. بنت
ما أنسى ولا أقسى وتقولي : إنت !
أخاف مضيَّعه فيني
أنا مرتاح شوفيني
وتقولي : إبتسم لا هنت !
وسامحني أبي أرجع !
حسافه الحين ما ينفع
لأني كنت ..
أحب وحده مثل زولك
مثل لونك , مثل طولك
وهي خانت أنا ما خنت
ترى بعض المواقف دين

:

:

[رحــآل..]

[ 21 ] ..
:

دنياك .. يا [ قلبي ] تبي شوي تفكير
تكشف لك الدنيا .. خلايق و أخلاق

واحد يجي وتلقى مع " شوفته " خير
وواحد يجيك الخير من بعد لـ فراق

ما أبي ألاقي من عطاياك ,, تقصير
اللي يحبك صير له ( سرب عشَّاق )

أدري صعب لكن مع الوقت بـ تصير
أبيك ترضي بـ دنيتك , كل الأذواق

إفرد جناحك ,, في سما دنيتي طير
ما دام غيرك للـ [ معاليق ] ما لاق

في واحد وعشرين هجري , أنا غير
شقَّقت , من دفتر أحاسيسي أوراق

:

[رحــآل..]

[ 22 ] ..
:

لا تناقشني ,, ولا يطول [ الجدال ]
يا غلط , متغلِّف بـ كلمة " صحيح "

التفاهم .. بيني وبينك ,, مُحال
لا مريِّحني .. ولا إنتَ , مستريح !

يا تعلِّمني المشي ,, وأصعَد جبال
وإلا إسكِت ... لا تعلِّمني , أطيح !

إما تمسَح هـ الدَّمِع لو يوم سال
وإلا إتركني .. على كيفي أصيح

لا تجاوب عن سؤالي , في سؤال
لا تذمني .. وما أبي منِّك ,, مديح

ما فهم قلبك ..؟
أبضرب له مثال :
.. الصراحه
" إنت واحد مو صريح "

:

[رحــآل..]

[ 23 ] ..
:

هذا قلبي وهذا نبضي
صاحي مثل أوَّل ضميري

في غيابك وين حظي ؟
وأوِّلي " يشبهـ " أخيري

بسألك وشلون أرضي ؟
هي تَعَب , عمري وخيري

كيف أنا ويَّاي بعضي ؟
وبعضي الباقي لـ غيري !

العُمر ,, أيَّامه تمضي
وفـ السما ما شفت طيري !

السنه ماأبيها تقضي
وإنت [غايب] يا عشيري

:

[رحــآل..]

24 ] ..
:

مو ضروري ..
أسْمَعْ أعذار الوداع
قلبي في حُلو الحَكِي لا تِخدعه

فِكرة غيابكْ تِجي بليَّا إجتماع
وين ما طيشك يسافر تتبعه !

وإنت رايح خذْ أساليب الخداع
وهم لا تنسى .. جميع الأقنعه

جيتني ناوي .. رحيلك بإندفاع
وإنصدَم قلبي , مِنْ اللي يسمعه

سَدِّدْ جُروحِكْ وأنا مِنِّي الدفاع
طِفِّي أفْراحِي .. وحِزني ولِّعَه

مِنْ كلامك كِلْ شَيْ أغْلِيهْ ضاع
وإنتَ في إيدكْ .. تِشِدْ الأمتعه!

ليه نِتْلاقى..؟ وتِخليني بصراع
يعني قِصْدِكْ قلبي جَاي تودعه..؟

رُوحْ .. مُو إلاَّ إنتِلاقى بالوداع
خَلْ قلبي لِكْ .. ما أبي ترجعه

:

[رحــآل..]

[ 25 ] ..
:

حبيبي والزمن يرقص , على جرحي وإنت بعيد
وجيت من الشتات أسأل بعد جرح الزمن وينك ؟

أنا ما جا على بالي غيابك ,, إنت بـ التحديد
عنادك .. ليش ضيَّعني ..؟ وقف ما بيني وبينك

لك الله , كل ما أضحك ألاحظ هـ الجروح تزيد
حبيبي ضحكتي صعبه علي , وسهله بـ إيدينك

أقول إن الأمل باكر ,, يجي بكره بجرح جديد !
ورغم كل السنين اللي مضت لي .. تكرم سنينك

أنا ما جيت أبي منِّك , بعد جرحك .. تفك القيد
أبيك تحس في ( قلبٍ ).. رفض ينساك ويدينك

إذا يرضيك , تستقبل بدوني فرحتك بـ " العيد "
شسوي بـ قلب متعوِّد يشوف العيد , في عينك !

إذا عادي الزمن يرقص على جرحي وإنت بعيد
على هذا البرود اللي تعيشه [ الله يعينك ]

:

[رحــآل..]

[ 26 ] ..
:

مدخل :

من المفروض يزعل ويتضايق ؟
[ أنا ] ,, لكن فراقك ما أطيقه
إذا تصبر .. على بُعدي دقايق
أنا ما أقوى , على بُعدك دقيقه !


:


كنت أشوفه في حياتي كل شي
الهوى و الماي وأكثر من وطن

كنت ميِّت فيه , وفيني كان حي
بأختصر كل الحكي عين وجفن

هو جرحني وكنت أظن قلبه علي
ياحسافه ضاع عمري بكنت أظن !

صدمتي ,, ياقوَّها ما هي شوي
وما يعبِّر .. عن معاناتي ( حزن )

( روح في فالك ) كلام وقاله لي !
كني شفت الموت ,, وكلماته كفن

:




مخرج :


كنت هادي ..
ومن هدوئك كنت خايف
كنت عادي ..
لا شعور ولا عواطف
وقتها حسيت إن هذا الهدوء
مستحيل يكون ما يسبق عواصف

صاب ظني .. ليت ظني كان خايب
غاب صوتك .. وإبتعدت وصرت غايب .. !
غبت عني ,, وغابت أفراحي معاك
ليه غبت وكيف .. ما عدنا حبايب ..!:

[رحــآل..]

[ 27 ] ..
:


http://www.hebat-malek.com/up//uploads/thumbs/hebat-malek.com..8d78b415b4.jpg (http://www.hebat-malek.com/up//uploads/images/hebat-malek.com..8d78b415b4.jpg)

.

.


( 20 ) ( + ) ( 7 ) هو كم , ( = )
وش يطلع الناتج أبي تَحْسِبْ الحين ؟

[ سؤال ] .. ماهو لغز وإلا غطاوي
شاطر عرفت الحل : سبعة وعشرين

للحين قادر ..! عـ المفارق وقاوي ؟
عفيه على قلبك .., حبيب الملايين

منتَ على النيَّه .. ولا إنتَ حياوي
عايش حياتك , في غيابي بو قلبين

لا تقول : ما أدري ولا كنت ناوي
إلعَب على غيري و عندك كثيرين

ياما وياما .. راح أشوف البلاوي
دام إختلط في دنيتي الشين بـ الزين

:

[ر11يق]

صح لسااانك يا الغلا كله

مشكور اخي على القصيدة الحلوة

بارك الله فيك

[رحــآل..]

[ 28 ] ..
:

ماهي يوميَّات , أكتبها و أروح
هي مواقف .. عشتَهَا يومٍ بـ يوم

مرَّه عن فرحه ومرَّه عن جروح
مرَّه من راحه , ومرَّه من هموم

إسمَع اللي لك بقوله في وضوح
صوم عنِّي مثل ما عنِّك : أصوم

خل في قلبك سوالف ,,, لا تبوح
بس في هذا الشهر , خلِّك كتوم

شوفتي بـ النسبه لك خلْهَا طموح
وصوتي ممكن تسمعه عند اللزوم

عفيه عـ الشاطر أبي عنِّي تروح
وعن وجودي عوِّد عيونك تصوم:

[رحــآل..]

[ 29 ] ..
:
من رُبع قرن وعليها ,, كم عام
نفس هذا اليوم .. من هذا الشهر

أطفي شمعه بـ آخر أيَّام الصيام
ويكتمل في عيد ميلادي " القمر "

[ 11 / 10 ] ,, وما فيها كلام
لازم أكتب ,, هذي الليله شعر
إنولدت بنفس هـ الساعه تمام
يعني من صغري أنا غاوي سهر

يا عيوني تسمحي لي ما أنام ؟
القصايد ماتْحلا غير " الفجر "

كيف ما أصبح مُمَيَّز في الأنام ؟
ويوم ميلادي قبل [ عيد الفطر ]

:

[رحــآل..]

[ .. ] ..
:

[ الجمر ] .. مهما طال وقته يرمِّد
وإذا طفت ناري أمانه .. إعذروني

كتبت ,, وغيري من وجودي تجمَّد
وكلَّه عشان ( عيونكم ) , صدّقوني

ما أتْعمَّد أخسر شخص لو هو تعمَّد
وكثير من حولي خطوا وخسروني !

لو جا رمضان الجاي من غير " أحمد "
أقل شي .. بـ الخير , بس إذكروني







مخرج/

يآ عسى ـآ من زآر هآلصفحآت بعد آسمي سعيد

يآ عسى ـآ جور آلليآلي وآلمصآيب مآتجيهـ